حادثة بسيطة الحمد لله ارجو الافادة و شكرا لكم

تعرضت لحادث بسيط الحمد لله و كانت الخسائر كالتالي ردود في الرفرف الايمن الخلفي فوق العجلة + ردود في الكبوت + انكسار الفانوس الأمامي الأيسر + كسر في الاكصدام الأمامي .
للعلم السيارة مغطاة بتأمين شامل . أرجو النصيحة في مكان التصليح ( توكيل أو ورشة ) وهل تحتاج إلى سمكرة أو تغيير و ما هو المكان المفضل للتصليح خارج التوكيل و العنوان و رقم التليفون ان أمكن . و هذه هي الصور
http://www.m5zn.com/newuploads/2014/...f5a885f588.jpg
http://www.m5zn.com/newuploads/2014/...540a3ed1c0.jpg
http://www.m5zn.com/newuploads/2014/...264fc273aa.jpg
http://www.m5zn.com/newuploads/2014/...540a3ed1c0.jpg

http://www.m5zn.com/newuploads/2014/...8e8593ab4b.jpg

أرجو الافادة سريعا و شكرا جزيلا لكم

قدر الله وماشاء فعل الحادثة صغيرة لكن مش أوى بس أنا عندى فضول أعرف ايه اللى حصل من أدام و من ورا و أيه اللى وصل الموضوع للكبوت أذا ماكنش يضايقك ممكن تروح ورشة نايل موتورز لكن حضرتك بتقول أنك مأمن و عملت محضر و ألا ايه و فحضرتك حتروح شركة التأمين حتدفع رسوم معاينة وتصوير في حدود 250 جنيه و تقوللهم صلحولى العربية مش حيبقى أدامك ألا خياران الخيار الأول أنك تقوللهم صلحوا العربية و في الحالة دى هما حيصلحوها في أي ورشة تابعة لهم و حتروح حضرتك زى الباشا تستلم العربية من غير ما تدفع ولا مليم الحل التانى أن حضرتك تقوللهم أنا عايز أصلحها في التوكيل و في هذه الحالة حتدفع 10 % من أجمالى قيمة الفاتورة و على فكرة الموضوع مش بسيط و مش كبير زى ما أنا قلت لحضرتك حضرتك محتاج حاجتين يتغيروا كبوت جديد و فانوس مكان الخبطة في الكبوت تحته عظم الكبوت و دهعلشان يستعدل حيبقى شكله وحش اوى الأكصدام يتلحم عادى جدا و ممكن يتلحم من جوه و مش حيبان بقية الحاجات محتاجة سمكرة عادية ودوكو لموضوع ده لو تكلفته أكتر من خخمسة ألاف جنيه يبقى أنت مش محتاج محضر ولا حاجة دى الخلاصة و ربنا يحمينا يارب ياسميع الدعاء

اقتباس:

---

المشاركة الأصلية كتبت بواسطة adel_edrees

قدر الله وماشاء فعل الحادثة صغيرة لكن مش أوى بس أنا عندى فضول أعرف ايه اللى حصل من أدام و من ورا و أيه اللى وصل الموضوع للكبوت أذا ماكنش يضايقك ممكن تروح ورشة نايل موتورز لكن حضرتك بتقول أنك مأمن و عملت محضر و ألا ايه و فحضرتك حتروح شركة التأمين حتدفع رسوم معاينة وتصوير في حدود 250 جنيه و تقوللهم صلحولى العربية مش حيبقى أدامك ألا خياران الخيار الأول أنك تقوللهم صلحوا العربية و في الحالة دى هما حيصلحوها في أي ورشة تابعة لهم و حتروح حضرتك زى الباشا تستلم العربية من غير ما تدفع ولا مليم الحل التانى أن حضرتك تقوللهم أنا عايز أصلحها في التوكيل و في هذه الحالة حتدفع 10 % من أجمالى قيمة الفاتورة و على فكرة الموضوع مش بسيط و مش كبير زى ما أنا قلت لحضرتك حضرتك محتاج حاجتين يتغيروا كبوت جديد و فانوس مكان الخبطة في الكبوت تحته عظم الكبوت و دهعلشان يستعدل حيبقى شكله وحش اوى الأكصدام يتلحم عادى جدا و ممكن يتلحم من جوه و مش حيبان بقية الحاجات محتاجة سمكرة عادية ودوكو لموضوع ده لو تكلفته أكتر من خخمسة ألاف جنيه يبقى أنت مش محتاج محضر ولا حاجة دى الخلاصة و ربنا يحمينا يارب ياسميع الدعاء

---

شكرا جزيلا على ردك و لكن شركة التأمين لا تجبرني على شركة أو مركز معين فهو من اختياري فلو ممكن تدلني على أفضل مركز من وجهة نظرك و لو كان ورشة نايل موتورز فتقعد عندهم كام يوم لأن انا من الزقازيق و هل بسيبلهم مفتاح السيارة و لا أعمل ايه.

