افضل سيارة في حدود .90000..

**master_sami_sm** · 09-03-2014 04:33 PM

يا تري لو معايا 90000 ايه افضل سيارة ممكن اجيبها تعيش معايا انا مش من هواة التغيير الكتير .. و استخداماتي بسيطه بس انا باحب السيارة الواسعه العائلية .و لو ممكن تكون اوتوماتيك .. و باخاف جدا من الصيني ..مش باحبه .. باميل للكوري بس ما يكونش تقفيل غبور .. و لا ايه راي الاصدقاء الاعزاء اعضاء هذا المنتدي العريق ..و اصحاب الخبرة و الاحتراف في هذا المجال .. احلي سلام لاحلي شباب ...

**shiko85** · 09-03-2014 06:58 PM

النترا

**master_sami_sm** · 09-03-2014 07:02 PM

بس اعتقد اللوجان صغيرة مش واسعه .. دي الفيرنا اوسع منها .. و لا تقصد اللوجان mcv ..بس دي اخرها 2013 .. هي ممكن الاقيها زيرو في اي توكيل ..

**NaderNabil** · 09-03-2014 07:12 PM

الفيرنا ماتجيش حاجة جنب اللوجان في الوسع الداخلي و الشنطة

مافيش مقارنة اصلا

**J A G U A R** · 09-03-2014 07:48 PM

اوبترا 2011

**S O P H O S** · 10-03-2014 02:12 AM

كلامك لو تقصد مستعمل يبقي بيوصف الكورولا 1300

**master_sami_sm** · 11-03-2014 02:43 PM

شكرا لمشاركات الجميع .. بالنسبه للاوبترا اعتقد ماتورها نفس ماتور النوبيرا ودي مواتير مش معمرة وماشكلها كتير بحكم خبرتي مع النوبيرا بالرغم من بساطة استخداماتي خلال 5 سنين 49 الف كيلو .. بالنسبه للوجان انا قريت عنها شويه و عرفت معلومات صححت مفهومي عنها و بالرغم من بعض العيوب اللي الناس بتشتكي منها فيها لكنها مقبوله و لكن بعد ارتفاع سعرها بالمنظر ده حرام ادفع في الفئه دي 96000 دا سعر الاوتوماتيك في التوكيل ..
بالنسبه للنيسان الصني الشكل القديم مش حابه خالص و كمان كله تقفيل مصري من بعد 2008 و التقفيل المصري عيوبه اكتر من ميزاته ..
اما بالنسبه للالنترا .. فهي مقبوله جدا بالنسبه لي شكلا وموضوعا بس مش عارف احدد سعر سوقها كل واحد بيقول سعر مختلف و يتكلم براحته .. فانا مش عارف اللي معايا يجيب انهي فئه و انهي موديل و انهي حالة.. افيدوني .. و شكرا...