الموضوع: ازاي اخد رقم مميز لعربيتي من المرور

المشاركة الأصلية كتبت بواسطة shiko85

بس ده مرخص فوحده بتاعت الظباط, صح ؟

حقيقى معرفش بس اللى انا متأكد منه ان اى معرفه فى المرور وانت بترخص ممكن يديك نمرة مميزة

المشاركة الأصلية كتبت بواسطة eng wael

ياباشا انت مش من البلد دى ولا ايه
كوووووووووووووووووووووووو ووووووووووووووووووسه
انا اعرف واحد ابوة لواء ومعلق نمر ( مهم _ _ _)كبر مخك وكل اللى يجيبه ربنا كويس
ظبط نفسك فى نمرة الموبايل :-)

المشاركة الأصلية كتبت بواسطة shiko85

عايش بس مكنتش اعرف ان الكوسه اتطورت اوى كده

الله يطمنكوا :(

انا حجرب اعمل محاولة مع اللي حيعمل لي الملف .. حتى لو اخد خمسيناية مش حيبقى خسارة فيه ..

من كتر ماكنت بروح الوحدة عشان اخلص ورقي وكان الموظفين يضايقوني بدخل لرئيس الوحدة وهو يخلص لي الدنيا على طول بعيد عن وقفة الطوابير .. وهو كتر خيره بيتعاطف مع البنات وبيحاول يساعدهم فكنت بدخل له على طول فعرفني ولما روحتله اخر مرة وانا بنقل عربيتي من مرور فيصل لعبود وطبعا عارفين السحلة في مطابقة البصمة فراح منادي على الموظفين وخلص لي الليلة في نص ساعة .. لما والدي بيجدد رخصته اكتشفت ان الراجل دة مشي وانا كنت متكلة عليه عشان ترخيص عربية اختي الجديدة .. شكلي حشوف يوم زي الفل انا :(

المشاركة الأصلية كتبت بواسطة shiko85

رئيس الوحده بتاع مرور فيصل هو اللى اتنقل ؟؟

لا رئيس وحدة شبرا هو اللي اتنقل

المشاركة الأصلية كتبت بواسطة shiko85

مرور فيصل ده ظريف جدا ممكن الورق يخلص فنص ساعه و ممكن يخلص فيومين 3

لاااااااااااااااااااااااا اااااااااااااا

الا مرور فيصل

دة لوحده لعنة .. اومال انا نقلت العربية لمرور شبرا ليه

العربية الي معايا في الاصل عربية والدي وكان مديني توكيل عشان اجدد بيه وقت اللزوم وعشان بطاقة والدي على الهرم فكان مرخص في مرور فيصل

فروحت في المعاد عشان اجدد لقيت امم واقفين على اكشاك .. حاجة غير الي كنت متعودة عليها لما كنت في مرور شبرا ايام العربية القديمة

فضلت واقفة اليوم كله وماعرفتش اعمل ايييييييييييييي حاجة والطوابير كانت طالعة برة الوحدة اصلا لغاية الشارع رغم انه مش يوم اجازة .. وكان يوم تلات

رجعت البيت متغاظة وطبعا كلمت والدي قولتله كدة ماينفعش وحكيتله على الخناقات الي هناك واني واقفة اليوم كله من 8 ل 2 وماعملتش حاجة غير تصوير بطاقة وتوكيل

فاقترح عليا انقل الملكية خاااالص باسمي وارخص على شبرا احسن واروق شوية واعرف اسلك هناك وقد كان

بس شوفتلي يومين حلوين عشان اطابق البصمة .. وقبلها يوم بحاله عشان اطلع الملف في فيصل .. وبعدها يومين عشان ارخص في المرور الجديد .. في اخر اليوم لقيت الخزنة بتقفل وانا كنت فاكة النمر نزلت فيهم خناق ساعتها رئيس الوحدة خلى موظف الخزنة مايمشيش لغاية مانا والي معايا خلصوا ورقهم ودفعوا الفلوس واستلموا الرخص .. كانت الساعة بقت 6 المغرب

المشاركة الأصلية كتبت بواسطة shiko85

بابا كان بيجدد الرخصه هناك و علشان انا عارف البهدله اللى هناك قولتله تعالى معايا و انا هخلصلك كل حاجه و الحمد لله 30 دقيقه كان كل حاجه خلصانه

فعلا مشوار المرور دة علقة سخنة .. عشان اتفادى دة بقيت بفحص وارخص تلات سنين مش سنة ولا اتنين عشان تبقى علقة واحدة وماتتكررش كل سنة .. ربنا يعيننا جميعا على اليوم السقيل دة