الموضوع: صور عربيتى بعد الحادثة

قدر الله وماشاء فعل....معلش يا اسلام باشا ....اخدت العين بتاعتها

ان شاء الله تتضبط على طول وترجع زى الاول...

وعيد خير عليك ان شاء الله

السلام عليكم و رحمة الله و بركاته
اولا كل سنة و انت طيب و كل الاعضاء بخير و صحة و سلامة و السنة اللى جاية ان شاء الله اللى متجوزش يتجوز و اللى متجوز يطلق و يتجوز تانى او يتجوز على مراته :)
اولا حمدا الله على سلامتك يا باشا و فيه مثلين حلوي اوى بيتقال فى المواقف ديه بيقولك ايه بقى يا سيدي
كويس انها جت فى الحديد
بص ياباشا اولا انا عارف مدى حزنك و حزنى انا كمان على عربية لسه ماخدتش نمر و تتخبط .
ثانيا شكلك كنت واحد صحبك عينه من العربية :)
ما علينا بص يا باشا و الله انا افتكرت من وصفك للموضوع انك عامل حادثة بجد و كنت حتقهر قبل ماشوف الصور .
ديه بجد ابسط مما تتخيل .
واحد سمكري نظيف حيشدلك الكابوت ده .
انا من اسكندرية و بتعامل مع فنان مش سمكري بس للاسف انت من القاهرة بس اكيد عندكوا سمكرية استاذة يعنى.
او فى التوكيل حيظبطلك الحوار .
كل اللى حتجيبه فانوس جديد بس
و حترش الحتت الصغيرة اللى متجرحه ديه لان البوية شكلها اتاكلت يعنى مش حينفع لها كومبوند زي ما قال الاخ امير
و بعدين متحطش فى بالك يعنى ديه مش حتعتبر رشة للعربية يعنى مش حتنزل من تمنها ولا حاجة لما تيجي تبيعها .
انا بس مش عايزك تزعل و قول قدر الله و ما شاء فعل و الحمد لله انها جت على قد كده .
انا ليا واحد صحبي و الله قبل رمضان باسبوع راح جاب النترا و هو رايح يرخصها سواق ميكروباص ركب الجنب اليمين عنده بوظله العربية خالص .
قول الحمد لله انها جت على قد كده و اهو درس حلو بعد كده تبقى تسوق براحة و تخلى رجلك ديما خفيفة على البنزين علشان لو لا قدر الله احتاجت تدوس فرامل مرة واحدة اعصابك مش تخونك و تدوس على البنزين بدل الفرامل .
الف لا بأس عليك و الحمد لله انها جت على قد كده .