السلام عليكم
رايح انقل ملكية سيارة بكرة ان شاء الله.معايا كل الورق المطلوب من عقد مسجل و شهادة مخالفات سارية و رخصة سارية.
حد من زملائى قاللى لازم شهادة بيانات طالما هتنقل ملكية لمرور تانى...يا ريت لو حد عنده معلومة مؤكدة يفيدنى هل لازم شهادة بيانات ولا اروح المرور اللى انا تابع ليه ارخص علطول.
شكرا
مع الاسف ياباشا كلام صاحبك صح
لازم شهادة بينات للمرور الجديد ... بس القصة منتهيتش. لحد هنا. قبل ما تروح. تجيب شهادة بينات من المرور القديم. هتعدي على المرور الجديد. وتشتري ورق فحص وتطلع بره. تفحص وترفع بصمة وبعد كده تدخل عند رئيس الوحدة يختملك على ورق الفحص ويكتبلك. طلب على ظهر الفحص مطابقة للبصمة وتطلع على مرور العربية القديم تعمل مطابقة للبصمة. وترجع تاني للمرورك الجديد. وفي النهاية هتاخود تصريح تالت تشهر في تالت تشهر. في تالت تشهر في ست تشهر. بس انا لغايت دلوقتي ماشي بتصريح. بقالي سنة :). وبالتوفيق .
مش محتاج شهادة بيانات طالما الرخصة سارية. عامة كده كده هتفحص في المرور بتاعك و تروح تطابق بصمة في المرور القديم بتاع العربية. اسأل في المرور بتاعك محتاجين شهادة بيانات و الا لأ. موضوع التصريح بردو مش لازم. أنت و حظك. أنا رخصت 3 سنين مرة واحدة.
لسه ناقل بنفس الخطوات التي تم ذكرها بدون شهاده بياناتاقتباس:
المشاركة الأصلية كتبت بواسطة y a r i s
الحمد لله..رخصت بدون شهادة بيانات ومن غير ماروح المرور القديم خالص لانى كنت جايب شهادة المخالفات من الانترنت.
الخلاصة: لو الرخصة متسجلة على الكمبيوتر يبقى مش لازم تروح المرور القديم.
كمان ادانى تصريح سنة لحد ما الملف يجى من المرور القديم.
شكرا لكل من حاول المساعدة.
و ما روحتش طابقت بصمة؟
يعنى مش لازم مطابقه ولا ايه ؟
اقتباس:
المشاركة الأصلية كتبت بواسطة عصام غنايم
لا طبعا بيطابق عادي
بس من غير ما تطلع شهاده بيانات
:star1:
لا...مطابقتش بصمة فى المرور القديم