وداعا لأنقطاع الكهرباء مع جهاز power inverter

**yuong313** · 08-03-2014 02:56 PM

في ظل انقطاع الكهرباء المتواصل صيفا وشتاءا وفي وسط تخاذل الحكومة في ايجاد حلول جذرية لمشكلة انقطاع الكهرباء مع توالي وزراء كهرباء واحد وراء الاخر بدون اي حل ولا جدوي
وتصدير المشكلة الي الشعب في توفير الكهرباء مع رفع اسعار الكهرباء علي الماطنين لجني ارباح اكثر بدون خدمة منتظمة
في ظل هذه الاجواء بحثت كثيرا جدا علي الانترنت فوجدت منها

1- توليد الكهرباء بالماتور
وهذا لا يناسبني نظرا لمخاطره وتعبه الكبير
- عادم
- ايجاد بنزين وهو صعب مع تكلفته
- سوء استخدام المولد من الممكن ان يحترق المولد لاقدر الله

2- توليد الكهرباء بالغاز
- ارتفاع تكلفة الجهاز بدأ من 25 الف جنيه
- استهلاك غاز كبير جدا (انبوبة غاز تعمل لمدة 8 ساعات فقط) لو علي الغاز الطبيعي انتظر فاتورة كارثية

3- توليد الكهرباء بال power inverter
وهذا هو ماتوصلت اليه واليكم شرحه

power inverter

هو عبارة عن تحويل الكهرباء من DC (بطارية السيارة) الي AC (كهرباء 220 V)
المطلوب شراءه لتوليد الكهرباء بهذه الطريقة

1- شراء power inverter
2- بطارية سيارة

سأقوم بنقل تجربتي في هذا المجال

قمت بشراء power inverter بقوة 2000 W بسعر 3500 جنيه من النخيلي في باب اللوق
وقمت بشراء بطارية سيارة فارتا ألماني 100 أمبير بسعر 1050 جنيه من عند ممدوح غطاطي سور نادي الترسانة

ال power inverter به نظام UPS بحيث اذا الكهرباء قطعت لاينطفيء الكهرباء ولا تشعر بانقطاعها ومع الجهاز نظام شحن للبطارية (تونجر) داخلي يشحن البطارية بقوة 20 أمبير

مكونات الجهاز
- لمبة الشحن
- لمبة الاوفر لود او التحميل الزائد
- لمبة البطارية ان كانت تحتاج للشحن
- لمبة السخونة الزائدة
- لمبة الارشاد لكهرباء ال AC
- زر اغلاق ال ON - OFF
- مروحتين للتبريد في الخلف
- اثنين فيشة كهرباء تستطيع توصيل كل واحدة منها في مشترك بعدة مخارج

قدرة التحمل والتشغيل

اي قوة لابد من خصم ربع كفائتها حتي تعطيك قوة فعلية
يعني لو قوة الجهاز 1000 W اذا القوة الخارجة الفعلية هي 750 W
كذلك في كل الحمولات

الان عرفنا قوة الجهاز وتريدوا معرفة مدة التشغيل
كلما كانت البطارية اعلي في الامبير كلما كانت مدة التشغيل اكبر وطبعا لما يكون ال power inverter قوته عالية لابد من اختيار بطارية عالية الامبير كي يستطيع العمل وتحمل القوة والاستخدام
بحسبة بسيطة
لو power inverter 1000 W يحتاج الي بطارية بدأ من 70 - الي 100 أمبير
مدة التشغيل لاتقل عن 6 ساعات مع الاخذ في الاعتبار كلما وفرت عدد الاجهزة كلما طالت معك مدة التشغيل والعكس
وبنفس الحسبة تستطيع حساب ماتحتاج من استهلاك لقوة ال power inverter و مدة الاستخدام

