الموضوع: باركولي اشتريت بولو 99

ألف ألف مبروك
عربيه محترمه جدا جدا

ربنا يديك خيرها ويكفيك شرها


أخوك
هشام

ألف ميروك ، ربنا يباركلك فيها
لو زي ما بتقول تبقي جميلة و ياريت تقوللي اشتريتها بكام والكماليات اللي فيها

فيه كذا واحد اشهرهم هريسة في محطة الرمل و انت ماشي في صفيه زغلول بعد سينما امير اول شارع شمال (امامه U turn و علي ناصيته محطة بنزين) و عنده كمان قطع الغيار

بالنسبة للزيت لازم تعرف الزيت اللي فيها نوعه ايه او علي الاقل من اي درجه (يعني بالنسبة لزيوت موبيل ، موبيل 1 و اللا xhp )
و خللي بالك ان رفع درجة الزيت غلط جدا
يعني لو العربية دايما فيها mobil xhp فلا تستخدم ابدا mobil 1

العربية دي ممتازة جدا و قطع غيارها غالية شوية و معمرة
خللي ايدك فيها علشان المشاكل متكبرش و تزيد مصاريف اصلاحها

الاخ العزيز معاذ الشرباصي خبير و رايه اكيد حيفيد اكتر
و الف مبروك

اولا شكرا على الردود والتهنئة وربنا يبارك فيكم وانا سعيد والله ان انتم فرحانين ليا
جزاكم الله خير
وعلى فكرة انا مش جامد قوي في السواقة ولو في حد عندة نصيحة ياريت ما يبخلش عليا

الاخ العزيز اللي ساكن في الاسكندرية العربية ليس فيها الا كاسيت سوني وسماعتين ولا يوجد كماليات اخرى وكمان كانت مرفوعة 3 سنين. انا خدتها بطلوع الروح ب 40 الف جنية يارب يكون سعر معقول

انا عارف هريسة بتاع محطة الرمل بس شكله كده اسعارة نار وو حتى بص للعربية حيقولي على الاقل 100 جنية!؟ ياريت تفيدني في المعلومة دي ولو كان في حد تاني كويس.

بالنسبة للزيت اللي في العربية اعرف نوعة ازاي؟؟؟

وشكرا
وفي انتظار المزيد من الاخوة

goodwave

السلام عليكم
أولا مبروك عليك البولو ثانى حاجة أنا من أول ما جبت عربيتى و أنا بتعامل مع هريسة اللى فى محطة الرمل , خدمتهم ممتازة و مش غالى زى مانتا فاكر و قطع غيارة أصلية بس مشكلته انه زحمه دايما

الف مبروك لحضرتك على العربية

ربنا يبارك لك فيها

مبدئيا, حضرتك لازم تغيير زيت و تكشف على زيت الفرامل و الفتيس, و السيور اهم حاجة

لأن العربية مركونة بقالها 3 سنين, و السيور دى مطاط, يعنى ممكن تكون متهالكة حاليا, و خطر جدا تمشى بسيور بايظة, بتبوظ الموتور

و انا تحت امرك فى اى حاجة

بس صراحة 40 الف كتير شوية, خاصة انها فاضية, يعنى من غير تكييف او باور او اى كماليات

كمان انت هتاخدها و تصرف عليها الاول, علشان تضمن انها تكون فى احسن حال