الموضوع: سؤال عن اصلاح شاشة موبايل سامسونج ميجا

المشاركة الأصلية كتبت بواسطة egyzizo

المفروض ان الصور والداتا موجودة على الميموري كارد
جربت تطلعه من الموبايل وتحطه فى كارد ريدر وتشوف اللي عليه؟

للأسف الصور اللي انا محتاجها موجوده على التليفون نفسه

المشاركة الأصلية كتبت بواسطة عصام غنايم

ملهاش حل غير انك تروح لحد بتاع صيانه يحطلك شاشه تفتح بيها بس

وتنقل الداتا وشكرا

انا عملت كده ومن بعدها مبقتش بعمل رمز حمايه للشاشه ابدا تحسبا لموقف زى ده

ياريت فعلا يكون ده الحل , انا هحاول اسأل بتوع الصيانه عن الامكانيه دي وربنا يسهل الامور

بالنسبه لكود الحمايه هو ضروري عشان لاقدر الله لو الموبايل اتسرق متبقاش الداتا كلها في ايد الحرامي بسهوله

المشاركة الأصلية كتبت بواسطة trondo

صعب تلاقي حد بتاع صيانه يعمل الموضوع دا
ويركب لك شاشه تفتح بيها الجهاز

لو اس٣ او نوت٢ ممكن اقولك اه
فيه منها كتير و الباغه مكسوره و شغاله

لكن ميجا صعب

انا بقولك الفايده

طيب هو ماينفعش يركب عليه شاشه من نوع تاني كوضع مؤقت والجهاز مفتوح لغايه ماناخد الداتا و يشيلها تاني ؟ انا مش متخصص و مش عارف الكلام ده ممكن ولا لأ , لكنها مجرد فكره !

المشاركة الأصلية كتبت بواسطة elgabry1977

ارخص مكان فىه تصليح موبايلات هو شارع العطار جنب شارع عبد العزيز هناك فى واحد بتاع شاشات جمله اسمه اونست ممكن تسأل عنده

شكراً جزيلاً ليك على المعلومه

يا ترى عملت ايه فى الاخر؟

انا حصل معايا نفس الموضوع و الشاشة اتكسرت سامسونج e7

الشاشة فى التوكيل ب 1200 و برة التوكيل ب 1000 و مش اصلى

فى حد نصحنى اروح شارع عبد العزيز . فعلا فى فايدة من المشوار ده ولا ايه؟ ارجو الافادة

المشاركة الأصلية كتبت بواسطة matawfeek

يا ترى عملت ايه فى الاخر؟

انا حصل معايا نفس الموضوع و الشاشة اتكسرت سامسونج e7

الشاشة فى التوكيل ب 1200 و برة التوكيل ب 1000 و مش اصلى

فى حد نصحنى اروح شارع عبد العزيز . فعلا فى فايدة من المشوار ده ولا ايه؟ ارجو الافادة

يااه ده الموضوع قديم قوي :))

عايز تعرف عملت ايه , ركنت الموبايل في الدرج و لسه مركون لغاية دلوقتي عشان كل ماسأل على تمن الشاشة يقولولي 1200 جنيه برضه , بس انا لقيتها على امازون بحوالي 500 جنيه بالشحن و الجمارك بس مجبتهاش عشان اشتريت موبايل تاني

المشاركة الأصلية كتبت بواسطة A_H_M_A_D

يااه ده الموضوع قديم قوي :))

عايز تعرف عملت ايه , ركنت الموبايل في الدرج و لسه مركون لغاية دلوقتي عشان كل ماسأل على تمن الشاشة يقولولي 1200 جنيه برضه , بس انا لقيتها على امازون بحوالي 500 جنيه بالشحن و الجمارك بس مجبتهاش عشان اشتريت موبايل تاني

هههههه
اولا شكرا جدا على الرد السريع و على اهتمامك
ثانيا بقى بالمرة عشان لو حد فتح الموضوع يستفاد اقولك انا عملت ايه امبارح
انا كنت سألت محل فى السراج و قاللى الشاشة دى فى التوكيل نفس سعرها بره و ساعات ارخص ده غير ان معاها ضمان 3 شهور.
بس انا ماسمعتش الكلام و روحت امبارح شارع العطار اللى جنب شارع عبد العزيز و الشارع كله فعلا فيه كل حاجة بالذات الممرات الضيقة اللى فيه و حارة فيه اسمها حارة الزهرية.
المهم هو زى ما قولتلك فى توكيل راية ب 1200 هناك لقيته من اول 850 لحد 1150 + 50 جنيه تركيب.
و كل محل اسأله اصلى؟ فيه يقوللى اه و فى يقوللى حاجة نضيفة و فى اللى يقوللى هاتجربها بنفسك.
المهم فكيت الموبايل و روحت اجربها لقيتها شغالة زى الفل بس انا حسيت ان مش هى دى الوان الشاشة الحقيقية معرفش ده احساس و لا بيتهيألى ولا ايه بس اصل الوان الشاشة اللى هى سوبر اموليد super amoled دى بتبقى مميزة قوى و انا شارى الموبايل اصلا عشانها . ده غير ان الشاشة طالعة من علبة مجهولة الهوية كده و مش مكتوب عليها سامسونج خالص ( العلبة) و حتى بقوله طب فين كلمة E7 راح موريلى الكلمة مكتوبة بقلم اسود . المهم مارتحتش . روحت جربت واحدة تانية عند حد تانى لقيتها نفس العلبة و المرادى الشاشة جابت خطوط و ماشتغلتش خالص . فالحمد لله قفلت الموبايل و خدته و مشيت و هوديه انهارده التوكيل ان شاء الله . احتمال بس اسأل الاول فى كذا توكيل يمكن فى فرق فى السعر . انا سألت فى راية و هاسأل فى سكاى و يونيون جروب . انا اعرف ناس اتعامليت مع شارع العطار و جابت منه تاتش فقط و كان سعره احسن من التوكيل بكتير و كانت كويسة و الله اعلم .

و شكرا مرة تانية على الرد.