والدي اقتنع بالعربية وخلاص الحمد لله ناوينا ان شاء الله نجيبها
بس كنت عاوز اعرف بقى وانا بستلم العربية اشوف فيها اية
يعني اية النصايح المهمه و الحاجات اللي لازم اخود بالي منها
يريت من ملاك الايمي جراند 7 يفدوني ... و شكرا
عرض للطباعة
والدي اقتنع بالعربية وخلاص الحمد لله ناوينا ان شاء الله نجيبها
بس كنت عاوز اعرف بقى وانا بستلم العربية اشوف فيها اية
يعني اية النصايح المهمه و الحاجات اللي لازم اخود بالي منها
يريت من ملاك الايمي جراند 7 يفدوني ... و شكرا
ربنا يوفقك وتكون فتحه خير عليك
بس نصيحة راجع تاني تقارير الاعضاء عن العربية مميزاتها وعيوبها
وبالذات ان مشاكل التقفيل بتاعت غبور كتيرة واخطرهم موضوع الصدا
وفي كل الاحوال ربنا يوفقك للاحسن ليك
(46) نقطة لفحص السيارة قبل الاستلام شاملة :
(المظهر الخاجي – المظهر الداخلي - الأجزاء الرئيسية – الأجزاء الفرعية – الأجزاء المتحركة – الكماليات )
صاج العربية ( خرابيش - خبطات )
1 سوك العربيه هل مستويه ولا فيها اى تعريجات
على العربيه ككل هل شكلها مظبوط
2 تأكد من أن الفروق بين
الأبواب والرفارف
الفوانيس والصاج
وغطاء المحرك
وغطاء الشنطة
والأكصدامات
منتظمة ومتساوية ولايرتفع فيهاجزء عن أخر
3 أنظر أسفل السيارة وتأكد من أنها لم تأخذ خبطة أثناء ذهابها إلى المعرض
4 بوية السيارة نزع الورق الملصق على صاج السيارة للتأكد من عدم وجود( خرابيش - فرق لون - تنميل - تسييل )
خاصة ( السقف - الاكصدامات )
5 مناطق مطئطئه فى
التابلوه ( داخل السيارة )
الابواب
الزجاج
الحليات وعلامات العربيه الخارجيه
علامات العربية اللى على الطاره
أماكن التخزين فى الابواب
هل فيها شروخ او اى حاجه زى كده
6 اربع فرد كاوتش ( اي تاكل - اي شرخ ) 7
الاستبن (الكاوتش الاحتياطى ) جنط عادى ام سبور (أي شرخ)
8 شنطة العدة ( مفك - كوريك -هوك الكوريك- مفتاح عجل -وشداد )
9 الابواب الاربعة والكابوت والشنطة
10 العتبتين الجانبيتين ( خبطه )
11 تأكد من أن يد فتح غطاء التانك من داخل الكابينة تعمل جيدا وان الغطاء البلاستيك للتانك وبابة الصاج لا مشاكل فى عملهم
12 مفاتيح التابلوه :
قأكد من أن جميع المفاتيح سليمة ومثبتة جيدا وأن تقفيل التابلوة سليم
جرب كل مفتاح على حده ولا تنتقل الى المفتاح اللي بعده الا بعد ان تنتهى من سابقه
الأنوار
الأشارات
المساحات
المرايات
عدادات ومبينات التابلوة
الزجاج
السنترلوك
الكشافات الأمامية
الفوانيس الخلفية
أضواء الضباب
13 الزجاج الكهرباء (فتح وقفل )(صوت تزيق او اى مشكلة فى الزجاج)
14 ملاحظة رج الزجاج اثناء فتحه عند غلق وفتح الابواب الأخرى
15 الأنوار الداخلية جوة السيارة
(نور الصالون -والطابلوه - الشماستين الاماميتين )
16 الأنوار الخارجية
(الفوجات -والكشافات الامامية- ولمبة الاستوب -والفوانيس الخلفية)
17 اشارات الفرامل يجب ان تضئ من اول ضغطة خفيفة
18 الاشارات الضوئية ( الانتظار - يمين وشمال )
19 السنتر
20 الريموت
21 عداد الكيلومتر ( القراءة كام ) ( يعمل ولا لآ)
22 عداد (RPM) 23
التكيف ( سخن- بارد ) صوتة طبيعى ولا يسبب ذبذبة أو رعشة أو أرتجاج داخل السيارة
24 لوحة العدادات عدم وجود اي علامة مضائة بعد أدارة وتشغيل السيارة فكل العلامات بتنطفي بعد ادارة محرك السيارة مثل علامة فحص المحرك،علامة الايه بي اس ، وعلامة فحص الزيت و ...الخ
25 تشغيل المساحات
26 تشغيل المياه بتاعت المساحة
27 حوض المحرك
أنظر إلى كل المكونات وتأكد أن جميع الأغطية موجودة ولاتسريب لأى سائل أو زيوت
