بعد العفشه والميكانيكا .. ندخل على السمكره والاضاءه
تم التغيير بنجاح ساحق والحمد لله
والفضل من عند الله ثم من الاستاذ عصام والاستاذ محمد ممدوح
والعمل كامل شغل يدوى بدون صنايعى ولا بتنجان
تم تغيير لمبات العداد بلدين ابيض ولدين ازرق ( الكارت فيه لمبتين كل لمبه 10 ليدات الكارت بـ6 جنيه )
وتم تغيير النور للفانوس الامامى باللون الازرق والشكل روعه
وتم تغيير لمبه الصالون بليد 36 ... وتم تفييم كفر لمبه الصالون باللون الازرق الشفاف(الليد بـ10 جنيه )
وتم تغيير ليدات النمر الخلفيه باللون الازرق الكارت ابو لمتين اللى فوق
وتم تغيير نور الشنطه بالليدات بس الكارت اللى هو عامل زى لمبه الصالون اللى فوق دا وعدد الليدات 18 ليد .. ولزقته بضبل فيس من بره على الفبره البلاستيك وفيمته أزرق برضو
تم تركيب شريط ليدات بمفتاح تلاجه كشرح الاستاذ عصام غنايم وتركيب اضاءه ايضا للدرج اسفل الكاسيت باللون الازرق ( بـ 5 جنيه الشريط 30 سم )
فبره التكييف مدوخانى علشان اعرف اغير اللمبات لأن اللمبات مزنوقه جدا بتاعتها بس هافضل وراها
وتم فك الفانوسين الامامى ( الفبر الخارجى اللى هو وش الفانوس فقط ) بعد عذاااااااااااب وتم رش البرواز الداخلى باللون الاسمر ..(وللعلم الشكل النهائى فوق الروعهعلبه الاسبراء بـ 7 جنيه )
وتم ايضا فك الشبكه الاماميه وإضافه سلك الحلاوه كشرح الاستاذ محمد ممدوح ولكن عملته ضبل وسيبت الحته اللى فى النص اللى هى شكل علامه الدايو دى وعليها السلك ( السلك مترxمتر بـ 7 جنيه )
تم تركيب انذار كامل ( بصراحه هو جاى فى العربيه ) وزودت عليه فتح الشنطه بالريميوت ( الكوز بـ15 جنيه )
يبقى السمكررررررررررررررره والرش اللى موال مستنيه او بمعنى اصح مش لاقى ليه وقت
ويلى السمكره والرش التالى :-
تركيب صدادات للباب أزرق أسفنج مضغوط كدا ( السعر 8 جنيه اربعه فى كارت صغنتتين كدا وشكلهم رايق جدا )
تركيب مقبض فتيس مومو بلون أزرق ( اللى يشتريه يشترى التقيل وسعره 20 جنيه )
عزل الارضيه والشنطه وتركيب الجلد الخارجى ازرق فى اسود .. بجلد تقيل ( لسه هجيب سعره النهارده )
اشتريت كلمه لانوس بدل ماشترى فانوس الاستوب ودى بتتلزق على الزجاج الخلفى وبتنور مع الاستوب بمنظر جمالى ازرق فى احمر واضاءه متغيره ( الكلمه نفسها بتنور وسعرها 20 جنيه ومعاها جهاز تشكيل الاضاءه دى بقى مستنى اشوفها لما تركب هاتبقى ايه حاسس انها حاجه نضيفه على فكره )
تركيب ريش المساحات ( طقم فى علبه بـ 20 جنيه )
تركيب كسوه داخليه ازرق فى اسود .. ثم عرقات أزرق فى اسود ( منتظر السعر عند الشراء )
تم شراء حامل جاكيت البدله ( محامى بقى السعر 25 جنيه )
تم شراء سوستتين كدا منظر جمالى بيتحطوا فى الدراعات بتاعه مسند الراس فى الكرسي ( 8 جنيه )
تم شراء 3 قطه جلد فى حديد بيركبو فوق الدواسات بتاعه البنزين والفرامل والدبرياش (30 جنيه )
تم شراء ساعه التابلوه ولكن مش لاقى ليها الفيشه بتاعتها (70 جنيه من كدش )
والبقيه تأتى عندما يضاف جديد
سعر رشاشات بى ام دابليو كام حاليا ؟؟
نصحونى كتير بإكصدامات صيني (وفيه محل عندنا عنده الصيني دا وبياخدوه الناس تبيعه على انه تيوانى لإنه نضيف جدا جدا جدا ) نشترى ولا نستنى اصلى او تيوانى ؟؟
الكبلات الارضى زى الاستاذ محمد ممدوح ماهو عامل .. مين اللى بيعملها الميكانيكي ولا الكهربائى؟ ؟
الصور بعد السمكره وتركيب جميع الكماليات والله الموفق
[طلب من الاعضاء وصغير جدا
عندما يذكر مشكله واجهت احد الاعضاء ويتم الرد عليها بالمشاركات .. يرجى ان يضع صاحب الموضوع الحل النهائى بعد اكتشافه
لأن بصراحه الناس بترمى موضوع بمشكله والاعضاء تشاركه فى المشكله وحلها وبعدين لو حل المشكله مش بيقول ولو قال بيقول المشكله اتحلت والحمد لله ( كدا بيداروا العين ولا ايه ؟ )[/color]
والله الموفق والمستعان
