اهلا وسهلا بحضرتك وتقريبا حالتك زى حالتى كلنا فى الهواء سوا
انا برده كنت محتار زى حضرتك كده وقارنت بين انواع كثير جدا وراعيت فى الاعتبار طبيعه العمل والصيانه وقطع الغيار وكل حاجه واخيرا ملقتش فى حدود السعر ده غير النيوصنى
هى ليها عيوب مش بنكرها
1- صاج خفيف بس ده كمان فى معظم الجديد عدا الالمانى طبعا
2-اسعار قطع الغيار لسه غاليه شويه بس يمكن لان لسه العربيه موديل جديد واكيد هتنزل زى كثير غيرها
3-الكاوتش وحش مش حلو بس مش للدرجه الكبيره يعنى
المميزات
1- سعر مناسب مقارنه بالاستهبال اللى فى مصر
2-صالون واسع وشنطه واسعه
3-وسائل امان 2 ايرباج ومانع للسرقه وانذار
4-فرامل اى بى اس
5- عفشه ناعمه ومريحه
6- استهلاك بنزين كويس
7-صيانه وتوكيل منتشر فى معظم مصر والتعامل معاهم كويس جدا
8- التكييف جيد ومزود بهوايه للتوزيع فى الصالون الخلفى
9-العربيه ثابته معايا لغايه 130 دى اخر حاجه جبتها لانى لسه بلين
10- عاليه عن الارض باخد اى مطب بكل سهوله وراحه حتى لو محمل
11- انا شلت فى العربيه شوالين رز فى الشنطه ماحستش انى شايل حاجه
انا معايا العربيه عامله 1300 ك بصراحه ممتازه جدا حتى الان لم اشتكى او يصادفنى اى عيوب من اللى ظهرت فى الدفعات الاولى وده معناه ان المصنع بيقوم بتصليح كل خلل بيظهر وبيتلافاه فى الدفعات الاحدث
الخلاصه بالسعر ده والامكانيات دى العربيه تعتبر جيده جدا فى ظل اسعار خياليه فى نظيرتها الاقل فى الامكانيات مقارنه مثلا باوبترا 117 الف بدون ايرباج ولافرامل اى بى اس ولا اموبلايزر مانع للسرقه
وطبعا صلى الاستخاره وربنا يوفقك فى الاختيار الافضل
المفضلات