الحمدالله انها جت كدة يااسلام دة عين واضحة جداا
بص انا بعد ماجبت العربية بشهر برضة اتخبطت شبة خبطتك بس بدل الكابوت الرفرف هو الى شال الخبطة ميكروباص وقفل عليا وبعدين جبت التامين ونويت اعملها فى التوكيل الاكصدام يتغير والفانوس والرفرف والكابوت ضبط خفيف وكلة فى التوكيل وكنت مطمن لانى درجة اللون عندهم وشفت عربيات نفس الوضع وطلعت تمام كويس... اخدت الموافقة من التامين لعمل كل الاصلاحات ومرحتش عملتها لمدة السنة الاولى وفضلت ماشى بيها والنور تمام رغم انة مكسور لكن شغال والمية وهى بتتغسل بتدخل للفانوس من الكسر الصغير وبرضة شغال عالى وواطى ففضلت ماشى لغاية قبل تجديد الرخصة والتامين رحت عملتها ورغم ان البوية اخدت شمس وتراب بلدنا اتعملت تمام فى عز بس لازم تقفلهم على الوحدة عشان الهطل بتاعهم وكمان ساعتها زودت على المقايسة الجديدة زجاج امامى كان واخد نقرة والحمدالله بفضلة كلة رجع تمام
لو التوكيل تغير كابوت اكصدام فانوس ودهان فى خلال اسبوع ... لاتقلق كلة هايبقى تمام انا زيك مش بحب رش العربية لكن !! ما باليد حيلة فى حالة وجود تامين
لكن لو برة عز سمكرى كويس ومكن يرجع كلة لاصلة بس هاترش كابوت واكصدام وتجيب فانوس ووتكون مجربة عندهم فى الماتور عشان يكون شغال فى فانوس عندهم ارخص بدون ماتور
والف حمدالله على سلامتك وكل وعيد فطر وانت طيب والجميع بخير
ربنا يرحمنا من شوارعنا ويحمينا
المفضلات