ايه رأيكم فى كيا ريو وايه هى مميزاتها و عيوبها
عرض للطباعة
ايه رأيكم فى كيا ريو وايه هى مميزاتها و عيوبها
++++++++++++++++++++++++1
ايه يارجاله مافيش حد هايجاوب على الراجل عشان انا كمان بفكر فعلا هاجبها انا رحت سالت ولقيت اول فئة فى الاتوماتيك 127000جم 1400سى سى - شنطة من وجهى نظرى متوسطة الحجم التقفيل الداخلى والشكل الخارجى جامدا وحلوة- الفئة التانية 137000جم
الفرق :
1- الجنوط اسبور 15 فى الفئة الثانية
2- 1 ايرباج
3- فوج لايت
4- مسند جانبى
وبعد بحث بالنسبة للعيوب عبر اللف والتدوير لقيت ممكن تبقى فى البنزين بيقولوا 10 او 7 لتر لكل 100كم وياريت حد برضوا يساعدنا انا والاخ الكريم فى كتابة ملاحظات على العربية عشان نستفيد ونفيد وشكرا ومعلش لو معلوماتى بسيطة او عادية:_Alshmokh15[1]:وديه بالنسبة للسيدان
بص العربيه كويسه جدا بس انا العربيه كانت مع صاحبي اول فئه خليجي وكانت الصراحه اول ما يشغل المكيف بحس انها بقت بطه بلدي الصراحه انما كاراحه في العفشه كويسه وعزل جميل وحلوه اما لو حضرتك تقدر توصل ل 143 الف وتجيب سيراتو ديه حاجه تاني والريو بردو حلوه لاني كنت هجيبها في حاله مقدرتش اجيب السيراتو اتمني مكنش طولت عليكم اي سؤال انا تحت امركم
ياباشا نورت المشاركة معانا
انا عندى سوال معلش هارخم عليكى
1- اشترى وكيل ولا خليجيى
2- هل فعلا بعض قطع الغيار (لقدر الله بعد الشر علينا كلنا )بتختلف عشان خاتر انها بلد تانية يعنى لو حاجة باظت هل ممكن ما لقيش قطع غيارها
3- بالنسبة بعض المعارض بيقولك اشترى خليجى وادفع 3000جم وهايدخلهالك ضمان 3 سنوات بس مش فى الوكيل بيقولوا شركة تانية غريبة تحس ان الحوار مش مظبوط هل ادخلها ولا لا
4-بالنسبة للتامين انا شايف ان كل الناس بتروح ترخص قبل وضع النمر ماعنى لو رحت بعد تركيب النمر سعر العربية بيقل وبالتالى التامين بيقل -هل ده اقدر اعمله ولا فى مشاكل
5- وهل الريو احسن ولا البيجو الاسبانى 301
حضرتك عايز تعرف ايه عن العربية ؟ :)
1-بص الوكيل احسن لسبب واحد لو حصل لقدر الله حاجه الفانوس شرخ زي ماحصل مع صاحبي وعشان هو خليجي متغيرش غيره علي حساب التامين وخلاص
2-قطع الغيار مش بتختلف لانهم طالعين من مصنع واحد وشركه واحده مفيش فرق خالص
3-الضمان اللي هما بتكلمو عليه مقدرش افيدك الصراحه بس هو ضمان بيكوون تبع شركه معينه مش شركه كيا
4-التامين انا صراحه عملت رخصه العربيه وخليتهم جم يعاينو العربيه علي طوول مستنيتش ومفيش فرق من اما تركب النمر او مركبتهاش
5-صراحه مش بحب افتي مقدرش اقولك انهي احسن لاني مركبتش البيجو فمقدرش احكم علي حاجه وانا لا اعلم شئ عنها اتمني اكوون افدتك واي استفسار انا في الخدمه
توكل علي الله انا انشاء الله هحجز الاسبوع ده خليجي و فكك من حوار التكيف بيخيلي السحب وحش ... العربيه زاي الفل مع صاحبي و ١٠٠ ١٠٠ ... بس حاول تجيب خليجي
العربيه الخليجي احسن مليون مرة من الوكيل من حيث
١- حساسات مطر بتشغل المساحات لواحدها في المطر
٢- تكييف تاتش بيظبط درجه الحراره اوتوماتيك حسب درجه الجو وممكن تتحكم فيه بردو
٣- حساسات خلفيه تقريبا موجوده في بعض فئات الوكيل
٤- درج مبرد تلاجه مش عارف موجود في الوكيل ولا لا
٥- ليدات قدام وورا
٦- فيه فئات فيها فرش جلد
٧- فيه فئات فيها بصمه بردو
٨- الجنط ١٧ وشكله فخم جدا
العربيه سحبها حلو جدا وحتي مع التكييف وشيك وفخمه وستايل بصراحه
العربيه نافيهاش اختلاف من مويل ٢٠١٣ و ٢٠١٤ الا السيدان غيرو شكل ليدات ورا بقت اشيك
والضمان انت بتدفع فلوس لشركه تأمين وبتديك ضمان زي الضمان التاني بس. وفيه ناس عملته وشغال وحلو
اهم حاجه لف واعرف الاوبشن كويس قبل ماتشتري
انا متشكر ليكو جدا ان شاء الله هانفذ بعد اسبوع او اسبوعين بعد المعرض بتاع يوم13 مارس ما بخلص بجد انا متشكر ليكو على النصيحة:b4_007: