+1
عرض للطباعة
مشكورين جدا على المعلومات لدرجة ان انتوا حببتونى فى الاوبترا
بس المشكلة ان مفيش منها جديد و لو كان هايبقى السعر خرافى و انا مش من مشجعى المستعمل
بعت الفيرنا المانيوال لأسباب صحية و لازمنى عربية اوتو
هل يمكن مقارنة البيرسونا الاوتو بالاوبترا الاوتو ؟ و لا فيها اساءة ادب منى ؟؟ :) يعنى تاخد كام من 10 جنب الاوبترا
مع العلم انى عاوز اجيبها زيرو بحوالى 115 الف و شايف فيها كل المميزات بغض النظر عن عيوب التقفيل اللى لاحظتها و انا بتفرج على العربية و الريسيل الواقع
مع الشكر
حضرتك نورت الموضوع
شوف يا افندم .....البيرسونا محترمه جدا و ثابته وواسعه و الامان ممتاز و الفرامل كويسه
عيوبها ...قطع غيار غاليه مش سهل تلاقيها مش كل الميكانيكيه لهم فيها التقفيل الداخلي سئ و التوكيل وحش جدا و بيعامل اصحاب السياره بطريقه سيئه و كمان حصل نصب من التوكيل مع بعض الاشخاص مثل احد الزملاء اللي اكتشف ان سيارته راشه
طب نصيحتي ليك طبعا لو عايز زيرو يبقي البيرسونا لان الاوبترا متير عليها 129 الف و ممكن تلاقيها عند اوتو سمير ريان او الابيض اوتوموتيف ...لو قدرت توقع اوبترا 2012 او 2013 كسر زيرو يبقي تمام
كمان ممكن تفكر في البيجو ال 301 وان كان بعد 3 اشهر استخدام ليها و للاوبترا بصراحه كده الاوبترا احسن
عارف ان كتير ممكن يعترض علي اللي هقوله للمقارنه بين الاوبترا و ا ل301 عشان كده مش عايز اكتب موضوع للمقارنه بينهم ....لكن ثبات الاوبترا و تسارعها و كمان وده اللي هيستغرب منه كتير ..قوه الفرامل ...لان قوه الفرامل مالهاش علاقه ب الاي بي اس ....خامات التقفيل ...كلها في صالح الاوبترا بوضوح ...البيجو شكل و صاج و دهان احسن و باور احسن وامان اكتر من اللوبترا
المشكلة ان الامان لا يستهان بيه يا دكتور عماد
انا كنت كل ما افكر في الاوبترا والاقي مفيش abs ولا ايرباج ولا ايموبلايزر بتقفل منها وشكلها من قدام و ضعف صاج الكبوت بيخلينى اكرهها
عامة هى في حالة الزيرو حلوة ، ومش عارف ازاى انت شايف ان الفرامل في الاوبترا اقوى ، انت ادرى لانك راكب العربيتين زيرو بس اللى انا شايفه وبشوفه مع الناس ان فرامل الاوبترا مش بتفضل حلوة كتير، وعندى عربية اخويا بحس الفرامل فعلا ضعيفة جدا ومش بتكلبش العربية وعملنا كل حاجة ممكن تتخيلها بس عربية اخويا مش زيرو ،2006 خليجى
وازيدك من الشعر بيت
قارن الاوبترا في الاداء بعد ساعتين تشغيل في الحر مع 301 في نفس الظروف
وقولي انهي فيهم يحسسك ان العربيه لسه تحت رجلك
والله يا استاذ عمرو ....والله علي ما اقول شهيد ...استجابه فرامل الاوبترا احسن من البيجو ....انا مشاويري دايما دائري و صحراوي ووطريق الواحات ..عشان شغلي في القصر العيني و عندي عياده في اكتوبر ....فرامل الاوبترا بتطمأنني اكتر ....انا فعلا شايف كذا موضوع عن ناس بتشتكي من الفرامل منهم تعليق لحضرتك في احد المواضيع ...وانا مستغرب لان الاوبترا معايا ممتازه ..وكمان مع اخ لزميل لي شغالﻻفي شركه معاه موديل 2008 عامله اكتر منة265 الف كيلو و هو من الناس اللي شجعوني اجبها ...العربيه معاه ممتازه و الشركه متكفله بصياناتها الدوريه في التوكيل ممكن بيوديها مره كل شهر او شهر ونصف لانهبيستخدمها في السفر يوميا تقريبا ....وشكري لي في فراملها و استجابتها و نصحني بالمواظبه علي الصيانه للحفاظ علي اداء السياره .
انا عارف ان الاوبترا موديل بينزل من زمان وكمان شكل قديم و مفيش اوبشنز كتير....بس النقط اللي بقارن فيها في اساسيات العربيه من حيث الاداء والثبات و الفرامل ...ونقطه تانيه مهمه ...ثبات الاوبترا في المنحنيات و لما تعدي جنبك عربيه تقيله يفوق البيجو بمراحل ...وبيني و بينك مش عايز اكتب المقارنه في موضوع منفصل لاني عارف انها هتفتح عليا كلام كتير ...بس دي ملاحظاتي و الله علي ما اقول شهيد