-
لمبة Air Bag نورت
انهاردة الصبح لسة راجع من سفرية عمل متحركتش بالعربية من ساعة ما استلمت ورخصت بقالى اسبوع من يوم الأحد اللى فات خارج القاهرة جيت انهاردة بدور العربية الصبح لقيت بعد التشييك على اللمبات بتاعة الطابلوة انذار على شاشة المعلومات ان فى خلل فى ال airbag ولمبة الairbag اللى فى الطابلوة منورة مش عايزة تطفى رحت التوكيل صلاح سالم جه المهندس مصطفى حاول وبعدة المهندس مينا وحط العربية على الكمبيوتر وقالى اطلع على غمرة الكلام دة كان من الساعة 11 الصبح بعد ساعتين فى صلاح سالم رحت على غمرة على الساعة 1:30 الظهر وقعدت هناك لغاية الساعة 4 بيحاولوا منفعش المهم المهندس كان قالى دى بس فيوزات وهتتغير او سوفت وير المهم لقيت المهندس بيقوللى هتسيب العربية علشان عايزين نراجع السيستم كله وان شاء الله ممكن تكون بسيطة انا بسأل دلوقتى حد قابلة المشكلة دى وهل ده مش يبقى عيب صناعة ولا ايه العربية عاملة 45 كم بس
-
الرسالة اللي طلعت علي شاشة الأعطال بتقول أيه ؟
-
بتطفى وتنور ولا مبتطفيش خالص ؟
-
-
ما تقلقش غالبا حاتطلع airbag coil او الفيشة بتاعتة و حيتظبط فى التوكيل على حساب الضمان
-
متابع باهتمام وربنا يستر وتطلع حاجة بسيطة
-
ربنا يستر .. ان شاء الله تكون حاجه بسيطه .. يمكن فعلا فيوز كهربا .. بس لو في مشكله اكبر من كده يبقي العربيه حتفضل كتير معاهم :(
-
متابع
متابع
و يارب تكون حاجة بسيطة
بس لو الموضوع هيطول المفروض يوفروا لك عربية مؤقتا
أبقى طمنا
-
اوبااا، لية كدة بقى!!
يارب ترسى على فيوز و ميكونش شريط الairbag، مش عايزين حاجات تزعلنا من العربية
ابقى طمنا يا سمسم
-
هو حضرتك ركبت فرش للعربيه؟؟؟
Content Relevant URLs by
vBSEO 3.6.0 PL2