السلام عليكم معايا نيو صنى 2014 عاملة معايا 500 كيلو .... المهم فيه حاجة غريبة حصلت معايا 3 مرات .. جيت ادور العربية مش يتدور من اول مرة .. المشكلة دى اتكررت 3 مرات ... يا ترى مش بيقى حاطط المفتاح كويس ولا اية المشكلة طمنونى :(
عرض للطباعة
السلام عليكم معايا نيو صنى 2014 عاملة معايا 500 كيلو .... المهم فيه حاجة غريبة حصلت معايا 3 مرات .. جيت ادور العربية مش يتدور من اول مرة .. المشكلة دى اتكررت 3 مرات ... يا ترى مش بيقى حاطط المفتاح كويس ولا اية المشكلة طمنونى :(
ازاي مابتحطش المفتاح كويس !!
لا اكيد في مشكلة تانية بس ياريت حضرتك توضح ايه اللي بيحصل بالظبط وانت بتدور يعني لما تيجي تدور مابيبقاش في دوارة اصلا ولا الدوارة بتتأخر وفي الاخر العربية مابتدورش ؟
يفضل انك تدور المفتاح نص دوره اول و تستني 10 ثواني و كمل دوره المفتاح ...بالطريقه دي طرمبه البنزين بتحضر بنزين للموتور و بالطريقه دي الدواره بتكون اسهل و الطرمبه عمرها اطول ....عن تجربه مع الافيو و الاوبترا
العربية مش بتدور لو الفتيس على أي غيار لازم يكون على ال p أو ال n
العربية لو فيها أيمبولايزر يبقى معنى كده أن الكمبيوتر بيشيك على المفتاح و عقبال ما توصل الشفرة العربية تدور بس مش طبيعى أنها تتأخر الوقت ده كله أنصحك أكتب لهم الملحوظة دى العربية ممكن تكون محتاجة سوفت و ير
ملحوظة :
علشان ما حدش يتلم كتير و أنتا داخل و عندك لوجان و الكلام الفاضى ده أنا بأقول اه أنا عندى ثلاث عربيات عربيتى الشخصية اللوجان 2012
و عربية الشغل جيلى أمجراند 2014
و عربيتى أبن خالتى و هو زى أخويا الكبير نيسان نيو صنى سوبر صالون 2014
و الثلاثة بسوقهم يوميا
وده للعلم علشان بعد كده ما حدش يقوللى أنت مش مالك يبقى مش من حقك أنك تتكلم و لا واحد يقوللى أنت غريب لمجرد أنى أبديت راى مش عاجبه مع الأعتذار لصاحب الموضوع لأنى دخلت في كلام مالوش علاقة بالموضوع الأصلى أنا أسف لحضرتك و تقبل أعتذارى وتحياتى
ياباشا من حقك تتكلم وتقول اللى انت عايزه حتى لو مش من ملاكها من قال غير كده
انا بتفق مع حضرتك تماما وفعلا كلام حضرتك مظبوط
العربيه لو حطينا المفتاح فيها ومره واحده قمنا مشغلين مره واحده مش بتدور من هذه المره وده لان الكمبيوتر وقتها لم يستطع عمل تشيك على الدوره والشفره
وده انا جربته بنفسى وحصل معايا لكن لفت نظرى ليها واحد صاحبى كان معاه عربيات تانيه كثير المانى وصينى ويابانى لفت نظرى للحته دى وقال لى لما تحط المفتاح ماتدورش على طول وانتظر ثوانى بسيطه لغايه لما تنور اللمبات فى التابلوه والكمبيوتر يعمل تشيك لان لو عملت كده كل مره غلط
وفعلا لما عملت كده العربيه بقت بتدور على طول بعد الانتظار بضع ثوانى تقريبا 5-10 ثوانى
حتى انى لاحظت انه مكتوب فى الكتالوج لو لم يدور المارش من اول مره لاتقم بتدويره مباشره بل انتظر بضعه ثوانى