الموضوع: توفير البنزين

بعد ما قريت الموضوع العظيم ل Yarisawy و دا لينك الموضوع بتاعه عن طرق توفير البنزين

http://www.nilemotors.net/Nile/40209-a.html

في نقطة احب اقولها تبع طرق التوفير الخطرة اللي كان كاتبها في الاخر

و دي خطورتها مش في تحكمك في العربية و لكن سرعة رد الفعل اذا حدث تغير مفاجيء

ببساطة الطريقة تعتمد علي الaerodynamics بمعني و انتا علي طريق سفر و في هواء شديد فا تمشي ملاصق للعربية اللي قدامك و طبعا لازم تكون شايف الطريق كويس و الا ماتعملهاش عشان لا قدر الله بدل ما كنت عايز توفر في البنزين هاتبقي بتدور ازاي توفر في تكاليف السمكرة و الرش و ربنا يستر علينا كلنا

المهم ايه فايدة الحركة ديه ؟ لان مقاومة الهواء بتبقي عالية ضد العربية (في حالة لو الهواء المعاكس شديد طبعا) و دا يؤدي الي استهلاك بنزين اكتر لذلك ملاصقتك للعربية قدامك هايخليك تشيل جزء كبير من مقاومة الهواء علي عربيتك

بالمناسبة بيتم استخدامه في السباقات لتجميع سرعة بطريقة افضل .. نصيحة اخيرة ماتعملهاش مع اي عربية في الطريق عشان مايفتكركش حرامي حاول علي قد ماتقدر تكون مع واحد صاحبك علي الطريق مثلا

في الاول و الاخر معلوماتي دي من واقع خبرتي المحدودة و قد تكون خاطئة لذلك اتمني محدش يتضايق من اللي انا كاتبه و يحاول يصلحهولي اذا كان فيه خطأ

بالمناسبة دا اول موضوع ليا في المنتدي العظيم ده

انا عايز اقول لحضرتك انا كتبت الموضوع ده عشان اعرف اراء حضراتكم و استفيد منها اكتر من الموضوع نفسه و قد كان

بجد شكرا لحضرتك علي المعلومات القيمة دي و فعلا انا كتبت انه مش هروح اعملها مع اي عربية ماشية في الطريق و خلاص و انه يفضل يكون صديق و لكن في الاول و الاخر ربنا يستر علينا و هيا حركة ممكن اضرارها تكون اكتر من فوايدها

شكرا ليك