لو مش عجبك الشغل فى الحكومة قاعد فيها ليه

طبعآ من العنوان انا بقصد الاضرابات اللى بتحصل فى البلد من جميع موظفى الحكومة و قطاع الاعمال بجد بقت حاجة تنرفز طيب انتا يا استاذى على الاقل ضامن مرتبك حتى لو قليل فى اخر الشهر و حتى لو مشتغلتش اصلا اومال بتوع القطاع الخاص يعملوا ايه اللى فى اى وقت ممكن صاحب الشركة او المصنع يمشيه و فى ظل الظروف اللى البلد فيها انتا بقى على الاقل بتاخد مرتبك اخر الشهر حتى لو شركتك او مصنعك بيخسر و لا كمان بتطالب بارباح و حوافز مش عارف اصراحة اقول ايه طيب يا اخى لو انتا شايف الحكومة ظالماك قاعد ليه ما تقدم استقالتك وروح اشتغل فى القطاع الخاص

اى دوله النهاردة اصبحت تتجهه للقطاع الخاص لآنه مبنى على راتب مقابل مجهودك وانتاجك فى العمل .. الحكومه والعمل الحكومى فاشل وعلى الدوله وهى فرصه الان بتخفيض اعداد موظفين الدوله الى اقل عدد ممكن وعندك اسباب منها تتحرك
المضربين برة ويروح يشوف قطاع خاص يعطيه راتب مقابل مجهودة
كل من له عمل خاص .. عيادة - دروس خصوصيه - الخ
النقل العام حوله لقطاع خاص وافرض نظام حلو كل 3 سنوات بمناقصات وقسم القاهرة والاسكندريه لعدد من الشركات وليس شركه واحدة لمنع الاحتكار ولا تضع البيض فى سله واحدة .. شرطك اتوبيسات جديدة بلون محدد مسبقآ وخدمه عاليه والشركه التى تثبت عدم جدارة لن يتم التجديد لها
القطارات حوله لشركات قطاع خاص للتشغيل والانتفاع بشكل يفيد الاطراف والمواطن بخدمات عاليه

اقتباس:

---

المشاركة الأصلية كتبت بواسطة elewey

طبعآ من العنوان انا بقصد الاضرابات اللى بتحصل فى البلد من جميع موظفى الحكومة و قطاع الاعمال بجد بقت حاجة تنرفز طيب انتا يا استاذى على الاقل ضامن مرتبك حتى لو قليل فى اخر الشهر و حتى لو مشتغلتش اصلا اومال بتوع القطاع الخاص يعملوا ايه اللى فى اى وقت ممكن صاحب الشركة او المصنع يمشيه و فى ظل الظروف اللى البلد فيها انتا بقى على الاقل بتاخد مرتبك اخر الشهر حتى لو شركتك او مصنعك بيخسر و لا كمان بتطالب بارباح و حوافز مش عارف اصراحة اقول ايه طيب يا اخى لو انتا شايف الحكومة ظالماك قاعد ليه ما تقدم استقالتك وروح اشتغل فى القطاع الخاص

---

الوضع فى الحكومة زى الزفت انا والدى كان مهندس فى الاسكان دلوقتى هو على المعاش
والدى كان مرتبه من حوالى 10 سنين لما كان لسه بيشتغل كان 280 جنية كنت باخد انا ساعتها مصروف شهرى 100 جنية دلوقتى معاشه 350 جنيه لولا ان والدى عنده مكتب استشارى هندسى ولولا ان والدى من اسره ميسورة و عنده عقارات كنا حناكل ازاى بال 300 جنيه و المفروض ان الهندسة من كليات القمة
كتير من زمايل والدى كانو مختلسين ووالدى رفض كذا منصب كبير ولما كنت بعترض يقولى علشان انا شريف لازم ارفض اقوله اقبل المنصب و نظف المكان يقولى لو انا مسكت و مسرقتش حتحبس علشان فى ناس عايشه من ورا السرقة ومش حيسيبونى فى حالى .
لما يكون ناس فى الحكومة بتعمل اضرابات لانها فعلا مش عارفه تعيش بمرتبها الحلال علشان اهلها مش سايبين ليها حاجه
متجيش انت تقول كمان يروحوا يشتغلو فى القطاع الخاص

احيانا الحكومة يبيقي افضل من الخاص

اقتباس:

---

والدى كان مرتبه من حوالى 10 سنين لما كان لسه بيشتغل كان 280 جنية كنت باخد انا ساعتها مصروف شهرى 100 جنية دلوقتى معاشه 350 جنيه

---

ده 280 ده اساسى انما بالزيادات هيعدى الالف ونص
والمعاش ده 380 مش منطقى ابدا

اقتباس:

---

المشاركة الأصلية كتبت بواسطة beshomilan

ده 280 ده اساسى انما بالزيادات هيعدى الالف ونص
والمعاش ده 380 مش منطقى ابدا

---

اوافقك الرأي

بصوا يا جماعة بما انى بقالى 12 سنة شغال فى الحكومة فانا اقدر اقول ان شغل الحكومة دا من اسوء الشغل الللى فى الدنيا ليه بقى ؟
اقولك انا خريج مدارس لغات و خريج كلية ادبية محترمة لما تروح تشتغل شغل حكومة بالمؤهلات دى يبقى انت بتدفن نفسك فى التراب ، ليه بقى ؟
اقولك علشان شغل الحكومة مفيهوش اهتمام بتنمية مواهبك و لامهاراتك او انك تاخد كورس على حسابهم او انه تعلمك حاجة جديدة و بعدين فى شغل زى مفيش يعنى ، فمعظم الناس اللى فى الحكومة مش بتبص انها تتطور نفسها او تشتغل بضمير لانه عارف انه فى اخر الشهر مرتبه نازل نازل ، فميش مشكلة بالنسباله فهى دى ميزة الحكومة الوحيدة انك متثبت و بتاخد مرتبك كل اول شهر .