28 المياة بتاعت السيارة ( مساحات -والقربة -والردياتير- والبطارية)
29 الماتور صوته ناعم وهادى فى بداية التشغيل ولا تصدر أصوات أو أهتزازات منة أو من
الشكمان أو
المراوح أو
أى أجهزة أخرى بصورة غير طبيعية
30 سخن السيارة وبعد ماتسخن اتاكد من ان المروحة اشتغلت بتاعت الرديايتير ولالا
31 الدريكسيون (يمين وشمال - فوق ولتحت)
أى مشكلة اوصوت تزيق
32 الباور ستيرينج (بيصدر صوت لمجرد لمس الطاره)
33 سنسور بارك يفحص جيدا وسرعه الصوت عند الاقتراب
(مرة واتنين وتلاتة)
34 الفتيس ( ناعم / فيه مشكله )
35 الكاسيت (وصلة يو اس بى - اسطوانتين )
تجربة عند تشغيل السيارة وفي حالة عدم تشغيلها لتجربة أستريو السيارة وتأكد من أن درجة و توزيع الصوت ومستواة طبيعى
وأسمع الراديو أثناء تشغيل المحرك وتأكد أنة لا تداخل أو تشويش فى صوت الراديو خصوصا مع أستعمال الكلاكس أثناء عمل المحرك
36 الكراسى اللى قدام
37 ظهر المقعدين 38
الصالون من الداخل(نتش فى الصالون او غير ذلك )
سلامة الفرش الداخلي للسيارة وانه سليم ولايوجد به اي قطع او بقع
شيل الأكياس طبعا
(فرش الأرضية)
39 تنجيد الأبواب
40 تنجيد السقف وتأكد من أنة جيد التركيب
الشماسات الأمامية
41 كاوتش الأبواب سليم وجيد التركيب
42 فرش الشنطة الفرش داخلها وعلى غطائها مثبت جيدا
43 الأضائة تعمل وأن المقبض من داخل الكابينة يفتحها بسهولة .. وأن الأستبن مثبت جيدا والكوريك فى مكانة
44 احزمة الامان أسحب جميع أحزمة الأمان ثم أتركها وتأكد من أن الماكينة تعيدها بالكامل إلى مكانها وبالسرعة المطلوبة
45 الروافع مثل : الولاعة - وطفاية السجاير - وصلة يو اس بي
46 تذكر:
الضمان بتاع السيارة (كامل البيانات والأختام)
ضمان الكاسيت ( مختوم )
الكتالوج بتاع العربية
خطاب موجه من الشركة إلى إدارة المرور
اللهم انفعنا بما علمتنا ، وعلمنا ما ينفعنا ، وزدنا علما
اللهم ما رزقتنا مما نحب فاجعله قوة لنا فيماتحب ، وما زويت عنا مما نحب فاجعله فراغا لنا فيما تحب
منقولة من الاخ
Amr El Sayed
جزاه الله خيرا علي مساعدته للشباب
من جروب السيارة علي الفيس بك
ايه ده كله .....
انشاء الله صاحب المعرض هيسيبك تعمل كل ده و لا هيقولك شوف لك معرض تانى
الموضوع كله ميخدشي منك 10 دقايق
بتاخد بالك من كل حاجة في العربية علشان لو فيها حاجة يا تُطلب من المعرض يجبلك عربية غيرها او تتصرف علي حسب اهمية الحاجة اللي موجوده في العربية
لو ينفع يا صديقى تاجل قرار الشراء شوية لحد لما نشوف مشكلة الصدا غبور هايعمل اية وبالذات فى معرض السيارات القادم لانة حضرتك سوف تشترى و انت موش عارف هو عالج المشكلة فى الدفعات الجديدة و لا لسة لانة شئ يعكنن انة تكون رايح تشترى و عندك شك من ناحية الصدا فالانتظار افضل قرار اعتقد و طبعا هذا قرارك
فين الفرض ومتي وازاي اقدر اتابعة؟؟؟؟؟؟؟؟
* معرض السيارات
موفق في الاستلام ان شاء الله
عند الاستلام لازم تشوف العربية وتجرب كل حاجة فيها
متحطش في بالك ان المعرض هيسمحلك انك تجرب كل حاجة في العربية
انت لازم تجرب كل حاجة حتي لو هتاخد وقت
وتجربها قبل ما تمضي علي ورقة عندهم او تدفع الفلوس
احنا كلنا عارفين الفلوس دلوقتي بتيجي ازاي فعلشان كدا ضروري تاخد بالك من كل حاجة في العربية علشان متلبسي فيها بعد كدا وعلي فكرة لو خت العربية وطلع فيها حاجة وحبيت تغيرها وقتها ميعرفكشي (باستثناء بعض المعارض المحترمة) وكمان انت بتمضي علي محضر استلام للعربية وبيكون مكتوب انك استلمتها بلا اي عيوب
وبالتوفيق ان شاء الله