النور العالي والزينون والذي منه ............ياتري ايه الحل ؟؟

**R A N A** · 01-10-2008 05:51 AM

ياجماعة انا تعبت بجد وكرهت السواقة باليل بسبب الناس اللي ماشية في شوارع وسط البلد (مهياش طرق سفر يعني ) وفي شوارع منورة وزي الفل ومع ذلك مشغلين النور العالي عمال علي بطال ده غير الكارثة اللي اسمها زينون
انا عارفة ان في ناس مش بتبقي قاصدة انها تإذي غيرها بالنور ده يمكن مش عارفين ان في نوعين من النور اصلا (علي فرض ان اللي علمهم سواقة ملفتش نظرهم للموضوع ده واحنا بقينا الضحية ) ويمكن نورهم واطي بس الريجلاش بتاعه مش مزبوط الله اعلم
طيب الحل بقي دلوقتي ايه انا بجد كنت هاخبط اكتر من مرة وفي مسافات كتيرة بمشيها من غير ماكون شايفة خالص ودي طبعا كارثة.
عشان كده انا عندي كام سؤال محتاجة اعرف اجابتهم من الاخوة هنا في المنتدي ياريت تقدروا تساعدوني
- اولا الحل ايه لما يكون حد ورايا ومشغل النور العالي وضارب في المرايا عندي ومشتت الرؤية؟ انبهه ازاي لو مش واخد باله ؟ ولو واخد باله وبيستعبط او بيتسفزني اعمل ايه عشان اجبره انه يطفي نوره ده؟ انا احيانا كنت لما الاقيه عامل كده اشغل الفلاشر عشان يضرب في عنيه لحد مايحوله ويطفي نوره العالي ده ، بس الحكاية دي احيانا بتنفع واحيانا مش بتجيب نتيجة :angelsad2: فهل في حلول اخري عندكوا؟

ثانياً:بالنسبة للي جاي في وشي ويقلب نور او يشغل العالي في وشي مباشرة ده اعمل فيه ايه؟ ( علماً بإني روحت للكهربائي وضبطت النور عندي خوفاً من ان نور عربيتي يكون وحش وبيضايق الناس وبالتالي بيكون رد فعلهم انهم يقلبولي نور عشان ينبهوني)

وسؤال اخير بقي هل في حلول نهائية ليا انا بالنسبة للموضوع ده عموما سواء للي مش قاصد او للمستفز المؤذي اللي قاصد ؟
يعني انا عموما نظري 6/6 والحمد لله بس موضوع النور العالي ده بيتعب عيني بجد وبيخليني تعبانة وقرفانة جدا طول مانا سايقة باليل هل مثلا في نوع ازاز امامي معين اركبه عندي يخليني مشوفش النور بالقسوة دي؟ ولا هل في نوع نظارات طبية يعكس الإضاءة "زي الوهم بتاع نظارة حفظ النظر كده " بس تكون بتعكس الإضاءة دي بجد (طبعا متكونش نظارة شمس عشان مينفعش البس نظارة شمس باليل والا هايتقال عليا متخلفة عقلياً)
اعتقد اني مش لوحدي اللي بعاني من الموضوع ده واكيد في ناس تانية بتعاني من نفس المشكلة فياريت اللي عرف يلاقي لها حلول يقوللنا ونشارك برأينا هنا يمكن حد يقول حاجة نستفيد بيها كلنا بجد

اسفة اني طولت عليكو بس بجد انا بتعذب بسبب الموضوع ده وكتير كنت هاعيط منه وانا سايقة

**MoDyBeNz2008** · 01-10-2008 05:59 AM

الواحد اتعود عالحكاية دي خلاص مبقاش يهمنا حاجة بس النور فعلا مزعج

حاولي تتعايشي مع الموقف و خلاص

مفيش امل ان حال البلد دي يتصلح

لو واحد ادامك قلبيله نور علشان يفهم انه مضايقك

**MoToRiZeR** · 01-10-2008 06:00 AM

انا أكتر واحد بيعاني لأني بحب أطلع الصحراوي كتير و مشوار المحور ده عندي أساسي كل يوم .. و مفيش يوم أخرج فيه إلا و أرجع البيت بصدااااااااااع قاتل من الزفت النور العالي ، أقربها إمبارح راجع البيت و دماغي هتتفرتك .

