-
زيرو ولا مستعمل
ياجماعه انا هنا في المنتدي ماحدش بيبخل علي بأي نصيحه
فا انا عاوز انصح النصيحه لله ماحدش ينزل سوق السيارات بتاع يوم الجمعه والحد بتاع الحي العاشر ودورو علي سكه تانيه حتي لو غاليه
النصيحه التانيه ارخص عربيه تشتريها هي الزيرو
يا جماعه زيرو ولا مستعمل
الاجابه طبعا بزيرو وبلاش ندحك علي نفسنا بحاجه اسمها كسر زيرو حاسس انها كانت ايام وعدت ماعدتش موجوده ولو موجوده صاحبها عايز يبيع العربيه بأقل من سعر الزيرو ب3 الاف جنيه فقط يبقي الزيرو ارخص
نزلت السوق يوم الجمعه الي فاتت بتاريخ 7-3-2014 وكنت محدد سعر العربيه في حوالي 85 الف وكان في دماغي اوبترا ولانسر قرش او بوما وصني القديمه واللنترا
ونزلت معايا 95 بزياده علشان مش احرم نفسي من حاجه روحت هناك اتصدمت
بصراحه في البدايه حسيت ان مقلب زباله من عربيات مسروقه لخرده علشان اكتشف الكنز والاقي عربيه وارتاح اتعقدت بصراحه
اولا النترا موديل 2011 لونها بتنجاني كامله عمله عداد 80 الف وطالب 122 الف
ثانيا صني سوبر صالون اقول للراجل عاوز كام يؤلي قول انت ومش عاوز يؤل سعر ونطق 100 وصلتها 80 بس مش معاه رخصتها
ثالثا لاقيت كتير لانوس بالمره علشان مش احرم نفسي عربيات نص مش كامله وطالبين 60 الف جنيه موديل 2005
رابعا عربيه بيجو 307 كامله موديل 2007 وعداد 300 الف ومطلوب 88 الف
خامسا النكته بقه لانسر بومه لونها كحلي موديل 2006 فابريكا بالكامل سوبر اكشن بوما وطالب 107 وكتيير يا جماعه الرخصه مش بأسمهم وريحين يبوعها من غير توكيل
يا جماعه بعلو صوتي لازم يبقي في رقابه في السوق علي الاسعار والورق والغش وحاله العربيه حتي لو بالمقابل المادي بس مين يسمع
اخر نكته بقي ولا كان لسه شاري شفورليه افيو وجابها زيرو وبعدها ب3 ايام راح جنطها وكان جاي من بره كان جنط شاذ في شكله جدا والعربيه بعدها اتسرقت صاحبها عمل محاضر كتير وتابع اكتر ماوصلش النصيب ان بعدها ينزل السوق علشان يجيب عربيه وعوضه علي الله يلاقي عربيته في السوق وطبعا عرفها من الجنط لان النمر بتتغير
يا جماعه سامحوني علي الاطاله بس انا حسيت حاجه اول امبارح كان نفسي اوصلهالكوا لانكم اخوتي في الحياه والبلد واتمنالكم كل التوفيق
-
لا حول و لا قوة الا بالله. الضمير انعدم. شكرا علي المشاركة.
-
اسواق السيارات بصفه عامه اماكن كلها نصب و استحاله ان تجد فيه عربيه محترمه او سليمه ...
ده معروف من زمان ... مش حاجه جديده ... حضرتك غلطان جدا انك تفكر انك تروح اصلا :)
لكن اديك شوفت بعنيك ... و طبعا اخطر انه كان معك فلوس فى مثل هذه الاماكن الغير امنه ...
افضل شراء للمستعمل يكون من صاحبه مباشره و الكشف الجيد عليها قبل الشراء ...
اعلانات الجرائد مثل الوسيط و خلافه و موقع دوبيزل افضل و اضمن ... لكن محتاج صبر شديد لكى تجد ما تبحث عنه و بالسعر المعقول ...
كما انه يوجد معارض كتير لا تشترى الا الحالات الممتازه و سمعتها كويسه ... عيبها الوحيد انها بتغلى العربيه لان دى شغلتهم ...
بالتوفيق ... تحياتى ...
-
يا جماعه لو تكرمتم ثبتو الموضوع في الاول شويه علشان الناس كلها تبقي فاهمه لان في ناس كتير من اماكن بعيده وبتسافر علشان تشتري من هناك
-
كلام زي الفل السوق ده زباله الزباله كله حراميه و نصابين
-
كلام فالمجمل سليم
لكن صعب تعمل رقابة عالسوق ده
-
Content Relevant URLs by
vBSEO 3.6.0 PL2