انت من تستطيع تقدير استخداماتك ( عدد الاجهزة ) و مدة التشغيل

نصائح

- الجهاز غير مخصص للمراوح والثلاجات والتكييفات واي جهاز داخله ماتور
- الجهاز يستطيع تشغيل ال LCD + رسيفر + كومبيوتر + راوتر + شاشة + سماعات + شاحن موبايل + لاب توب + 5 لمبات موفرة
- تم تجربة كل ذلك في نفس الوقت والحمد لله نجحت بدون فصل الاوفر لود او التحميل الزائد علي ال power inverter
- لابد ان نضع في الاعتبار ان وقت قطع الكهرباء في مصر لايتجاوز 3 ساعات يوميا علي فترات متقطعة وستكون مؤمن وقت ماالكهرباء مقطوعة لديك بديل ال power inverter ووقت ماتاتي الكهرباء البطارية ستشحن تلقائي

اليكم صور من الجهاز بتاعي وبعد توصيله وتركيبه بالبطارية في شكله النهائية

**AhMeD MeTwAlY** · 08-03-2014 03:57 PM

اولا بشكر حضرتك علي المجهود العظيم ونقل التجربه بنجاح وبتمني ان حضرتك تفدنا بكل جديد ان شاء الله
انا فعلا ولدتي كلمتني نشتري مولد للبيت عندنا بس الفكره مالزالت مطروحه
بس بالنسبالي الحجات الي بيشغلها مش مهمه انا اهم حاجه عوامل تبريد الغرفه لان الواحد بيكون اكتر زهقه من الحر يعني عايز اشغل التكييف او المروحه
حضرتك فهمتني انما الحجات الي حضرتك بتتكلم عليها انه قدر يشغلها دي رفاهيه هسلي نفسي بيها انما درجة الحراره في عز الصيف هسيح فيها ولو فكرة انام مش هينفع عشان الجو حر
دا راي الشخصي

**marsguy** · 08-03-2014 04:00 PM

ألف شكر على الشرح الوافي

بس أنا مشكلتي إني عاوز حاجه أشغل بيها مروحه أو تكييف عشان والدي بيتعب من الحر وساعات بيغمى عليه

**yuong313** · 08-03-2014 04:19 PM

المشاركة الأصلية كتبت بواسطة AhMeD MeTwAlY

اولا بشكر حضرتك علي المجهود العظيم ونقل التجربه بنجاح وبتمني ان حضرتك تفدنا بكل جديد ان شاء الله
انا فعلا ولدتي كلمتني نشتري مولد للبيت عندنا بس الفكره مالزالت مطروحه
بس بالنسبالي الحجات الي بيشغلها مش مهمه انا اهم حاجه عوامل تبريد الغرفه لان الواحد بيكون اكتر زهقه من الحر يعني عايز اشغل التكييف او المروحه
حضرتك فهمتني انما الحجات الي حضرتك بتتكلم عليها انه قدر يشغلها دي رفاهيه هسلي نفسي بيها انما درجة الحراره في عز الصيف هسيح فيها ولو فكرة انام مش هينفع عشان الجو حر
دا راي الشخصي

المشاركة الأصلية كتبت بواسطة marsguy

ألف شكر على الشرح الوافي

بس أنا مشكلتي إني عاوز حاجه أشغل بيها مروحه أو تكييف عشان والدي بيتعب من الحر وساعات بيغمى عليه

ان شاء الله اي جديد حبلغكم به
وبخصوص الرفاهية
وجهة نظري نص العمي ولا العمي كله
يعني بمجرد ماالكهرباء تتقطع بنبقي مش طايقيين روحنا طيب نشغل نفسنا بحاجة عقبال ماالكهرباء تيجي ونقدر نتحرك في البيت افضل من اننا نفضل قاعدين في مكان واحد محبوسين لساعة او ساعات علي حسب مزاج الحكومة
يعني دلوقت تقعد علي الكومبيوتر وتتفرج علي التليفزيون خاصة داخل علينا رمضان وكمان 5 لمبات شغالة يبقي تستحمل ساعة في الوضع ده افضل ماتقعد في الضلمة
مثلا لو بتتفرج علي ماتش او فيلم او مسلسل او برنامج هام والكهرباء قطعت اكيد حتتعكنن ومهدد في اي وقت

