الموضوع: ..:: تقرير عن كورولا 2014 و الفتيس cvt بالصور ::..

المشاركة الأصلية كتبت بواسطة miceg

مجهود جميل منك ومعلومات قيمة
جزاك الله خيرا



م هاني انت تقصد ان الجوك او القاشقاي او الفلوانس فيها نفس التكنولوجي rubber band effect
مش intelligent shift ?

عزيزى خالد باشا....
ال Rubber band effect دى ظاهرة موجودة فى كل الجيربوكس ال CVT سواء بتاع تويوتا او رينو او نيسان او هوندا او اى شركة و ذلك لأنها ظاهرة مرتبطة و مبنية على فكرة عمله.....
هى عيب و ليست ميزه او تكنولوجيا و تحاول جميع الشركات جاهده للتخلص من هذه الظاهرة و هذا الاحساس الغير مرغوب فيه و خصوصاً لو كان السواق محترف و قيادته رياضية و يفضل سواقة المانيوال عامة.....فهو لن يرضى أبداً بهذا الاحساس و هذه الظاهرة فى هذا النوع من الجيربوكس الذى يسمى CVT

مع بداية نزول ال CVT و ظهور هذا العيب معه نتيجة فكرة عمله و تكوينه و جميع شركات السيارات تحاول ان تقلل من هذا الشعور او الاحساس الغير مرغوب فيه او الظاهرة التى يطلق عليها RUBBER BAND EFFECT
او بالبلدى كده الفتيس عامل زى الاستك لما تكبس بدال البنزين مرة واحدة
عامل زى الاستك اللى بيمط معاك دون تغيير فى عزم السيارة و بعد نقطة معينة مرة واحدة تلاقى العربية طارت منك زى السهم
طبعاً فى موقف طارىء و عايز تطلع من عربية او تخرج من مخرج طريق سريع بسرعة ممكن تحصل معاك هذه الظاهرة و تكون مقرفة فى هذه الحالات

نيسان و رينو اشتغلوا لتقليل هذه الظاهرة باستخدام مضخات زيت خاصة تقلل نسبة التأخير دى بحوالى 25% هذا طبعاً بالاضافة لتعديل السوفت وير و كل هذا لتقليل شعور الاستك الغير مرغوب فيه و اطلقوا على هذا الموديل المطور من ال CVT اسم XTRONIC CVT و هو النموذج الموجود حالياً فى الفلوانس و القشقاى و الجوك

تويوتا عملت نفس الموضوع و طورت جامد ال CVT التقليدى و قللت احساس الاستك ده الى اقل قيمة ليضاهى الفتيس الاوتو و اطلقت على هذا النموذج المطور CVT-iS او زى ما اوضحت سابقاً CVT-intelligent shift
هذا النموذج المطور يستخدم لأول مرة فى سيارات كورولا الجديدة سواء النسخة الأوروبية أو الأمريكية...طبعاً مننساش ان فيه انواع اخرى من الفتيس برده بتنزل فى الكورولا و ديه مش CVT اصلاً زى اللى بتنزل فى الخليج و تايوان و برده فى امريكا

نجحت تويوتا بنموذجها المطور CVT-iS و أيضاً نيسان بنموذجها المطور XTRONIC CVT بتقليل احساس الاستك او ال RUBBER BAND EFFECT و لكن اعيب عليهم هما الاتنين جداً انهم اختاروا يربطوا الفتيس ال CVT مع موتور على كاتينه حديد لأن ال CVT من مساوئه ان بيعلى صوت الموتور فمش معقول كمان احطله موتور على كاتينه صوته عالى أصلاً ...