تأخير دواره واستهلاك بنزين

**محمد العقابي** · 10-03-2014 07:53 AM

السلام عليكم ورحمة الله وبركاته

انا عندي مشكله في العربيه تاخير في الدواره سواء كانت مركونه كتيير او حتي لو ركنتها ساعتين تلاته . وتاخير الدواره ده عيب جديد لا يزيد عن شهرين فقط ..

وفي برده استهلاك عالي متوسط 150 ك للصفيحه طوالي ولو زحمه بيزيد الاستهلاك شويه . بس العيب ده من ساعة مجبت العربيه .

بعد قرائتي للمواضيع وخصوصا مواضيع الاستاذ محمد ممدوح ... فتقريبا العيب الاساسي ممكن يكون رشاشات .

السؤال بقه ازاي اقدر اجزم بنسبة كبيره انه العيب رشاشات . هل هناك اختبار معين للتاكد مثلا . او ايه الاعراض الكامله لتلف الرشاشات .

ثانيا عاوز اعرف ازاي افك الرشاشات علشان اعرف نوعها او ابعتها للتنظيف . ( نوبيرا 2 2001 مكنه 1600 ) .

ثالثا لو حغيرها لرشاشات bmw m40 هل هي موجوده جديده افضل ولا الاستيراد افضل . مع العلم انه معظم حاجة الاستيراد بقت غاليه وبيبالغو في اسعارها . وكده كده لازم اوديهم يتنضفوا بالالترا سونيك بعد ما اشتريهم يعني لو عملنا متوسط ((( 250+100تنتظيف=350 )) ........... وكم سعرها جديده واجيبها منين .

**amr elsisi** · 10-03-2014 08:56 AM

رشاشات وبلا شك
جرب حط منظف stp الاسود
وامشي مشوار سفر وتحريق غيارات
وبعد كدة غير بوجيهات وفلتر بنزين
لو لسة فكهم واكشف عليهم الاول ونظفهم وعايرهم
وبناءا علية تعرف يتغيرو ولا لأ

**محمد العقابي** · 24-03-2014 05:40 AM

المشاركة الأصلية كتبت بواسطة محمد العقابي

ثالثا لو حغيرها لرشاشات bmw m40 هل هي موجوده جديده افضل ولا الاستيراد افضل . مع العلم انه معظم حاجة الاستيراد بقت غاليه وبيبالغو في اسعارها . وكده كده لازم اوديهم يتنضفوا بالالترا سونيك بعد ما اشتريهم يعني لو عملنا متوسط ((( 250+100تنتظيف=350 )) ........... وكم سعرها جديده واجيبها منين .

????????????????

**MMamdouh** · 24-03-2014 06:15 PM

طقم رشاشات البى ام جديد ب1800 جنية

MMamdouh

**starlanos** · 25-03-2014 12:00 PM

المشاركة الأصلية كتبت بواسطة م أحمد

تغيير فلتر قبل التنظيف و فلتر بعده

و التنظيف الموضعى للرشاشات افضل

طب اغير فلتر بعد ماشي طب قبل ليه

**starlanos** · 25-03-2014 12:01 PM

المشاركة الأصلية كتبت بواسطة م أحمد

تغيير فلتر قبل التنظيف و فلتر بعده

و التنظيف الموضعى للرشاشات افضل

فلترين يعني 50ج ومنظف قول30 لبقي80ج كده افضل ولا تنظيف ب100

**a7med.7assan** · 29-03-2014 01:22 PM

سيدى الفاضل
كان عندى نفس المشكله ان كل العربيه ما بتبرج بتتأخر فى الدواره اكتر.... لحد ما بسيبها من بليل للصبح لازم ادورها 3 - 4 مرات عشان تقوم... وسالت كتير وقالولى رشاشات ولفيت وطلع تكاتيكى ورحت نضفت الترا سونك عند مدحت اللى فى المعادى ... وبرده نفس العيب ... لحد مالاستاذ طارق عبد السلام هنا فى المنتدى واستاذ هانى من قسم سكودا .. قالولى دى مشكلة طرمبه بنزين ... وغيرتها فعلا بوحده استيراد .. والمشكله انتهت تماما ما شاء الله... بدور دلوقتى من غير محط المفتاح فى الكونتاكت اصلا (: ياريت تتاكد من الطرمبه من خلال ميكانيكى فاهم عشان يقدر يشوف ضخ البنزين سليم ولا لاء لان ضعف الضخ بيعمل تأخر دواره... وسيبك من اللى يقول الطرمبه يا بيظه يا شغاله .. لا ياباشا فى حاجه اسمها طرمبه ضعيفه .. ضخها ضعيف ومش عارف ايه سبب ضعف الطرمبه ده فى ناس بتقول البليه بتاعت الطرمبه لما بتبرد بتركن وكلام غريب كده انا مش فهمه اوى ... لكن قبل متلف ورى تنضيف الرشاشات اكد ع الطرمبه وان شاء الله هتدعيلى