انت هتشترى العربيه استخدام شخصى ولا اجرة ؟
لو استخدام شخصى خليك فى الشانا لو اجرة واستخدام تجارى خليك مع الدايهاتسو
عرض للطباعة
انت هتشترى العربيه استخدام شخصى ولا اجرة ؟
لو استخدام شخصى خليك فى الشانا لو اجرة واستخدام تجارى خليك مع الدايهاتسو
باشا حضرتك انا بكلمك فى فئة سعرية محددة
انا متفق معاك تماما ان الجران ماكس عربية متاز لكن انا مش معايا غير 68 الف والجران ماكس بـ 98 الف
يعنى فرق 29 الف وده مش معايا نهائى
ارجو تكون الصورة وضحت
ثم نا شايف غربيات صينى كتير فى الشارع معنى كده انها شفالة
السلام عليكم
الاخ الفاضل
لا انصح ابدا بسيارة صيني في تلك الفئة --- جار لي عمل عمرة موتور مرتين في خلال سنتين ل شيفرولية ان 200 -- لحد ما اتخنق و باع العربية و جاب شاهين
انا شوفت الاستار 2 على الطريق بصراحة لامنظر والا شكل وخسارة فيها 40 الف مش 68
الانتشار فى السوق المصري مش علامة للجودة فى بعض الاحيان بيبقى علامة للرداءة
الشانا دي وكيلها ابوغالي ... و شفتها في المركز بتاع العبور و كان نازل منها ربع نقل و ميكروباص و فان و كان سعرها 55 اظن بس ده من سنة تقريبا
و كنت وقتها بدور على ربع نقل ارخص من الدبابة و عجبتني جدا جي ام سي و رحت مركز الصيانة و مخزن قطع الغيار بس مكانش فيه نصيب اني اجيبها ...
و لقيت الشيفورليه عند الميكانيكي بتاعي و انا بعمل صيانة و سالته حاللي ليه موتور العربية ؟ قاللي بعملها عمرة و هيه 2011 ... و رايه فيها انها عربية زبالة لا تستحق الفلوس ...
ولادي بيروحوا الحضانة بعربية شيفورليه السواق جابها في 2012 و شفتها من يومين لفيتها شكلها زي ما تكون من 10 سنين ... مع انها شغالة في الحضانة داخل مدينة نصر يعني لا موقف و لا شوارع مكسرة ...
لو انت هتشتري عندك السوزوكي رغم انها فقيرة لكن ماسكة نفسها كويس و هتحتاج تجنط عشان تزود ثباتها و كمان مش مكيفة و لا باور و لا اي نوع من الكماليات ..
او تاخد الجراند ماكس بس اللي اعرفه انها فان بس مش ركاب الا لو انت عندك معلومة جديدة ...
لكن الصيني يخوف في الفئة دي لحد دلوقتي
بجد بجد انا تعبت من المقارنات دى
دلوقتى انا عايز عربية فان مكيفة والسوزوكى استحالة يركبلها تكييف
عايز اعرف اجيب ايه
ومحدش يقولى الدايهاتسو عشان مش معايا تمنها وكمان مش نازلة بكراسى يعنى لنقل البضاعة فقط
ارجوكم افيدونى
باشا لو مكانك هاجيب عربية منصور شيفورليه احسن الوحشين
لازم زيرو و لا ممكن مستعمل