حاجة غريبة جدا في الطريق الزراعي إمبارح

**elpasha009** · 01-10-2008 06:42 AM

بحكم إن أهلي في طنطا فبسافر دائما طنطا بس ببدأ أخرج من القاهرة على الساعة 11 بليل دائما علشان في الوقت ده بتبقى العربيات النقل أقل مايمكن على الطريق لحد الساعة 12:30 أو واحدة تقريبا والسبب في كده موضوع يتعلق بالكارته الخاصة بيهم لأنها بتبدأ من 12 بليل.المهم بدون الدخول في التفاصيل إمبارح وأنا راجع من القاهرة على الساعة 12 كده من أول ماطلعت على الدائري لحد ماوصلت بيتنا لقيت حاجة غريبة جدااااااااااااااا وهي إن مفيش ولا عربية نقل على طول الطريق الدائري والسريع نهائي غير 3 عربيات فقط في إتجاه طنطا القاهرة وعربية واحدة فقط في إتجاه القاهرة طنطا وكلهم كانوا فاضيين مش شغاليين.
بجد كان منظر غريب جداااااااااااا مش متعود عليه أبدا.تحس زي مايكون في حظر سير النقل في اليوم ده:)
أنا مش عاوز أقولكم الطريق كان ممتع قد إيه ومفيش أي مشاكل ولا أي حرقة أعصاب لدرجة إني كنت هنام وأنا سايق من الراحة اللي كنت فيها:)وأعقد أدعي ربنا إنه يديمها علينا نعمة:)

**MoToRiZeR** · 01-10-2008 06:50 AM

ياااااه يا ريت .. انا خطفت يوم في إسكندرية و كنت راجع إمبارح عالطريق مفيش إلا مقطورات

**Ahmed Samy** · 01-10-2008 08:12 AM

كان فيه زيارة لمحافظة دمياط

زيارة عليوي قوي

**elpasha009** · 01-10-2008 08:14 AM

المشاركة الأصلية كتبت بواسطة MoToRiZeR

ياااااه يا ريت .. انا خطفت يوم في إسكندرية و كنت راجع إمبارح عالطريق مفيش إلا مقطورات

أنا بتكلم على النقل والنقل بمقطورة.مفيش أي حاجة تتعلق بكلمة نقل تقيل على الطريق نهائي لمسافة 120 كيلو غير 4 عربيات فقط والغريبة كمان إنهم ملتزمين بالحارة المرورية وكمان ماشيين على 60 تقريبا.

**elpasha009** · 01-10-2008 08:15 AM

المشاركة الأصلية كتبت بواسطة Ahmed Samy

كان فيه زيارة لمحافظة دمياط

زيارة عليوي قوي

الكلام ده كان الساعة 12 بليل إمبارح زيارة إيه الساعة 12 بليل وبعدين مفيش أي حاجة تدل على أي زيارة

**Ahmed Samy** · 01-10-2008 08:34 AM

في سلسلة من الزيارات لشمال الدلتا اليومين دول (كفرالشيخ -جمصة-رأس البر)

و اعتقد طريق العودة البري لازم يكون متأمن و سالك لأي طوارئ ده غير ان ماحدش يعرف وقت العودة أساسا

عند المرور في الطريق كل العربيات بتركن (الطريق بيتعمل أفواج) و طبعا في وجود سيارات النقل ده هايكون صعب

و ممكن تكون حاجة تانية الله أعلم

**hazem_khidr** · 01-10-2008 10:39 AM

ممكن يكون علشان العيد
انا مره اول يوم عيد الاضحي السنه اللي فاتت
كنت بقضيه في القاهره
و راجع من المنيل لحد باب بيتي في ساعه بالضبط او اقل كمان
و الطريق مفيش عليه و لا مقطره او بمعني اصح مكنش عليه عربيات نهائي
ماشي 140 طول الطريق رجلي ما لمستش دواسه الفرامل!!!!!
بجد كان يوم ممتع جدا و مكنتش مصدق نفسي

**magomago** · 01-10-2008 11:05 AM

المشاركة الأصلية كتبت بواسطة elpasha009

من أول ماطلعت على الدائري لحد ماوصلت بيتنا لقيت حاجة غريبة جدااااااااااااااا وهي إن مفيش ولا عربية نقل على طول الطريق الدائري والسريع نهائي

وطبعا صحيت من النوم

قول اللهم اجعلة خير

**Mosso** · 01-10-2008 01:36 PM

انا كمان كنت راجع امبارح الفجر من طنطا مشيت من هناك 5:20 وصلت 6:25
و الطريق انا اول مره في حياتي امشي عليه و كانوا بيخوفوني منه قوي بس لقيت الطريق حلو و تقريبا شفت 3-4 مقطورات فقط بس كان في نص نقل كتير نسبيا و ميكروباصات