صاحبي ملهوش دعوة بالسوق عشان هو هيقعد العربية 5 سنين معاه كأقل فترة ليها معاه
فهو عايز يعرف ايهما افضل من حيث الوزن والاعتمادية والصالون والعفشة نوعها ايه وقطع غيارها
انا هذكر بعض التفاصيل عن الفيكترا سي اللي معايا وانتم عليكم تحطوا النقاط للاوكتافيا
الاوبل فرش بيج وابانوس بيج ووزنها 1900 كيلو وماتور 105 حصان
واسعار بعض قطع الغيار كالفانوس الامامى ب 2000ج وزجاج امامى ب 3000 وكبوت ب 3000 وفانوس خلفي ب 950 وتيل فرامل امامي ب 900 وخلفي ب 500 ومساعد ب 890
كـ ركوبة الاوبل تتفوق وثبات وراحة اكتر
صيانة وقطع غيار الاوكتافيا تتفوق
الاتنين ممتازين جدا بس بشرط (الحالة)
لو ايزي ترونيك و هو متعود علي الفتيز يبقي فكترا سي
انا معايا اوكتافيا بس ركبت الاوبل مع صاحبى عجبتنى وارتحت فيها اكتر بس من ناحيه اسعار قطع الغيار كده الاوكتافيا ارخص وفى الاخر الاتنين محترمين جداا المهم الحاله وهو يشوف يرتاح فى انهى اكتر
المهم الحالة لأن الاتنين أحسن من بعض و أن كنت أنا ميال لل فيكترا عشان مش كتير زي الأوكتافيا.
اصل ف ناس بيقولوا ان الاوبل متجيش حاجة جنب الاوكتافيا وان الاسكودا عاما مكتسحة للاوبل فالاداء والثبات والشياكة فموديلاتها فانا حابب اشاركم هذا الرأي من الناس
بالعكس الأوبل أشيك بمراحل من الأوكتافيا. الأوكتافيا عملية جدا و بياعة و ماسكة سعر. عاملة زي ال بيجو ال 504 بتاعة زمان لكن ال أوبل أشيك و مستوي تاني. طبعا ده رأيي الشخصي عشان ما حدش يتضايق أو يعترض.
الفيكترا c فئه اعلي من الاوكتافيا في الاصل
تتفوق علي الاوكتافيا في الاتي
عفشه - ثبات علي الملفات بفرق ملحوظ - عزل
اتساع داخلي
وسائل امان
اضائه للطريق ممتازه
عاليه عن الارض
عيبها انها مقرفه في تشخيص الاعطال واصلاحها
طيب وزن االاوكتافيا كام وعرضها ؟
انا اعرف الفيكترا بس 1900 كيلو
الاوكتافيا a4 في حدود 1250 كيلواقتباس:
المشاركة الأصلية كتبت بواسطة moody_687
واكيد الفيكترا في نفس الحدود
1900 دول الوزن الاجمالي بالحموله