انا الحمد الله بحضر الدكتوراه في القانون الدولي حاليا وجالي تعين الحكومه ضمن تعين حمله الماجستير والدكتوراه جالي التعيين في التموين او الصحه او الشباب والرياضه طبعا ماقدمتش اصلا ورقي تعب السنين لقيته هايضيع

اقتباس:

---

المشاركة الأصلية كتبت بواسطة mohkhattab

بصوا يا جماعة بما انى بقالى 12 سنة شغال فى الحكومة فانا اقدر اقول ان شغل الحكومة دا من اسوء الشغل الللى فى الدنيا ليه بقى ؟
اقولك انا خريج مدارس لغات و خريج كلية ادبية محترمة لما تروح تشتغل شغل حكومة بالمؤهلات دى يبقى انت بتدفن نفسك فى التراب ، ليه بقى ؟
اقولك علشان شغل الحكومة مفيهوش اهتمام بتنمية مواهبك و لامهاراتك او انك تاخد كورس على حسابهم او انه تعلمك حاجة جديدة و بعدين فى شغل زى مفيش يعنى ، فمعظم الناس اللى فى الحكومة مش بتبص انها تتطور نفسها او تشتغل بضمير لانه عارف انه فى اخر الشهر مرتبه نازل نازل ، فميش مشكلة بالنسباله فهى دى ميزة الحكومة الوحيدة انك متثبت و بتاخد مرتبك كل اول شهر .

---

وهى دى بالضبط النقطة اللى انا بتكلم عنها ما دام انا ضامن مرتبى اخر الشهر يعنى شغال زى قاعد مش حتفرق كتير ودة السبب الرئيسى ان معظم شركات القطاع العام بتخسر مفيش تطوير مفيش تسويق و لا افكار جديدة وعلى فكرة فى بعض الشركات بتحاول تطور عن طريق مثلا استخدام بعض برامج الكمبيوتر بدل الدفاتر لكن تلاقى الموظف و خصوصآ الناس القديمة مبتعرفش تستخدم الكمبوتر و لا حتى عندة استعداد يتعلمه و يتعلم و يتعب نفسه ليه ما هو حيقبض اخر الشهر بردة ايه الفرق بقى

بص يا باشا سبب الاضرابات دى كلها هى عدم وجود عداله اجتماعيه
كله بيبص لبعض
يعنى لما يبقى الطبيب و الصيدلى بياخد 1200 جنيه مرتبه شامل الحوافز و كل حاجه و يبقى العامل فى بنك بياخد 3000 جنيه وصول الشرطة 3500 جنيه و وكيل النيابه بيبدا من 5000 جنيه وسواقين الاوتوبيسات بيبدا من 3000
يبقى فين العداله
لما يبقى واحد معاه دبلوم تجاره و معاه واسطه واشتغل فى الكهرباء وهو طالع معاش بياخد 300 الف جنيه و بدل اجازات 240 الف جنيه و ييجى الدكتور ولا المدرس الى طالع على المعاش ياخدله 40 الف جنيه اذا كملهم بالاجازات بكله ده يبقى ايه
على فكره انا طبيب والله العظيم ما عندى عياده ولا فيه وقت لعياده اصلا لانى عندى شغل يوميا فى المستشفى و نباتشيات وسهر مع رساله ماجستير ومذاكره
انا لو فاتح عياده و بكسب منها كويس هعمل اضراب واحتج ليه ؟
اطباء التكليف الى اول ما بيتعينوا بيتغربوا عن بلادهم الى بيروح سينا و الى بيروح المنيا و الى مجموعه كويس شويه بيتوزع فى قرى المحافظه الى هو منها هيفتح عياده ازاى ؟
على فكره برضه اجنا اقل مرتبات فى الدوله دلوقتى
وعلى فكره رئيس الوزارا امبارح اجتمع مع لجنه الاضراب وقال مفيش فلوس و استنوا 3 شهور
و على فكره برضه اتحدى اى حد يثبت انه الى احنا فيه ده اضراب اصلا الدكاتره بيشتغلوا نفسهم

اقتباس:

---

المشاركة الأصلية كتبت بواسطة beshomilan

ده 280 ده اساسى انما بالزيادات هيعدى الالف ونص
والمعاش ده 380 مش منطقى ابدا

---

اقسم بالله العظيم ان 280 ده كان المرتب شامل كل حاجه وكمان والدى فى فترة كان بيسافر كل يوم من المنصورة لكفر الشيخ . لو حسبنا مصاريف العربية لوحدها من بنزين و زيت فعلا كان والدى بيصرف من جيبه الحمد لله ان والدى عنده مكتب استشارى هندسى .

اقتباس:

---

المشاركة الأصلية كتبت بواسطة ahmed abdkarim

اقسم بالله العظيم ان 280 ده كان المرتب شامل كل حاجه وكمان والدى فى فترة كان بيسافر كل يوم من المنصورة لكفر الشيخ . لو حسبنا مصاريف العربية لوحدها من بنزين و زيت فعلا كان والدى بيصرف من جيبه الحمد لله ان والدى عنده مكتب استشارى هندسى .

---

ماشى يا استاذى انا مصدقك قولى بقى سبب واحد هو كان متمسك بيها ليه اصلا ما دام بيدفع من جيبه عارف ليه عشان الشعب المصرى كله ماشى بمبدأ ان فاتك الميرى