الموضوع: ماذا تفعل لو كنت مكانى

طبعا ده موقف سخيف جدا
واحد حس ان فى ايده سلطة فيتجبر بيها على الناس

بص هو مدام انت فى مصر
كان ممكن حضرتك تقف بمنتهى الهدوء و تبصله بقرف تقوله
( مفاضلش الا انت اللى هتربينى...طب حهز نفسك باه للنقل للصعيد
عشان نشوف مين فينا اللى هيتربى..)

و طلع الموبايل و اخرج بره و اعمل اى مكالمة

و صدقنى هتشوف نظرة الرعب فى عينيه


طبعا حضرتك حتى لو تقدرمش هتنقل حد للصعيد
لأن الله لا يرضى بالظلم
بس مجرد كلمتين زى دول
ممكن يخلوه ينرعب.............



و بصراحة شايف من وجهة نظرى النتواضعة ان ده الحل الوحيد عشان تثأر لكرامتك
من واحد زى ده

المشاركة الأصلية كتبت بواسطة Nader

كنت تعمل لة محضر في اقرب قسم شرطة، ولو كان معاك موبايل كان ممكن تسجل اعترافة وتدخلة في قضية سن وقصف كمان

ده اول حاجه جت فى بالى
لكن السواقين اللى ساعدونى قاللولى ان جوز بنته رائد فى قسم السلام ومن المستحيل تعمل له محضر لان الراجل ده عمل مشاكل مع طوب الآرض قبل كده ومحدش عرف يعمل له محضر
قالولى كمان ان مره سواق منهم ماستحملش اللى بيعمله الراجل ده فيهم وراح خبطه بالعربيه كسرله دراعه

طيب يبقى عليك و على الدراع التانى
بس خد بالك من مرايتك
:D :D :D :D :D :D :D

الاخ العزيز

السلام عليكم ورحمه الله وبركاته ........
انا لست معك فى انك تركك هذا الشخص بالبساطة التى تحدثت بها ، وطبعا لم اقصد انك تضربة او اى شىء اخر من العك ولكن مهما قيل لك انك اذا ذهبت لعمل محضر هناك زوج ابنتة فهذا كلام مش مضبوط نهائياً ، لانك شخص حسب ما اعلم استاذ جامعى ولست سائق مثل اللى قالوا لك بالموقف الكلام الفاضى هذا ، واذا رفض القسم عمل محضر لك بما حدث ، فعليك الذهاب الى قسم تفتيش الداخلية بوزارة الداخلية بالقاهرة وتقدم بشكوى بما حدث من البداية للنهاية ، وتأكد ان هذا الشرذمة سوف يجرى وراءك ويبوس ايدك لان هذة الامور تعرض على الوزير حسب -معلوماتى- شخصياً خاصة فى حالة الضباط الكبار ( الرتبة ) وسوف يتم مساءلة القسم واسباب عدم عمل محضر وتأكد انك سوف تأخذ حقك او الذهاب الى اللواء شريف جمعة مدير الادارة العامة للمرور بالقاهرة ( الشرطة المتخصصة ) وممكن مقابلتة وهو شخص مهذب ويمكن لك التحدث معة بهذا الامر
ولكن انك تشتكى بدون اى عمل ايجابى فهذا ما سيشجعة على التكرار وخاصة وانه بيتعامل مع فئة تخاف منة وتخاف على عربيتها ( السائقين ) ولا اعتقد انك اجرمت فأنت اخطأت وهذا خطأ لم نقل عنة شىء ولكن الخطأ يستوجب عمل مخالفة وليس بنشرة الكاوتش بهذا الشكل وكان يجب علية ان يحضر ونش ويشيلها ويعمل مخالفة ولكن استخدم اسلوب البلطجة
ولكن تأكد انك سوف تأخذ حقك ويجب عدم السكوت على هذا الضابط الغير مهذب
وحتى لو كنت بأمريكا كنت سوف تذهب للشرطة فأفعل نفس ما كنت ستفعلة فى امريكا ولست معك ان الامريكان او اليهود افضل منا فى مصر فليس معنى ان هناك شخص او الاف الاشخاص غير اسوياء فى مصر ان نخضع لهم ونتركهم فأنصحك بأن تكون ايجابى فى هذا الامر وبالتوفيق