ماذا تفعل لو كنت مكانى

**ahmed1981** · 12-07-2007 03:47 PM

الشعر اللي قاله الإمام الشافعي هو خير رد :
يخاطبني السفيه بكل قبـح***** فاكره ان اكون له مجيبا
يزيد سفاهة فازيد حـــلما ***** كعود زاده الاحراق طيبا

**amrrashed** · 12-07-2007 04:15 PM

والله انا لو فى مكانك مش عارف هاعمل ايه البلد دى لايمكن اصلاحها والناس دى موجودة
تخيل النهاردة فى الاهرام ملازم حاطط نمر مسروقة على عربيته وطامسها كمان

حسبى الله ونعم الوكيل دى خير كلمة تقال وربنا هو المنتقم []

**Nile Heart** · 12-07-2007 09:27 PM

الف شكر لكل الناس الحلوه اللى شاركونى بمشاعر رقيقه

الغالب ان معظم الناس نصحت اما بأهماله والدعاء لله , او بالشكوى الجاده الى الداخليه

ان شاء الله الموقف القادم هاجرب الحل الثانى (والله كنت ناةى اعمل كده فعلآ بس زى ماقلت كان ورايا مشاوير مهمه جدآ)

**sokasoon** · 12-07-2007 10:04 PM

والله موقف يحرق الدم وانا لو كنت مكانك ممكن اتنرفز عليه

ومش عارف كان ممكن يحصل ايه

بس فى الاخر اقول احنا اللى عملنا كده فى نفسنا

احنا اللى بنتساهل مع الامناء والظباط كده

هما فاكرين ان البلد ديه بتاعتهم ويتحكمو فى الناس كده زى ما هما عايزين

بعدين اذا كان الكبير بيعمل اكتر من كده الصغيرين يعملو ايه

انتو عارفين قصدى بالكيبر ايه

**khalid_adel** · 12-07-2007 10:50 PM

بس ياجماعه اكيد برضة الظابط ده مش غبي عشان يخلي حد يثبت عليه حاجه يعني اكيد مخلي اي حد ملوش لازمة تحت طوعة هو اللي يعمل كده وطبعا بقى اثبت ان هو اللي عمل كده مش حتعرف ده غير انه حيجيب الف شاهد انه كان في اي حتة وطعا الكلام اللي هو قاله ده مش حيتسجل علية ولا حاجه
بص هو زي ماكلمك كده كنت رد علية بطريقة ازفت منه ( يعني تهزءه بس من غير شتيمة ) وماعرفش بقى موضوع انك تشتكيه ده ممكن يعمل ايه
والأخ العزيز اللي بيقول ان دي نهاية الزمان بس تقريبا نهاية الزمان لمصر فقط مش لأي حد تاني :D والله دي حاجه ربنا وحده اللي يعلمها واكيد في انيل من عندنا بكتير بدون ذكر اسماء بلاد شقيقة بس والله في بلاد لو رحتها تقول ولا يوم من ايامك يا مصر واسألو مجرب :x ( بجد احنا احسن من غيرنا بس ربنا يهدي) وياريت اللي عنده كلمة مفيدة يقولها وبلاش الكلام اللي ينرفز وخلاص ده وربنا يهدينا اجمعين

**Nile Heart** · 13-07-2007 01:17 AM

المشاركة الأصلية كتبت بواسطة aboalm

معلش يادكتور ده حال بلدنا دة اولا
ثانيا معلش بقى فى الكلمة دى لما حضرتك كان عندك مقابلة مع الدكتور مصطفى الفقى ياريت كنت حكيت له على الموقف لو ينفع و كنت شفت تليفون منه راح ايه يحصل
لو مش تنفع الفكره دى يبقى كنت فعلا لازم تعمل شكوى فى وزارة الداخليه حتى لو سيادته عامل تعليمات بمنع السيارات الملاكى ماشى ازاى اعرف بقى طالما سيادته عاملها فى السر يعنى مش مكتوبه اوحاطط يافطه بتقول الكلام ده
على فكره مش تزعل لان كل واحد فى البلد معاه سلطه فى اى مكان فاكر ان المكان ده العزبة بتاعة الباشا ابوه

صحيح انا قابلته, بس انا ماعرفوش لدرجة انى احكيله واشكيله, ده كان مقابله رسميه وانا واحد من لجنه كبيره

يالله, حسبى الله ونعم الوكيل