استفسار "مركب" من رواد السيتروين
السلام عليكم ورحمة الله وبركاته
تحياتي أعضاء المنتدى الكرام
كنت عايز مساعدة حضراتكم في الرد على أكثر من استفسار، واسف جدا على الازعاج
الأول هو أني بصدد _إن شاء الله تعالى_ بيع سيارتي السيتروين AX لو ربنا يسر ابتداء من الاسبوع الجاي، وكنت عايز اسأل تساوي كام، مع العلم اني غيرت موتور وجبت واحد استيراد بحالة فوق الممتازة والحمد لله رخصته كمان ومثبت ع الرخصة دلوقتي، وكمان غيرت حاجات كتير في العفشة بقطع غيار استيراد أصلي، وباقي فقط بعض المشكلات البسيطة وبأحاول أعدلها برضه، وأكثرها ازعاجا هي الكبالن اللي ابتدت تطقطق مؤخرا، وبأفكر أورح أصلحها في شارع شامبليون إن شاء الله.
السيارة موديل 97 وفابريكة بالكامل من الداخل، أما الخارج فمعظمها أيضا فابريكة، وجايبلها بطارية جديدة فارتا ألماني ورايداتير جديد فاليو أصلي (سعره 810 جنيه بالغطاء الأصلي) وكل حاجتها الأصلية جوة زي السنتر لوك (بقفل الشنطة كمان) وفرنساوي، وكل قطع غيارها اللي جوه فرنساوي أصلي زي المارش والدينمو وخلافه، أما الكاوتش ففي 3 فردات بحالة جيدة جدا (هانكوك) وفردة وحيدة مقبولة لأني أخدتها من الاستبن وحطيت اللي بدالها استبن لأنها تعرضت لثقب واسع شوية، والتكييف كان شغال قبل ركنتها، وشحنته مرة من سنة وسرب، بس هو شغال ولكن مسرب للفريون.
سؤالي بقى (سيارتي تعمل كام على حالتها كده، الرينج يعني من كام لكام) وكنت بأفكر أجيب حاجة بقى شعبية لأن صيانة السيتروين صعبة، مع انها عربية مفيش زيها بصراحة مقارنة بكل اللي ركبتهم زي السيينا واللانوس والسويفت وغيرهم، لكني متردد الآن، أولا لأن معييش فلوس كتيرة (أخري بالعافية ممكن أكمل 45 لو بتاعتي جابت سعر كويس في البيع) وكان نفسي الاقي حاجة اوتوماتيك، ومفيش في السعر ده اللا الاكسارا، فانا متردد أجيب لانوس مانويال مثلا علشان لاصيانة وقطع الغيار، واللا اتكل على الله واجيب اكسارا اوتوماتيك؟؟ وهل صيانتها صعبة والا ايه، علشان كل لما أسأل حد يقولي خليك في الاكسارا المانيوال، وانا محتاج جدا الاوتوماتيك،،، رجاء الافادة وجزاكم الله كل خير
:tumb:
