الموضوع: ماذا تفعل لو كنت مكانى

الاخ العزيز
على فكرة اول مرة اعرف ان هناك بلطجية يتم تأجيرهم بمائة جنية والله الواحد يبقى يستعين بهم فى الزنقات ...........حلوة طبعا
عموماً بصراحة كان نفسى تعمل له دوشة علشان يتعلم الادب ، وبالادب يتربى عموما معلش المرة ديت خليها علينا ولكن خلى عندك حسن نية فى اخوانك المصريين وان شاء الله ينصلح الحال ويغور الاشكال التعبانة ديت
وشكرا

أتفق مع رأى الاستاذ محمد المشد تماما

حاول على قد ماتقدر تاخد خطوه إيجابيه, لأن ده حق,ومينفعش نسكت عن الحق.

وربنا يصبرنا جميعا

أخوكم
هشام

للدرجة ديت اصبح شراء الذمم بالفلوس ...... اعوذ بالله من غضب الله ... والله شىء فظيع صحيح كل زمن كان به هذه الشرذمة من الناس الضلالية المعدمة ضمائرهم ولكن لم اكن اتصور ان الامر اصبح شائع ، والله يا جماعة اعتقد اننا اصبحنا فى اخر الزمان بالنسبة لمصر فقط ولكن ليس كل المناطق بهذا السوء المستشرى فى مصر !
استغفر الله العظيم من كل ذنباً عظيم

طيب يا جماعة لو راح و عمل محضر في القسم , إزاي ح يثبت إن الراجل ده هو اللي عمل كده في العربية و إزاي بردو ح يثبت إنه قاله الكلام ده ؟؟
أكيد يعني الراجل ح ينكر و السواقين اللي معاه أكيد ح يشهدوا معاه مش مع صاحب العربية .

بس بصراحة موقف يحرق الدم
ربنا يكون في عونك .

بصراحه انا مش عارف ازاي جالك قلب تسيب العربيه في موقف لمده سبع ساعات كده طب كويس ان مافيش حد فتحها و قلبها سواء لصوص او عساكر!!!!ايوه العساكر بيعملوها ساعات ما تستغربش
بالنسبه لموقفك كنت تاخد الكلمتين بتوعه دول و تروح تعمل ليه محضر في القسم ولو مرضوش زي ما بتقول كنت تروح الوزاره و تقلب الدنيا و تقولهم عاوز اقابل الوزير يعني بص ماكنتش تسكت ساعتها كان حيتادب
و بقولها لاي ولواحد في المنتدي اي ضابط لو اتحط في الملف بتاعه شكوي بتاثر في تنقلاته و ترقياته بس المهم تكون مضبوطه المهم ما تسيبش حقك.
و غير كده الف برنامج تلفزيوني يرضي يصور معاك و كمان اليومين دول شدين عليهم علشان موضوع فيديوهات التعذيب يعني كانت قضيه راي عام كمان عموما حصل خير بس ما تتنازلش عن حقك.
مره كنت واقف في اشاره جه ضابط بيقولي الرخص و لسه بطلعها لقيته بيقولي (وطي المدعوء اللي مشغله دا)قصده علي الكاسيت يعني قولتله مفيش رخص و هات ليا مديرك بقي ما اشوف بيرضي بطوله اللسان دي ولا اروح اشتكي مدير الامن و لقيته بيقلوي بقولك هات الرخص قولتله و انا بقولك مفيش رخص غير لما مديرك يجي و عملتها مشكله و وقفت الشارع و في الاخر لما لقاني مصمم و شاف نظرات الغضب و اني بايع القضيه لقيته بيقولي خلاص و احنا واقفين طول النهار و في الحر و بتبقي تصرفتنا خارجه عن ارادتنا و الكلام دا و مشيت و لحد انهارده ما حاولش يوقفني تاني :lol: