"الصحة" تحظر تداول عقارين للأطفال بعد حدوث خطأ فني في تصنيعهما

حذر منشور صادر عن الإدارة المركزية للشؤون الصيدلية بوزارة الصحة، اليوم، من تداول عقاري
"أبيمول" شراب، التشغيلة رقم "A505808" المستخدم كخافض للحرارة ومسكن للاطفال،
والعقار "فينتولين" شراب، التشغيلة رقم "a506076" الذي يستخدم كموسع للشعب الهوائية للأطفال.

أكد المنشور الذي حصلت "الوطن" على نسخة منه، أن التحذير من تداول العقارين سببه حدوث
خطأ فني في تصنيع كلا النوعين، أدى إلى مزج مواد أخرى بالمادة الفعالة غير المفترض مزجها،
ما يشكل خطورة على الأطفال المستخدمين لهذه العقاقير.

وكشف، عن مزج مادة "الصوديوم سلفات" بالمادة الفعالة بدلًا من "بوتاسيوم سترات"، موضحة
أنه تم إرسال نسخة من المنشور التحذيري للشركة المنتجة مالكة المستحضر، وشركات التوزيع
لتجميد الأرصدة الموجوده لديهم وارتجاع ما تم بيعه للصيدليات إلى مخازن الشركة بجميع محافظات
مصر، فضلًا عن إبلاغ إدارات الصيدلة بمديريات الشؤون الصحية بالمحافظات بالأرصدة المتاحة
من العقاقير والمرتجعات.

ولفت المنشور، إلى إبلاغ شركات التوزيع باتخاذ إدارة الصيدلة بوزارة الصحة الإجراءات القانونية
المتبعة نحو المخالف، بعد المدة المحددة.

«الصحة» تحظر تداول عقارين للأطفال بعد حدوث خطأ فني في تصنيعهما | أخبار الموجز


.

انا شايف الخبر انتشر زى اللسعه على الفيس

و طبعا انا عارف ان الكل قصده مصلحه و الاحتراس من الدواء به سم قاتل

و لكن يا جماعه مش كده

صحيفه ايه اللى بتاخد منشور وزاره الصحه و غيرها ماشافهوش

طيب انا هسألك سؤال (للجميع و لا اقصد صاحب الموضوع)

انت عمرك قبل كده بعد ما اشتريت زجاجه الدواء قريت الباتش او رقم التشغيله

طيب بلاش

تعرف تطلع هى فين اصلا على الزجاجه

------------

بصراحه قرفان من نوعيه تلك الاخبار , ممن يصنعها و حزين لانه سيسبب التخبط لناس غلابه مش فاهمه تاريخ الصلاحيه من رقم التشغيله

حاجه تقرف

اقتباس:

---

المشاركة الأصلية كتبت بواسطة mtak

انا شايف الخبر انتشر زى اللسعه على الفيس

و طبعا انا عارف ان الكل قصده مصلحه و الاحتراس من الدواء به سم قاتل

و لكن يا جماعه مش كده

صحيفه ايه اللى بتاخد منشور وزاره الصحه و غيرها ماشافهوش

طيب انا هسألك سؤال (للجميع و لا اقصد صاحب الموضوع)

انت عمرك قبل كده بعد ما اشتريت زجاجه الدواء قريت الباتش او رقم التشغيله

طيب بلاش

تعرف تطلع هى فين اصلا على الزجاجه

------------

بصراحه قرفان من نوعيه تلك الاخبار , ممن يصنعها و حزين لانه سيسبب التخبط لناس غلابه مش فاهمه تاريخ الصلاحيه من رقم التشغيله

حاجه تقرف

---

أشهد الله انه ما دفعنى لنشر الخبر إلا التحذير .

( اللى يعرف يقرأ الخبر على النت مش بيعيد يعرف يقرأ رقم التشغيله على علبة دوا و كمان يقدر يحذر المقربين له ) .

عن نفسى . . عملت مراجعة لما لدى من أدويه . . و مخسرتش حاجه خالص .
.

من باب الامانه وجدت صوره تقول انها المنشور

https://fbcdn-sphotos-f-a.akamaihd.n...94319251_n.jpg

و لكنى ايضا بحثت فى موقع وزاره الصحه و فى موقع الدواء و لم اجد اى كلام عن هذا الموضوع

EDA Home Page

و لم اعرف ما الخطر من هذا

يا ريت حد من الصيادله الكرام يوضح لنا هذا الموضوع


اعتذر عن سخونتى فى الرد السابق و ان كنت ما زلت متبنى نفس وجهة نظرى الى ان يثبت العكس

----------
ارجو ملاحظه ان التقرير منذ اكثر من 17 يوم

اقتباس:

---

المشاركة الأصلية كتبت بواسطة mmolazem

أشهد الله انه ما دفعنى لنشر الخبر إلا التحذير .

( اللى يعرف يقرأ الخبر على النت مش بيعيد يعرف يقرأ رقم التشغيله على علبة دوا و كمان يقدر يحذر المقربين له ) .

عن نفسى . . عملت مراجعة لما لدى من أدويه . . و مخسرتش حاجه خالص .
.

---

يا استاذ ملازم انا لم اشكك قط فى نيتك و غرضك الشريف و لم اظن و لو واحد فى الالف فى صدق نيتك

يعني المشكلة هتكون فالتشغيلة دي فقط ؟

فين احمد فارمااااا :d

هو مش مفروض حاجة زى ديه وزارة الصحة تطلع تعلنها بنفسها و تعمل اعلانات توعية فى التلفزيون و فى كل حتة ولا ايه ؟؟

يعنى مستنيين جريدة غير رسمية تاخد نسخة من المنشور عشان الناس تعرف !!

في السعودية
من حوالي 4 شهور تقريبا حصل ان في مشكلة شك في احدى تشغيلات حليب اطفال مشهور .
دور وزارة الصحة الفعال
طبعا لاجرائد ولا اعلام ولا اي حاجة
منشور صغير من وزارة الصحة لجميع الصيدليات بوقف بيع الحليب تماما اي كان رقم التشغيلة
وامر ارجاع كل البضاعة الموجودة في جميع صيدليات المملكة للشركة لحين انتهاء الفحص والتأكد من خلوها من اي مخاطر
وفعلا تم وقف الحليب تماما واي صيدلية يتوجد عندها الحليب ده خلال فترة الحظرغرامة 100 الف ريال
وتم تفعيل القرار وبعض الصيدليات علقت تنويه عندهم على انه وقف البيع نتيجة اوامر وزارة الصحة
وبعد كل ده طلع خلو المنتج بالكامل والتشغيلة اللي كان عليها المشكلة من اي مخاطر او مشاكل