بالنسبة للي بيمشي ورايا و مشغل العالي أو زينون بيصطاد بيه عصافير بطلع إيدي من الإزاز و أشاورله النور .. لو معبرنيش بدي فلاشر و أقوم مهدي خااااالص حتي لو هقف عشان يطلع مني و يغور في 60 داهية .

لو حد يعرف غير كدة يا ريت يقول لأن انا خلاص إحوليت.

**ahmedkoko** · 01-10-2008 06:01 AM

عندك حق و الله.هو بالنسبه لو واحد جاي من ورا و منور النور العالي احسن حاجه اقلبي المرايه و ممكن كمان تنوري نور الشبوره اللي ورا و تطفيه فلو عنده زوق هيطفي النور.
بالنسبه للي جاي في وشك و منور العالي جوه البلد اطفي النور عندك و نوريه مره او مرتين عشان يفهم ان النور مضايقك طبعا دي مش حلول بس ممكن تسميها مسكنات.

**R A N A** · 01-10-2008 06:31 AM

ياجماعة فعلا والله الموضوع مش بس متعب ومرهق وينرفز ويحرق الدم والأعصاب لا ده كارثة حقيقية فعلا لاني بجد كنت ماشية مرة علي الشمال وواحد في الاتجاه المقابل من الناحية التانية منور العالي وضرب في وشي لدرجة اني اتعميت تماما واتفاجأت بواحد ماشي علي رجليه قدام عربيتي وكنت هاخبطه بس الحمد لله فرملت علي اخر لحظة وربنا ستر.:angelsad2:

انا في موقفين قابلوني لحد دلوقتي طالعين من نفوخي ومش قادرة انساهم.
مرة داخلة شارع معروف انه اتجاه واحد فقط وانا ماشية في السليم الاقي واحد جاي عكسي في اول الشارع ومنور العالي فضرب في وشي اوي فروحت مشغله العالي عشان انبهه ان نوره ضايقني راح مهدي نوره فوطيت نوري انا كمان وبعدين رجع نوره تاني روحت مشغلة العالي تاني عشان انبهه (وتقريبا ايدي جت علي دراع الإشارة بالغلط غصب عني في مرة منهم وروحت مرجعة النور واطي تاني بسرعة وتداركت الموقف) لاقيته شغل العالي ورجع بظهره لحد ماركن عربيته علي جنب عشان يوسعلي واعدي وكل ده عمالة اقلبله نور ولا هو هنا فلما وصلتله جيت جنبه بمنتهي الهدوء والبراءة :Angel_anim: (مع اني كنت هاتشل منه ونفسي اخبطه بحاجة في وشه ) بقوله حضرتك منور العالي ليه؟ قالي ابدا انا لاقتيك نورتي العالي في وشي نورتهولك وطفيته ولما لاقيتك شغلتيه تاني قلت يمكن هيا بتحب النور العالي بقي فشغلتهولك علي طول قلتله بنفس الهدوء وانا مصدومة حسبي الله ونعم الوكيل لاقيته رد قالي حسبي الله ونعم الوكيل فيكي انتي :angelsad2: طبعا مشيت وسيبته يكمل وصله قلة الادب والسفالة بتاعته وانا مستغربة ومش فاهمة الناس ليه بتعمل كده

