بسم الله الرحمن الرحيم
معايا v5 حاسس انها معوقه من سرعة صفر الي تمانين ومن بعد كده تجمع وتجري ايوه ثباتها ممتاز في الغرز بس انت وحظك انك تكمل غرزتك عقبال هي ماتفهم انك عايز تشد مش عارف هتجنني ومش عارف اعمل ايه يا تري أصحاب نفس السياره أخبارها ايه
عرض للطباعة
بسم الله الرحمن الرحيم
معايا v5 حاسس انها معوقه من سرعة صفر الي تمانين ومن بعد كده تجمع وتجري ايوه ثباتها ممتاز في الغرز بس انت وحظك انك تكمل غرزتك عقبال هي ماتفهم انك عايز تشد مش عارف هتجنني ومش عارف اعمل ايه يا تري أصحاب نفس السياره أخبارها ايه
العربيات سعر suv كلها كدا ولا هية محصلة عربية سيدان ولا جيب و عموما لو انت كنت بتسوق عربية فيها طابع رياضى وبعد كدا سوقت عربية suv هتحس بفرق اووى قى الثبات و التسارع و الجرى العربية تميل اكتر الانها تكون عربية عائلية
ماتقولش علي نفسك كده انت جميل ههههههه لا هي فعلا تقيله ف التجميع تحت ال 80 بس حاول كده تبقي تدوس بنزين زياده شوية طالما تجميعها تحت ال 80 ضعيف
بس هي مش بطيئة للدرجه دي جايز اه طلعتها ضعيفه لغاية 80 انما برده مش بتجاهد اوي طب بتحطلها بنزين ايه؟
عندك حق والله بالذات معظم ال suv ال 1600 سي سي يايزبطوه بتيربوا ياينزلوها 2000 سي سي بس طبعا هيزيد سعرها جدا عشان دي شريحه تانية من الجمارك لكن هل باقي العربية كويس زي التقفيل والفرامل والباور والصيانة وخاصة ف جسر السويس هي عربية حضرتك موديل كام ؟
علي كده ايام التليين كانت بتزحف مش بتمشي لان السحب بيبقي لسه مااتضبطش
نفس الاحساس،العربية لسه زيرو معملتش الالف لسه بس حاسها مش بتجمع خالص سرعة بس لما بيتنفخ في صورتها و توصل للمية بعد كده بتفتح..قلت عشان بس لسه بنقول يا هادي بس واضح ان الموضوع هيستمر و بالنسبة للمنظر اللي تحت الطارة طبيعي ان يكون كله باين كده؟ انا اتخضيت اول مرة شفته
العربيه دي عايزه عنف علي الاكسراتير ومتخافش علي الموتور لان الار بي ام هيوصل لمرحله معينه ويتم الغيار للنقله التاليه
يعني عايزه قلة ادب عشان تجري
علي فكرا عن تجربة لو مش ضغط الكاوتش مظبوط الكتروني في الاربع فرد
العربية سحبها بيختلف خالص من الصفر لحد 100
العربية بتجمع بسرعة كبيررة جدااااااااااااااااااااااا ااا لو الضغط مظبوط كويس في الاربع فرد
من اقل دوسة علي الدواسة تلاقي العربية جربيت منك وتلاحظ نفسك علي 60-70
يا جماعه هيا ديما حاجه على حساب حاجه
لو عربيه بالوزن ده عاوزها تجرى وتشد هيبقى على حساب البنزين اللى المفروض يكون 95 مش 92 ده اولا
ثانيا حاول تسنظف بنزينه تمون منها
ضغط الكاوتش 32
البنزين 92
زيت الموتور شل هيلكس
العربية معاي هاي لاين ( الغيار لحد 40 بس بحس بطئ سنة )
غير كدا العربية سريعة في التجميع
حضرتك بتدوس علي الدواسة كويس؟ ولا مجرد محمل عليها؟؟
جرب تدوس عليها من فوق اكتر وشوف هتعمل معاك ايه
نفس الفرامل برضه لو دوست عليها من فوق اكتر هتلاقيها بتجمع معاك علي طول
علي فكرا موقف حصل معاي يوم الاحد الماضي ( كنت علي سرعة 80-90 )
المهم فرملت ( دوست علي الدواسة الفرامل من فوق ) العربية كلبشت في الارض
كانت حادثة اكيييييد . لحد دلوقت مش مصدق الحمد لله لسه في عمر
وربنا يطلعنا من البلد دي علي خير بطرقها الزبالة
ويا ريت تشاركنا برضه ( هل في تغيير لو دوست علي الدواسة من فوق) سواء فرامل او بنزين؟
شكرا
الله يكون فى عونك
انا ركبت ال v5 بتاعت صاحبى ومش شايف اى مشكله فى تجميعها بس من كلامك انا فهمت المشكله
بص يا باشا انت لما بتدوس على الدواسه من فوق بتقلل المسافه اللى رجلك بتدوسها يعنى دوسه اقوى ومدى اطول للبدال لكن العربيه ملهاش دعوه انت دوست من فوق ولا من تحت
وعلاج المشكله بسيط اوى هو انك تضرب واحده ديو وتجمد قلبك وتدوس على الدواسات اكتر شويه متطاوعش احساسك اللى بيقولك بلاش تدوس اكتر من كده وتحس رجلك اتحجرت
انا ملاحظ ان سحبها من الصفر مش ممتاز لكن جيد جدا من منطلق انى مش بحتاج اشد بسرعة من السكون
لكن ليها حل ان حضرتك تدوس على الدواسة للاخر او تبدا على ستيب ترونك m1