اسف على التأخير بس ده لظروف شغلى
- فى ماسورتين رقم 1 و2 (اسهم سوداء) فى صدر العربية
- فى برضه خرطومين 1 و 2 (اسهم حمراء)
- الخرطوم رقم 1 كان راكب فى الماسورة رقم 1 بأفيز و نفس الحكاية ماسورة 2 مع خرطوم 2 , طريقة التعديل بسيطة جدا ... تكون العربية بارده و هتفك الافيز بتاع ماسورة 1 و تشد الخرطوم منها , و نفس الحكاية مع ماسور 2 , هتكون مجهز ماسورة ( حديد - نحاس - الومنيوم ) وبلاش بلاستيك علشان الحرارة العالية هتخليها تسيح , طول الماسورة حوالى 10 سم (متكونش طويلة علشان متعكاسش فى التركيب ) , يا ريت يكون قطر الماسورة هوه نفس قطر الماسورتين اللى كان راكب فيم الخراطيم علشان متنفسش , ممكن تلف على الماسورة تيفلون و بعدين تدخل الماسورة فى خرطوم 1 من ناحية و خرطوم 2 من الناحية التانية و تقفل عليهم بأفيز كويس جدا ( انا قافل على كل ناحية ب 2 افيز للتأكيد فقط ) لكن افيز واحد على كل ناحية كافى جدا , بعد كده لو عندك بلور او عند حد بتاع كاوتش يضرب هواء جامد فى الماسورة رقم 1 علشان بيكون فى شوية مياه جوه مواسير التابلوه .. طبعا المياه دى هتنزل من ماسورة 2 , بعد كده اتأكد من مستوى المياه فى القربه ممكن تكون قلت شوية . بعد يومين كده ( للتأكيد ان اى مياه جوه مواسير التابلوه نشفت )يفضل انك تقفل الماسورتين رقم 1 و2 ( انا قافلهم بصوابع جوانتى جراحى مطاطى ) علشان نحافظ على نظافة مواسير التابلوه ... ممكن بعد انتهاء فترة الصيف ترجع كل حاجة مكانها علشان تستفيد بالدفاية فى الشتاء .. اتمنى اكون افدتكم و جاهز للرد على اى استفسار