الموقف التاني شارع مزدوج اتجاهين والاقي واحد جاي في وشي وراح ضارب النور في عيني لما حولني فلما قربت منه قلتله علي فكرة حضرتك لما بتضرب النور في عيني مش بتخليني افاديك بالعكس دانا كنت هاخبطك لاني اتعميت ومكنتش شايفة راح قالي بمنتهي الهدوء ماهو انتي كمان نورك عالي اوي بصراحة (مع العلم اني كنت مشغلة النور الواطي) قلتله والله لما ده يبقي عالي امال ده يبقي ايه وشغلتله العالي بجد وقلتله عموما طيب هابقي اكشف عليه وفعلا رحت يومها للكهربائي قلتله شوفلي النور هو ده فعلا عالي ولا ايه (قلت يمكن الرجلاش عندي مش مزبوط) لما شافه قالي لا النور كده طبيعي جدا ومستواه معقول كده قلتله وطيهولي طيب قالي هو كده مستواه كويس في ايه بس قلتله اصل في واحد قالي انتي نورك عالي جدا راح رادد عليا بسخرية قالي عالي وجدا كمان تلاقيه بس بيشتغلك او بيتريق

**eng/muhamad** · 01-10-2008 10:01 AM

انا عندى حل بس مش عارف هو حل عملى و لا لأ
حضرتك ممكن تعملى نضاره لحفظ النظر و فى مراكز مغربى
عندهم عدسات بتعكس الضوء و ميوصلش للعين
ممكن تعمليها و تلبسيها بليل بس الكلام ده لو حضرتك مش لابسه نضاره
لكن لو عندك نضاره طبيه فهتعملى نضاره زى اللى عندك بالظبط نفس مقاسات العدسات
و بردو هتبقى عاكسه للضوء الكلام ده موجود فى مراكز مغربى مش عارف موجود فى مكان تانى و لا لأ

انا عندى حل بس مش عارف عملى و لا لأ
لوحضرتك بتلبسى نضاره طبيه ممكن تعملى نضاره فى مركز مغربى
بيعملو العدسات عاكسه للضوء للمساعده على القياده الليليه
و لو مش بتلبسى نضاره طبيه ممكن تعملى واحده بنفس الخاصيه و تكون حفظ نظر
و تلبسيها بليل اثناء القياده
_________
تم دمج المشاركتان!

شكراً، اداة المنتدى2

**Sameh** · 01-10-2008 10:13 AM

الحل بسيط جدا وهينفع بالليل وبالنهار !

ستارة للزجاج الخلفى ب 35 جنيه ! اللى هى شبك وبتترفع وتنزل ، فى منها أسود أو بيج ، إختارى اللون المناسب لعربيتك ، بتركب بسوستة من غير تخريم ولا مسامير ، اللى هتشتريها منه هيركبهالك وخلاص ، الصبح هتخفف الشمس جوا العربية وبالليل هتفرق كتير جدا مع النور العالى عن تجربة

**Nour_Peugeot** · 01-10-2008 10:50 AM

خصوص نظاره حفظ النظر مفيش حاجة اسمها حفظ نظر

الانسان لو اتعود علي النظاره هيفضل لبسها طول عمره

بس للناس النظاره كويس بتيجي عدسات بدون درجات

و تتحط عليها ماده اسما انترفلكشن (ازراق او اخضر)

و الاخضر افضل لانه انقي و الكوالتي بتاعه عالي

و هو بيحجب جزء من الاضاءة

**sokasoon** · 01-10-2008 12:42 PM

الحقيقة الموضوع ده قارفنى وقارف ناس كتير

لما حد يكون جى فى وشى وفاتح النور العالى بقلبلو نور علشان يقفلو لو ما قفلوش بفتح النور العالى فى وشو على طول

لما يكون ورايا بالمس الفرامل علشان الاستوب ينور اكثر من مره علشان انبهو وفعلا نجحت الفكرة ديه فى اكثر من مره

ولما يكون واحد بيغتت وفاتح الزينون فى قفايا بطلع ايديا من الشباك وشاورلو