الموضوع: اللي عايز يشتري اوبترا

المشاركة الأصلية كتبت بواسطة wael_dosoky

شكرا دكتور عماد لك ولكل حد رد علي إستفساراتي
بس إستفسار تاني
لما قررت احط مياه ملونة في الريداتير
انا لاحظت أن المياه بتنقص جامد من القربة
حاولت اعرف فين مصدر التسريب من متابعة الخراطيم والوصلات ماعرفتيش اوصل لحاجة
رحت للميكانيكي فضل مدور العربية ويبص من فوق ومن تحت ما عرفناش سبب النقص ابه بس هي بتنقص جامد ياعني بعد مشوار لوسط البلد بتحتاج ازودها بنصف زجاجة مياه ياعني حوالي لتر مياه
الميكانيكي قالي لي موش عارف مصدر التسريب من فين وخليك كده زودها كل شوية ونتابعها لحد ما يظهر المصدر ،، بس الكلام ده موش عجبني ،، الانوس إلي كانت معايا وكانت 2010 عمرها ما نقصت ملي لا صيف ولا شتاء
حد عنده فكره ممكن تكون ايه السبب او اروح لمين
والأنذار النهاردة بعد اسبوع تركيب وشغل بدون مشاكل فجاءة عطل ومعاها عطل الراديو فهل ده ممكن يكون بسبب فيوز ضرب ولا يكون مشكلة من الأنذار
اقصد بعطل انه موش بيشغل السنتر فتح وغلق الأبواب ،، لكن لمبة الأنذار بتطفي وتولع عادي لما ادوس علي زرار التشغيل والغلق
أسف علي الاطالة

شوف غطا الاربة حصلت معانا في الاوبترا بتاعة الشغل السن فوت من السواق وهو بيكشف على المية وغيرنا الغطا وبقت زى الفل

طب اتتم ذكرتم اسباب كتيرة
هنعرف ايهم هو السبب ازاي

الغطا بيغلق كويس ومحكم الغلق

المشاركة الأصلية كتبت بواسطة د.عماد صلاح

لو مش عايز تكشف في التوكيل يبقي ابدا بالاسهل
دور كويس علي مكان التسريب ...و بعدين غير غطه القربه ...وبعدين الطرمبه وفي الاخر جوان وش السلندر
..بالنسبه للانذار طالما بقيت الانوار شغاله واخد معاه الراديو بس يبقي ان شاء الله فيوز
نصيحتي بقي تكشف في التوكيل تعرف فيه ايه الاول وبعدين تصلح بره ..او تشوف المراكز اللي بيعلن عنها المنتدي في كذا مركز كويس ومش عايز اذكر اسم عشان مافضلش حد عن حد بس شوف المواضيع وروح للي ترتاح له

طب ياتري ممكن تنصحني بمركز علي الخاص
ولو رحت التوكيل هو ينفع اخليه يكشف من غير ما يصلح ولا استعوض ربنا واخليه يصلح المرة دي علشان بس الواحد يطمئن
الانوار إلي اقصد انها فضلت هي نور لمبة الأشارة بتاعة الأنذار لسه بتنور وتطفي مع الضغط علي زر غلق وفتح الأنذار علي الريموت ،، لكن السنتر موش شغال والراديو كذلك