بخصوص التكييف مش حينفع تشغله غير بطريقة المولد الكهربائي بماتور لان سعة او قدرته اعلي ومناسب للاحمال الثقيلة

بخصوص المروحة
في باور انفرتر خاص اسمه power inverter pure sine wave
تقدر من خلاله تشغل مروحتين اول اكثر بس دي اغلي من الانفرتر العادي زي بتاعي
انا لقيته عند النخيلي ال 500 W ب 1188 جنيه
بيشغل 3 مراوح

طبعا كلنا عارفين ان الكهرباء دلوقت بتقطع ساعتين في اليوم
في الصيف حتيجي ساعتين وحتقطع طول اليوم
فلازم اي شيء بديل عقبال ماربنا يفرجها من عنده

(ألف سلامة علي الوالد)

**نور القمر** · 08-03-2014 05:42 PM

كنت اتمنى يشغل مروحة اهم حاجة وبلاها تكييف :(

**yuong313** · 08-03-2014 05:47 PM

المشاركة الأصلية كتبت بواسطة نور القمر

كنت اتمنى يشغل مروحة اهم حاجة وبلاها تكييف :(

في نفس الجهاز بس اغلي شوية اسمه power inverter pure sine wave
موجود منه 500 W بيشغل 3 مراوح

**yuong313** · 08-03-2014 06:16 PM

المشاركة الأصلية كتبت بواسطة new_reg

اللى صاحب الموضوع شاريه هيشغل مراوح عادى جدا جدا لكن هتبقى سرعتها اقل شويه وهتلاقى زنه خفيفه لكن من ناحيه هيشتغل هيشتغل

انا عارف انه يشغله بس خايف المروحة تتحرق

**yuong313** · 08-03-2014 06:17 PM

المشاركة الأصلية كتبت بواسطة new_reg

ازاى تبقى شارى من النخيلى اللى هما ناس بتفهم وميقولكش على البطاريه deep cycle

غالية ناااااااااااااااار علي مااسمع

**yuong313** · 08-03-2014 06:19 PM

المشاركة الأصلية كتبت بواسطة new_reg

معلومه كمان ♥ اما الكهرباء تقطع توجه الى الاتوماتيك بالعداد واقفله ووصل خرج الانفرتر فى اى بريزه بالغرفه وبكده انت تعرف تشغل اى مصباح او جهاز بالضغط على الزر بتاعه اللى فى الحيطه (المفتاح) الموجود داخل الاوده دى فقط.
وللامان رغم ان ده البديهى تأكد (بمفك تيست) والكهرباء موجوده انك اما بتقفل الاتوماتيك ..الحى هو اللى بيقطع مش الارضى ...ده البديهى من اى كهربائى لكن الحرص واجب.

المعلومة دي محتاج اسأل عليها لان التجربة يااما صابت يااما خابت ولو خابت حتغرم جامد

**yuong313** · 08-03-2014 07:17 PM

المشاركة الأصلية كتبت بواسطة new_reg

تخيب ازاى ؟!
انت بتفصل الاوده عن كهرباء الحكومه بمفتاح الاتوماتيك. وبتغذيها من الكهرباء بتاعتك !! احساس جميل اما تقفل وتفتح النور من المفتاح

حجرب واقولك بس خليني اخد فرحة الجهاز
انا قاعد بقول يارب النور يقطع عايز استمتع بالجهاز بقي :b4_007:

الموضوع: وداعا لأنقطاع الكهرباء مع جهاز power inverter

LinkBack

أدوات الموضوع

عرض

-

المواضيع المتشابهه

Toyota Etios - وداعا لوجان ! وداعا ساجا ! وداعا للمنافسين !

اعتذار عن غيابى لأنقطاع النت

جهاز توفير الكهرباء (سؤال )

جهاز أنذار لايحتاج ألا لتوصيل سلك الكهرباء فقط

الكلمات الدلالية لهذا الموضوع

المفضلات

المفضلات

ضوابط المشاركة