الايمجراند 7 ولا البي واي دي f3

**dedi** · 18-03-2014 01:32 AM

المشاركة الأصلية كتبت بواسطة bassem.naguib

علشان خاطر عيونك أنت بس .. وحصري ليك أنت بس صورة واقعية من جوه .. ومش حتتكرر تاني لغاية ميعاد نزولها إن شاء الله .

والسعر لسه متحددش بشكل نهائي حتى الآن .. والسيارة في طور التجارب النهائية قبل طرحها في الأسواق قريباً .

اية الكلام الكبير دة ربنا يخليك يا باشا ومتشكر لزوقك
بس اية الشغل الجامد دة دية شكلها من جوة رائع اخبار شكلها اية من برة يارب يكون حلو
كنت متخيل انهم هاينزلوها فى المعرض دة

**الحجـــاج** · 18-03-2014 08:26 AM

المشاركة الأصلية كتبت بواسطة dedi

اية الكلام الكبير دة ربنا يخليك يا باشا ومتشكر لزوقك
بس اية الشغل الجامد دة دية شكلها من جوة رائع اخبار شكلها اية من برة يارب يكون حلو
كنت متخيل انهم هاينزلوها فى المعرض دة

بصراحة العربية جميلة جدا شبة الكورولا بس جنان يارب ميكونش السعر غالي والاهم ميكونش فيها عيوووب كبيرة زي الايمجراند

واعتقد الشكل الداخلي ده هيكون الخارجي بتاعة g3

**geley_cola** · 22-03-2014 02:27 AM

أنا كنت حشتري امجراند وكنت رايح ادفع واستلم وتغاضيت عن مشاكل كتير فيها لحد ما عرفت بمشكلة الصدأأأأأأأ وكانت هي القشة التي قضمت ظهر بعير وبفضل الله اشتريت لانوس بالرغم من انها سيارة فقيرة في الإمكانيات والرفاهية
ولكن بي واي دي ممتازه لو انت من القاهرة لان كل الميكانيكية بيشتغلوا فها وعارفينها
ولكن اللي في المحافظات معندهمش حد يشتغل فيها

ولو حضرتك حتشتري عربية وتبيع بعد كام سنة يبقى هات لانوس او فيرنا
ولو حتشتري ومش ناوي تبيع يبقى ممكن بي واي دي وخصوصاً ان موتورها وفتيسها متسوبيشي

وفي الأول وفي الأخير أعمل زيي وصلي استخارة كذا مره
وربنا حيهديك للصواب

**الحجـــاج** · 24-03-2014 08:23 AM

المشاركة الأصلية كتبت بواسطة geley_cola

أنا كنت حشتري امجراند وكنت رايح ادفع واستلم وتغاضيت عن مشاكل كتير فيها لحد ما عرفت بمشكلة الصدأأأأأأأ وكانت هي القشة التي قضمت ظهر بعير وبفضل الله اشتريت لانوس بالرغم من انها سيارة فقيرة في الإمكانيات والرفاهية
ولكن بي واي دي ممتازه لو انت من القاهرة لان كل الميكانيكية بيشتغلوا فها وعارفينها
ولكن اللي في المحافظات معندهمش حد يشتغل فيها

ولو حضرتك حتشتري عربية وتبيع بعد كام سنة يبقى هات لانوس او فيرنا
ولو حتشتري ومش ناوي تبيع يبقى ممكن بي واي دي وخصوصاً ان موتورها وفتيسها متسوبيشي

وفي الأول وفي الأخير أعمل زيي وصلي استخارة كذا مره
وربنا حيهديك للصواب

شكرا علي النصيحة

لكن انا معايا حاليا لانوس واكيد عايز اغير علشان تعبت منها والانوس مش حلوة زي منتا فاكر كده انا مش بعقدك فيها ربنا يباركلك بس فعلا العربية متعبة في سوقتها وواطية خالص وسحبها ضعيف خصوصا لو محمل ورا وبتخلي شكل الواحد وحش خالص في المشاوير العائلية خصوصا في المطبات العالية الي مالية البلد

بس العربية بصراحة انا شايف فيها 3 مميزات بس
- اعتمادية تستحمل بلاوي الشارع
- قطع غيار رخيصة ومتوافرة
- اعادة بيع كويسة وساهلة

عموما هستني البي واي دي الجديدة ونشوف وربنا يسهل الامور