مشكلة كبيرة ارجو المساعدة

**عبدالرحمن-جبر** · 07-03-2014 08:35 PM

سلام عليكم قبل كل شىء مبدئيا العربية بولو 99 بس انا حاطط الموضوع هنا لان عمر ما الرجالة هنا كسفونى الصراحة و القسم عندنا ميت
انا كان عندى من فترة العربية مش بتدور على طول كنت بلف المفتاح و بالبركة ساعات تحس انى بدور ميت مفيش حس خالص و ساعات تدور فى ساعتها و المارش و البوجيهات و كله سليم المشكلة كانت فى الكونتاكت نخش فالمفيد وديت العربية كهربائى معرفة بس كش جامد اوى يعنى قالى بسيطة هنفك الكونتاكت و ننضف الفيشة عمل كدة و لسة قالى عايز فيشة جديدة جبتهاله من شارع دمشق بعد ما اشتريتها كلمنى قالى لا خلاص مش محتاجها عقبال ما روحت لاقيته لايص العربية بتلقط من اول و المارش شغال بس المصيبة هنا الفحمة اللى واصلة للكونتاكت اتكسرت منه طبعا كدة باى باى العربية واقفة فى مكانها مش عارف اعمل فيها حاجة كلمت كزا واحد بتاع مفاتيح كله مش عارف او اللى يقوللى معنديش حد يطلع و هتخش فى 5 تلاف جنيه انا مش عارف اعمل ايه بصراحة

**Karim Ibiza** · 08-03-2014 07:57 PM

قصدك ايه بالفحمة؟؟؟
ياريت لو فيه صورة

**عبدالرحمن-جبر** · 09-03-2014 03:22 PM

هى الحلقة بتاعت الكونتاكت اللى من برة دى واصلة بسلك للامبوليزر هحاول اصورها و انزلها انا لفيت عليها فالحرفيين هيا بتتباع مع الكونتاكت بس بعد تدوير واحد فى شارع الجولف اسمه بسام دور عليها و ادهانى ب 40 جنيه و دارت العربية الحمدلله بدون اعادة برمجة و الراجل اللى قالى خمس تلاف جنيه مكنش يعرف موديل العربية هى فالتوكيل هتكون برقم قرب دا ,دا لو لقيتها