الموضوع: هو الجواز حرا؟؟؟!!!!

الاصل النبى قال (ان جاءكم) من ترضون دينه.......فالاصل ان الرجل ياتى للمراة وهو ده الغالب فى السنة خاصة مع طبيعة المراة التى هى الحياء ..............لكن يجوز اذا راى ولى الامر رجل يناسب ابنته ان يعرض عليه ابنته كما عرض عمر حفصة على عثمان وعلى ابى بكر ثم تزوجها النبى
وابنة الرجل الصالح وصفها الله وجاءته احداهما تمشى على استحياء ومشت خلف موسى والاب هو الذى قال انى اريد ان انكحك احدى ابنتى هاتين .............النبى يوصف انه اشد حياء من العذراء فى خدرها فهذا هو حالها

الحقيقة موضوع الاختيار صعب للطرفين
بالنسبة للبنت الى عندها معايير او شروط او مواصفات عايزاها فى شريك حياتها ممكن تدور على المواصفات دى بكذا طريقة اولهم المعارف و الاصدقاء . او ..... عن طريق النت ( بعض المنتديات بتقدم الخدمة دى ) او .... لو هيا من النوع الى ليه نشاط دينى او بتحفظ قرأن مثلا او بتحضر دروس دينيه فى المساحد اغلب المساجد او الدروس بيبقى فيها اخت او اختين بتقوم بتوفيق الباحثين و الباحثات عن الطرف الاخر
بالنسبة للى الاخت dorla بتتكلم عنه فالموضوع مش سهل ان حد يفاتح حد فى موضوع ارتباط حتى لو كان ولد بس لو كانت بنت كمان يبقى صعب جدا
الاول لازم تسألى طرف تالت عن الشخص الى انتى ناويه تفاتحيه فى موضوع الارتباط و تعرفى اذا كان مرتبط او مضرب عن الزواج او عنده مشاكل اسريه بيرعى اخواته مثلا ...الخ
ثم تخلى طرف ثالت برضه او وسيط يحاول يقرب بينكم كأنها صدفه يعنى ...........
موضوع الارتباط و اختيار شريك الحياه صعب جدا وو محتاج تأنى و موضوع التقدم فى السن اكبر عامل بيسبب ضعط سواء على الولد او البنت فى موضوع الارتباط و بيخليهم بعض منهم يقدم تنازلات فى المواصفات الى كانت بيتمناها و فى اغلب الاحيان بينتهى الموضوع بالفشل لو تم الارتباط على غير اقتناع تام ....

المشاركة الأصلية كتبت بواسطة akedwany

شرعا ممكن لانى درست شريعة احكام اسرة تانية حقوق بس مش متأكد اوى 90%
هى وولى امرها يخطبو الولد
حاجة كمان المسلم يقدر يتجوز الكتابية سواء يهودية او مسيحية
اما المسلمة لا يجوز , ودول انا متاكد منهم 100%

ممكن انها تعرض نفسها للجواز منه و مينفعش تجوز نفسها من غير ولي
و المسلم يجوز انه يتجوز كتابيه بس برضه امه مؤمنه خير من مشركة ولو اعجبتكم.
ثم يعني خلاص هما بنات دينك خلصوا علشان تدور علي كتابيات

المشاركة الأصلية كتبت بواسطة j a g u a r

مش حكايه رأيي ولا مش رأيي يا درولا دى عادات وتقاليد فى مجتمعنا لازم نمشى عليها ونرضى بيها .. يعنى بالنسبه ليا انا كشاب لو مثلا الحكايه عكست وبقى العروسه اللى بتروح للعريس اكيد هابقى راضى واى شاب غيرى هايبقى راضى وغصب عننا كمان ومينفعش نقول اشمعنا وليه ..
نصيحه منى ارضى بالواقع علشان كده كده الوضع زى ما هو ومش متغير وهاتتعبى فى نفسك على الفاضى ومش هاتوصلى لحل

بصراحه عادات وتقاليد باليه
يعني ايه البنت تفضل حاطه ايدها علي خدها مستنيه العدل هههههههه
و كل نجاح في حياتها لا يقارن بجوازها دا كوم و دا كوم تاني كأن هي الغلطانه او المتسببه في الوضع دا.
مرة حد من الزملا قالي نصا انه معجب بيا ومش هيقدر يتقدملي علشان خايف فترة الخطوبه تطول و لا قدر الله تفشل هتكون فرصي قلت وصلاحيتي قربت تنتهي.
مشيت قالي رايحه فين قولتله الفريزر الصلاحيه قربت تخلص

المشاركة الأصلية كتبت بواسطة الاستاذ

الجواز اصلا حرام :d

ههههههههههه الجواز حرام شرعا ههههههههههههههههه

اللى يعجبك قوليله يتقدملك علطول, و لو صعب تتكلمى معاه فى كذا طريقه توصليلو الاعجاب ده , مفيش اى مشاكل, و ده حصل معايا تقريبا (كذا مره :) )