-
ميجان 2006 مستعملة
السلام عليكم ورحمة الله وبركاتة
الاخوة الاعزاء
بالرجاء المساعدة فى اول شيء ممكن اعملة بعد ما ربنا كرمني بعربية ميجان 2006 اوتوماتيك كاملة ودا اول احتكاك ليا بعالم السيارات ويجد عليها بعض الملاحظات
1- التكييف ضغيف
2- وجود بعض اسلاك الكهرباء اسفل السيارة مفكوكة
3- عاوز اغيرلها زيت موتور - حسب نصيحة البعض ليا
4- عاوز اشيك عليها كلها لو فى اى شيء مش مضبوط اضبطة - ودا لاني ما اعرف الفرق بين العفشة سايبة ولا كويسة بمعنس اصح انا جاهل تماما
5- فى لمبة بالنور الواطي تالفة
6- عاوز اغسلها غسلة نظيفة من برة ومن جوة
فيا ريت تدلوني علي حد بعينة ارحلة يكون صنايعي شاطر يكشف علي العربية ويظبطها ظبطة تمام:dontudear: مع العلم ان انا من مدينة نصر وشغلي فى حلوان
ولكم جزيل الشكر
-
السلام عليكم ورحمة الله وبركاته الف مبروك ربنا يبارك لك فيها ويرزوقك منها كل خيرو يكفيك كل شر اخي الفاضل اما الغسيل في اي بنزينه تعرفها يكون العامل يعرف يغسل المتور يغسل المتور كويس ويجففه بالهواء اما السلك يجمعه اي كهربائي سيارات قريب منك لائنه شي بسيط والعفشه ترفع السياره في البنزينه وتسئل عامل ضبط زوايه العجل عن البيض والمقصات كم كفائتهم الحاله تمام اونص ونص وهوه ممكن يغيرهملك مصنعيه بتكلف بصيطه وهزا رحمه من التوكيل وبالله التوفيق01222432207لامساعد
-
الف مبروك مبدئيا و نورت قسم رينو
بص انا اخشى انك اشتريت العربية من غير ما تكشف عليها , للأسف مع الميجان ده غلط جدا :(
عموما عشان ما اخضكش , انا باقول تكلف نفسك شوية و تعمل كشف شامل في فرينش موتورز بتاع الرحاب مثلا , و الكشف تقريبا ب200 جنيه
الميزة انك هاتعرف العربية اولها ايه و اخرها ايه و محتاجة ايه بالظبط
هو مش بدقة كشف التوكيل , بس عموما يكفي طالما كده كده اشتريت خلاص في رأيي , لأن كشف التوكيل بحوالي 600 جنيه دلوقت
ده اولا
ثانيا لازم طبعا تغير زيت الموتور , و لو ما تعرفش العربية عاملة اخر سيرفيس امتى , خصوصا طقم الكاتينة , يبقى هاتضطر تتكلف شوية و تعمل لها طقم سيرفيس محترم , و للعلم هو مكلف شوية لو هاتعمل طقم الكاتينة
بالنسبة للغسلة انصحك تطلع على ديتيلرز اللي في احمد فخري , هاتطلع من هناك مبسوط ان شاء الله
Content Relevant URLs by
vBSEO 3.6.0 PL2