أنا يا جماعه اشتريت علبه اسبراى لتنظيف الرشاشات ومش عارف طريقه الاستخدام ؟
عرض للطباعة
أنا يا جماعه اشتريت علبه اسبراى لتنظيف الرشاشات ومش عارف طريقه الاستخدام ؟
الرشاشات مش بتتنضف بسبراى اساسا... انت اشتريت ايه بالضبط؟؟
MMamdouh
المفروض انها بتنضف
بس عن تجربة ولا بتنضف ولا حاجة
مجرد ايحاء نفسى
لو فية رشاش مكتوم او مسيل مش هتصلح فية اى حاجة
طيب هل في شرح لطريقة فك الرشاشات علشان نوديهم يتنضفوا بالالترا سونيك ( نوبيرا 1600 )
التنظيف بالمنزل رابطه اهه
����� ����� �������� - ���� �������
باختصار شديد:
هتفك الخرطوم اللى خارج من فلتر البنزين و داخل على المسطرة
هتفك الخرطوم الصغير اللى بين منظم الضغط و المنافولد
هتفصل الاربع فيش بتوع الرشاشات
هتفك المسمارين ال13 اللى رابطين المسطرة
هتسحب المسطرة لفوق عشان الرشاشات تخرج من النافولد
هتفك الاربع كليبسات بتوع الرشاشات
اسحب الرشاشات من المسطرة
ملحوظة: قبل ما تبداء فى الاجراءات دى دور العربية و فك كتاوت طلمبة البنزين و هى دايرة عشان تفضى ضغط البنزين اللى فى الدورة
ملحوظة: خللى بالك و انت بتفك عشان ميقعش منك الo ring بتاع الرشاش (الكاوتشة المدورة اللى فى طرف الرشاش)
MMamdouh
تسلم ايدك يا محمد باشا أولا الاسبراى اللى انا اشتريته علبه برتقالى كبييره ومرسوم عليها البوابه .وده استعمله ازاى ؟
انا هروح للميكانيكى بكره علشان يفك الرشاشات وعاوز اعرف مكان فى القاهره بينظف الرشاشات
دا ترشة فى البوابة بعد ما تفك خرطوم العمة و الايدل كونترولر.... و بحذرك اوعى تنضف بية الايدل كونترولر عشان هيبوظ
فية ورشة عندها مكنة التراسونيك فى شارع السودان...
بعد ما تعدى الهوارى اللى عند ميدان لبنان و انت رايح فى اتجاة احمد عرابى هتلاقى محطة بنزين موبيل على شمالك و الورشة هتبقى فى الشارع اللى على يمينك... الورشة اسمها الرضا و النور
MMamdouh