اسشاره قانونيه

**tayson54** · 01-10-2008 07:37 AM

دلوقتي يا شباب انا عندي مشكله مع جاري بسبب الكلاب اللي مربيها في الجنينه عنده عامله لي وش وازعاج وحرماني انا واسرتي من الراحه في بيتي ..المهم بعد ما كلمته وفهمته مدي المشكله بالنسبه ليه مفيش استجابه اكن تربيه الكلاب اهم عنده من راحه جيرانه ولذلك بما انه غير مهتم فأنا كمان مش هسيب حقي في الراحه وقررت ابلغ الشرطه ...السؤال بقه هل فيه امل ان الشرطه تجبره علي منع الأزعاج ده بموجب قانون معين ولا البلاغ اللي هعمله مش هيؤدي الي اي شئ ؟ ارجو الأهتمام من اللي عنده خلفيه قانونيه او خبره

**Ahmed Samy** · 01-10-2008 08:10 AM

لازم أكتر من شكوى من نفس الحي
و زن جامد و رفعها لما فوق القسم

**tayson54** · 01-10-2008 08:24 AM

غالبا مش هقدر اجيب شكوي من حد غيري لان الأزعاج محصور في العماره بتاعتنا بس والجار اللي تحتي كلمته مره فقال لي انه مش مهتم لانه اتعود علي الأزعاج ده ويبدو انه صديق صاحب الكلاب ..
يعني حضرتك تقصد اقدم شكوي في القسم الأول وبعدين لو محصلش حاجه اطلع علي مديريه الأمن مثلا ولا ايه ؟

**Ahmed Samy** · 01-10-2008 08:30 AM

حضرتك تقدم أكتر من شكوى في القسم (تقرفهم يعني)

و بعدين ممكن تصعد الشكوى في المديرية

بس بدون شكاوى من الجيران ..موقفك هايكون مش قوي كفاية

**Hany A Fattah** · 01-10-2008 09:52 AM

اولا لو الجنينه خاصه يبقى مالكش حق انك تشتكى ىنه هايقول انهم للحراسه لكن لومشتركه يبقى موقفك جامد

ثانيا لو تعرف تثبت ان الكلاب دى ممكن تنقل امراض ليك او تسبب الازى لاى حد يبقى كده يخلوه يشلهم فورا او يقتلوهم ادامه لو رفض

**dr_3eshoo** · 01-10-2008 11:11 AM

بص كانت نفس المعاناه بس العن
الكلاب متربيه فوق السطح و الكلب مره نط من السطح على السلم و انا طالع و جرى نحيتي انا جريت بس على القسم و قدمت بلاغ و من يوميها اختفت الكلاب
بص قولهم الكلاب دي ازعاج و خطر على حياه الناس و كده و الكلاب هاتختفي

**analyzer** · 01-10-2008 01:01 PM

الحل بسيط
حضرتك تكلف نفسك نصف كيلو لحم وتنقعه فى سم من الصبح وتيجى باليل وتحدفهلهم امامهم
وتنتهى المشكله على كده

**banboty** · 03-10-2008 06:04 PM

المشاركة الأصلية كتبت بواسطة analyzer

الحل بسيط
حضرتك تكلف نفسك نصف كيلو لحم وتنقعه فى سم من الصبح وتيجى باليل وتحدفهلهم امامهم
وتنتهى المشكله على كده

ربنا امر بعدم قطع شجرة في الطريق

مسمعتش الحديث ‏عن النبي ‏ ‏صلى الله عليه وسلم ‏ ‏أن رجلا رأى كلبا يأكل ‏ ‏الثرى ‏ ‏من العطش فأخذ الرجل خفه فجعل يغرف له به حتى ‏ ‏أرواه ‏ ‏فشكر الله له فأدخله الجنة

يعنى سقاية كلب ادخلت رجل , الجنة

نقوم احنا نقتله !! مش ده كائن حى

**MEDO_AHMED2** · 03-10-2008 06:43 PM

المشاركة الأصلية كتبت بواسطة banboty

ربنا امر بعدم قطع شجرة في الطريق

مسمعتش الحديث ‏عن النبي ‏ ‏صلى الله عليه وسلم ‏ ‏أن رجلا رأى كلبا يأكل ‏ ‏الثرى ‏ ‏من العطش فأخذ الرجل خفه فجعل يغرف له به حتى ‏ ‏أرواه ‏ ‏فشكر الله له فأدخله الجنة

يعنى سقاية كلب ادخلت رجل , الجنة

نقوم احنا نقتله !! مش ده كائن حى

الله يفتح عليك يا برنس بس اكيد كان كلامة دة مجرد اما هزار او ضيق من الكلام دة لانة فعلا يضايق افرد الكلب هاجم حد وخاصة انه كلب حراسة واكيد مدرب بس انا عن نفسى كنت مربى كلاب مكنتش اسمحلة يخرج عن البوابة كنت بربطة لو البوابة مفتوحة دة من هوة صغير بس( صاحب الموضوع ) لو تعرف تتكيف مع الوضع خلاص دى حريتة برضة حاول تتفاهم معاة مش لازم شيل الكلاب ممكن يعملهم بيت يبعدهم عن الشارع او اى حاجة كدة معلش انا مقدر الازعاج دة كلة

الموضوع: اسشاره قانونيه

LinkBack

أدوات الموضوع

عرض

-

-

-

-

-

المواضيع المتشابهه

استشاره قانونيه

اسشاره في نوبيرا

استشاره قانونيه في عقد بيع

مشكلة قانونيه مع اتصالات

استشاره قانونيه

الكلمات الدلالية لهذا الموضوع

المفضلات

المفضلات

ضوابط المشاركة