ان شاء االله ناوي اغير العربية اللي معايا واشتري فورد فيستا 2000 موتور زيتك كاملة مانويل 1300 ---
ايه رايكم يا جماعة في الموديل ده يعني صيانته سهلة ؟ هل اعطاله كتير ؟ السحب والمشي بالموتور ده
عامل ايه ؟ هتكون كويسة مع التكييف ولا تعبانة ؟ جو البلد وفي السفر عاملة ايه ؟
ياريت حد يرد عليا بالتفصيل الملل علشان هاخد كلامكم واتوكل علي سواء بالشراء او الرفض
ومشكورين علي الرد بسرعة علشان ابلغ الراجل اللي عارض عليا العربية ؟؟
ارجو سرعة الرد
اتكل على الله واشتريها لو حالت العربية كويسة والكيلو متر قليل
الموتور السحب ممتاز وقليل الاعطال طول مانت موظب على الصيانة بتاعتة فى السفر ممتازة ووممتعة جدا وثابتة على السرعات العالية 150 -140 اعتمد على قطع الغيار الاوروبى والالمانى وابعد عن التركى التكييف بتاعها معقول وانت بتكشف عليها شوف المساعدين وخاصة الية وراء شوفهم جايبين زيت ولا لا لانها بتاكل مساعدين الية وراء بسرعة عداد الحرارة عامل زى الكورى ثابت على طول فى النصف طبعا مهم بعد ماتشتريها تراجع على دورة المياة فرش الابواب عادى انك تلاقية متاكل من الشمس اتاكد من لمبة الايرباج بتنور مع الكونتكت وبتطفى بعد كدة العربية فى المجمل العام ممتازة يعبها العفشة الخلفية ناشفة لو المساعدين كويسة وواطية على الارض
انما غير كدة ممتازة الماتور ztiec 1250 جميل جدا فى تسارعة
انا معايا كيا برايد هتشابك وكنت عاوز اركب الفورد دي علشان الكماليات اللي فيها هي كاملة مانويل فعلشان كدعه بسال عليها هل هيا اعطلها كتير خصوصا الموتور ده بيقولوا ان الشغل فيه صعب عن الموتور العادي (الكابراتير ) لاني تقريبا المنطقة اللي انا فيها كل بتوع الميكانيكا اللي هنا مش شغالين في الفورد وانا مش عاوز اقف اتكدر لما العربية لا قدر الله تعطل او كده ---- وموضوع ان قطع الغيار غالية ده مش مشكلة اوووي لانها بتقعد فترة طويلة في العربية ، لكن اكتر حاجة مخوفاني انها تكون مثلا بتعطل كتير وكده ، لاني كان معايا بيجو 305 طلعت عين اهلي معاها في كل شوية اعطال ،،، انما الكيا مثلا بقالها سنة معايا وزي الفل بس انا محتاج اغير علشان الكماليات اللي في الفورد .
وكنت عاوز اسالك متوسط السعر بتاعها كام دلوقتي هي كاملة مانويل وتكيف وباور وزجاج كهرباء وماشية في حدود 80.000 كليو راشة خارجي فقط
فقولي رايك ايه في السعر كام دلوقتي ليها
وكنت عاوز اسالك متوسط السعر بتاعها كام دلوقتي هي كاملة مانويل وتكيف وباور وزجاج كهرباء وماشية في حدود 80.000 كليو راشة خارجي فقط
فقولي رايك ايه في السعر كام دلوقتي ليها[/quote]
متوسط السعر بيبدأ من 28500 جنيه حتى 30500 جنيه و ده طبعاً على حسب حالتها و شغل السمكرة اللى فيها.
هي العربية راشة خارجي من غير معجون ماشية 80.000 كيلو --- كاملة مانيويل تكيف وباور وسنتر وزجاج كهرباء والحالة العامة كويسة
انا بس محتاج اقيس الماتور في اي بنزنية علشان اتأكد ان الموتور مش خفيف او فيه مشاكل
يعني لو جتب في 30.000 علي الحالة دي يبقي كويس ؟؟
حاول تكسر معاه فى 500ج او 1000ج لو مش ينفع توكل على الله و استخير ربنا بس
أهم حاجه تكشف على العربيه كويس والأفضل ترفعها في محطه بنزين تكشف على الدواخل والشاسيه من تحت والحوض وتعمل كبس موتور وتشوف فيه ترشيح زيت ولا لا وتجرب الباور كويس يمين وشمال وتشوف كده بعينيك لو فيه أسلاك متعدله أو ملعوب في الضفيره ( منقول )
و تشوف قدرة الماتور و الاسطوانة و الديسك و العفشة ايه اخبارها
وتتاكد ان الكمبيوتر بتاعها سليم و الحساسات
و المنافول و الدواخل كويسة و متكونش محتاجة شغل سمكرة او يكون فيها برومة
طيب ترشح حد معين اروح بالعربية عنده علشان اطمن عليها --- هو صاحب العربية اللي بتكلم عليها دي عند جامعة عين شمس كده لو تعرف ميكانكيي قريب من هنا او حد ثقة علشان انا في العربيات علي قد حالي ومش بفهم في الحوارت دي اوووي يعني فلو تعرف حد يبقي كتير خير وهكون شاكر جدا لتعاونك معايا باشا
السعر كويس اهم حاجة اكشف عليها كويس موتور وعفشة البارومة دايما بتبقى وراء الرفرف اليمين والشمال الية قدام وراء العجلة من تحت ممكن تروح لاحمد فرج وراء محطة الجراج يقوللك اخبار العفشة والموتور
طيب ممكن ياباشا عنوان حد كويس يكون قريب مثلا من جامعة عين شمس اخد العربية عنده او موبيله حتي وانا اروح اجيبه في عربيتي واخليه يبص علي العربية في مكانها
يبقي كتير الف خيرك
اقرب حد يعرف فى الفورد احمد فرج ياما روح بنزينة كويسة تاخذ تقرير عن العربية بالكامل
شكرا حبيبي ان شاء الله هروح السبت لاحمد فرج
مركز الفتح 62 ش عبد الحليم محمود - موازى لشارع الحرية امام محطة الكهرباء- امام مدرسة الكواكب جسرؤ السويس تيلفون 2967485- 0101549518اقتباس:
المشاركة الأصلية كتبت بواسطة ahmed.mt911
وفيه احمد فرج في جسر السويس عند الجراج تليفون 01001124421
فى الزيتون وعين شمس مركز ممتاز أسمه الأخوة وهو متخصص فى الأمريكى بس وده العنوان ورقم التليفون 95 المسيرى - حلمية الزيتون- موازى لترعة الجبل 22515755-22550518.
بس على فكرة أحمد فرج مش بيخرج من ورشته و كلمته عشان يجى معايا و رفض و كمان سيد خليل رفض بردوا.
حاول تقنع اللى هايبيع انه يجى معاك للميكانيكى بتاعك عشان يشوفها و نصيحة حاول اللى يكشف على العربية يبقى ميكانيكى فورد مش تكشف عليها فى بنزينة بس.
اقتباس:
المشاركة الأصلية كتبت بواسطة kantofanto
العفووووووو