أولا دول ناس كويسين جدا و أمناء زى أي ورشة كبيرة ومحترمة فما فيش خوف أنك تسيبلهم المفتاح أعتقد أنك حتسيبها في حدود أسبوع ولكن أنا عايزك تتأكد الأول من موضوع شركات التأمين الأول لأن كل شركات التأمين بتودى العربيات لورش هما متفقين معاهم و النظام ده ماشى على الكل

كبوت ايه اللي يتغير ياجماعة الكبوت خبطته بسيطة جدا جدا وتترد بسهولة جدا

الحمد لله على كل حال.. والحمد لله على سلامتك
معذرة انا مش شايف الصور بسبب مشكلة عندي في النت
ولكن انا هاتكلم بس عن ورشة نايل موتورز.. انا كنت عامل حادثة من شهر ونص تقريباً وبعد بحث وتدوير وديتها عند كريم منير في ورشة نايل موتورز.. بصراحة صنايعية محترمة ومعاملة اخر احترام سواء مع كريم منير او احمد قدروة في الورشة وكنت سايبلهم العربية بالمفتاح لمدة 5 ايام والحمد لله استلمتها زي الفل..

نصيحة مني : استغل التأمين قدر امكانك..
وربنا يعوض عليك بالخير وتبقى اخر الاحزان..

والله الموفق

معلش
قدر الله وما شاء فعل

لو سمحت يا جماعة عايز أسأل على عنوان ورشة ا. كريم منير و تليفونه لو سمحت . و كنت عايز أسأل شركة التأمين - أميج هي اللي بتحاسب الورشة ولا أنا اللي بحاسب و أوديلهم الفاتورة . و هل ينفع أجيب الفانوس من التوكيل و أوديه الورشة و لا أوديه لكهربائي هو اللي يركبه يعني ورشة ا. كريم منير فيها كهربائية و لا لأ.

لازم تعمل اخطار لشركة التامين بالحادث خلال 72 ساعة والا يسقط حقك فى التامين

اقتباس:

---

المشاركة الأصلية كتبت بواسطة georgedada82

كبوت ايه اللي يتغير ياجماعة الكبوت خبطته بسيطة جدا جدا وتترد بسهولة جدا

---

أنا نزلت و فتحت الكبوت بتاع العربية عندى لقيت تحت المكان ده فيه عضم الكبوت و ده صعب جدا أنه يتسمكر الخبطة صغيرة و مالهاش لازمة و أي كلام لكن في حتة وحشة

دا رقم المحترم كريم منير: 01001263030
والورشة في مدخل مدينة الحرفيين من على طريق الاسماعيلية - اذا حبيت تعرف العنوان بالتفصيل كلم كريم منير وهو هيوفصلك الطريق بالظبط باذن الرحمن - وان شاء الله خير

والله الموفق

أنا رحت امبارح ورشة نايل موتورز و قابلت أحمد قدورة و مهندس التأمين جه و عمل معاينة و سبت العربية لأحمد قدورة و هغير الفانوس و الاكصدام الأمامي و الكبوت هيتسمكر و يترش و الحاجات الباقية سمكرة و رش

ربنا ييسر لك الحال ويعوض عليك بالخير
ان شاء الله تستلمها زي الفل

والله الموفق

صديقي المواطن
وصلتني من الأخ الفاضل صاحب الموضوع رسالة على الخاص يطلب فيها رأيي في حادث سيارته وأنا أعتذر وبشدة وسامحني ولكني للحرج لا أستطيع التعليق على هذا الموضوع وأعتذر مرة أخرى على الرد المتأخر لسبب عزوفي عن الدخول للمنتدى في الأيام الماضية
وهذا ما لزم بيانه ودمتم
وبالتوفيق وإلى الأمام ومن نصر إلى نصر
ودمتم للنضال

اقتباس:

---

المشاركة الأصلية كتبت بواسطة saddam

صديقي المواطن
وصلتني من الأخ الفاضل صاحب الموضوع رسالة على الخاص يطلب فيها رأيي في حادث سيارته وأنا أعتذر وبشدة وسامحني ولكني للحرج لا أستطيع التعليق على هذا الموضوع وأعتذر مرة أخرى على الرد المتأخر لسبب عزوفي عن الدخول للمنتدى في الأيام الماضية
وهذا ما لزم بيانه ودمتم
وبالتوفيق وإلى الأمام ومن نصر إلى نصر
ودمتم للنضال

---

أستاذ صدام
أنا مش عارف أيه اللى حصل هنا لكن وجودك يسعدنا وردودك و أرائك الخبيرة تثرى المنتدى فنرجو ألا نفتقدك أيا كان الموضوع و الخلاف أخوك في النضال / عادل أدريس