لازم اولا يكون فيه شهادات او و دائع فى البنك ...
القرض بيبقى شخصى و مع البنك مباشره ... يعنى المعرض بياخد كل فلوسه كاش ...
بترخص العربيه عادى بأسمك لانك شاريها كاش ... مفيش حظر و لا تأمين اجبارى يعنى ...
البنك بيحجز الشهادات طول فتره التقسيط و ليس من حقك فكها ...
البنك بيعطيك حوالى ٩٠ ٪ من قيمه الشهاده كقرض ...
الفائده الى يأخذها البنك بتبقى اعلى من فائده الشهاده الطبيعيه ب ٢٪ ... يعنى لو الشهاده بتعطى فائده ١٠ ٪ ... فبالتالى فائده البنك ١٢٪ سنوى ...
و حساب فائده البنك بيبقى على الرصيدالمتبقى اول بأول ...
و البنك مش بيلزمك انك تدفع مبلغ شهرى معين ... كل الى بيحصل انه بيفتح حساب مدين عليك بقيمه القرض و يقعد يحسب الفوائد ... و حضرتك ممكن تحط اى مبلغ و فى اى وقت حسب نظامك ... الموضوع عامل زى كارت الفيزا كدا ... حضرتك بتشترى و بعدين بتدفع براحتك و كل ما يكون فيع مبلغ متبقى البنك بياخد فوائد عليه ...
تحياتى ...
المفضلات