الذهاب الي مصر الجديدة من مدخل القاهرة

**Ahmed ZeidaN** · 10-03-2014 10:28 AM

أريد ان اذهب إلي مصر الجديدة من مدخل القاهرة

**ethooo** · 10-03-2014 10:51 AM

ياريت توضح حضرت قدام من اي مدخل علشان نقدر نساعدك وكمان عايز تروح فين في مصر الجديدة

**tameraast** · 10-03-2014 11:01 AM

من مدخل القاهره الزراعى
هتخش يمين تكمل على الكرنيش طوالى
بعد الاذاعه و التلفزيون بشويه هتلاقى دخله شمال
متطلعش الكوبرى كمل من تحت و لف الصنيه خلى مدخل التحرير على يمينك هتلاقى طلعه كبرى اكتوبر اتجاه مصر الجديده
اطلع
كمل على اكتوبر لنزله العروبه بعد نزله الحدايق
كمل فى صلاح سالم هتقابل نفق انزله و كمل هتلاقى كوبرى العروبه متطلعوش انزل من تحته كده انت فى مصر الجديده شوف بقى عايز تروح فين

**Ahmed ZeidaN** · 10-03-2014 11:02 AM

شكرا علي الرد
القادم من طريق الاسكندرية الصحراوي
وذاهب إلي شارع محمد متولي الشعراوي

**romieh** · 10-03-2014 11:19 AM

لو شارع محمد متولى الشعراوى اللى فى مساكن الشيراتون يبقى الاسهل ليك الاتى:

بعد لما تعدى البوابات فى طريق الصحراوى تطلع المحور (تنزل من تحته وتطلع الطلعة اللى بعديه على طول علشان تطلع اتجاه ميدان لبنان)

تفضل مائى فى المحور لحد لما يقابلك الدائرى تطلعه (برضه تنزل من تحته وتطلع الطلعه اللى بعديه علشان تروح اتجاه شبرا الخيمة والسلام)

هتفضل ماشى فى الدائرى شوية حلوين لحد لما تلاقى نزلة المطار أو جسر السويس من عند موقف العاشر - تنزلها وتكمل على طول

بعديها على طول هتلاقى كوبرى المطار تطلعه - الكوبرى هيلف بيك شمال وبعدين يمين ينزلك فى شارع واسع اسمه جوزيف تيتو

اخر شارع جوزيف تيتو هتلاقى على الشمال كوبرى (لسه معمول جديد) اطلعه وهتنزل منه وتكمل على طول هتبقى فى مساكن الشيراتون تسأل على المكان اللى انت رايحه

توصل بالسلامة ان شاء الله