سؤال عن اصلاح شاشة موبايل سامسونج ميجا

**A_H_M_A_D** · 11-03-2014 12:45 PM

امبارح الموبايل بتاع زوجتي وقع و شاشته اتكسرت , الشاشه الخارجيه و غالبا الداخليه كمان لأنه ضلم ومبقاش شغال

الموبايل نوعه سامسونج جلاكسي ميجا الكبير اللي شاشته 6.3 بوصه

حد يعرف فني صيانه كويس ممكن يصلحه بسعر معقول و بضمير ؟؟

وهو تقريبا هايتكلف كام ؟ لأني عارف اني لو وديته التوكيل هادفع نص تمنه ده أقل واجب

ياريت لوحد جرب فني معين و ارتاح معاه يقولي عنوانه فين و تليفونه ان أمكن , وشكراً

**MaZaGAngeE** · 11-03-2014 02:35 PM

انا نفس المشكلة بس تلفوني ال جي و مش لاقي الشاشة في اي مكان

**smartchoice** · 11-03-2014 07:22 PM

أنا صلحت شاشة موبيل سامسونج ديوز عند محل فى مدينة نصر ب 130 جنية و المحل كويس و أمين
المحل أسمه جوبا عند فى الشارع اللى على نصيته مستشفى التيسير المتفرع من شارع النادى الأهلى (حسن المؤمون)

**A_H_M_A_D** · 12-03-2014 09:41 AM

المشاركة الأصلية كتبت بواسطة smartchoice

أنا صلحت شاشة موبيل سامسونج ديوز عند محل فى مدينة نصر ب 130 جنية و المحل كويس و أمين
المحل أسمه جوبا عند فى الشارع اللى على نصيته مستشفى التيسير المتفرع من شارع النادى الأهلى (حسن المؤمون)

شكرا على المشاركه , بس أكيد ده كان سعر الشاشه الخارجيه بس مش التاتش كمان

انا امبارح رحت محل جنب بيتي و سألته قاللي انا عندي الأصلي بضمان شهر ب 850 جنيه , والصيني ب 650 جنيه من غير ضمان خالص يعني لو خدتها و طلعت بره المحل معرفكش ( هو قالي كده بالنص !)

طبعا انا عارف ان اللي بيقول عليها اصلي دي ولا هي اصلي و لا بتاع بس اهو شغل فهلوه و السلام

بصراحه انا محتار و مش عارف اعمل ايه

**A_H_M_A_D** · 17-03-2014 11:08 AM

الراجل اللي قالي 850 جنيه وقت الجد رجع في كلامه و قالي 1500 جنيه !!

سألت عند اتنين تانيين واحد قالي 1250 والتاني قالي 1300 جنيه

شكلها كده هاشتري موبايل تاني و اسيب ده زي ماهو كده او ابيعه على حالته

النقطه المهمه دلوقتي , حد يعرف ازاي اطلع الداتا اللي على الموبايل و الصور من غير ماضطر اصلح الشاشه ؟؟

علما بأن الموبايل عليه كود حمايه مش هاقدر ادخله و الشاشه مكسوره , والصور اللي عليه مهمه بالنسبالي و محتاجها , هل فيه طريقه لنقلها على لابتوب بدون ماشتري شاشه جديده ب 1500 جنيه !!

**Egyzizo** · 17-03-2014 11:17 AM

هى فعلا معدية ألف جنيه مستريح ..
أنا عندى s4 قتيل بسبب الموضوع ده ، تكلفة اصلاحه كانت 1800 جنيه ، ركنته وجبت بيهم موبايل تانى.

أنا وصلته بالكمبيوتر وأخدت اللى أنا عايزه من عليه
مش عارف موضوع الكود ده يمنع النقل للكمبيوتر واللا ايه.

**A_H_M_A_D** · 17-03-2014 11:32 AM

المشاركة الأصلية كتبت بواسطة egyzizo

هى فعلا معدية ألف جنيه مستريح ..
أنا عندى s4 قتيل بسبب الموضوع ده ، تكلفة اصلاحه كانت 1800 جنيه ، ركنته وجبت بيهم موبايل تانى.

أنا وصلته بالكمبيوتر وأخدت اللى أنا عايزه من عليه
مش عارف موضوع الكود ده يمنع النقل للكمبيوتر واللا ايه.

هو فعلا مش منطقي اني ادفع مبلغ زي ده لاصلاح شاشه و في الاخر هايبقى الموبايل اسمه مفتوح و معموله صيانه ولو جيت ابيعه مش هايجيب تمن الشاشه اصلا !! استهبال بجد

بالنسبه لموضوع الكود انا جربت اوصل الموبايل باللاب توب فالبرنامج طلب مني افك كود الحمايه من على الموبايل , وهنا المشكله اللي مش لاقيلها حل

**Egyzizo** · 17-03-2014 01:56 PM

المفروض ان الصور والداتا موجودة على الميموري كارد
جربت تطلعه من الموبايل وتحطه فى كارد ريدر وتشوف اللي عليه؟

**عصام غنايم** · 17-03-2014 02:05 PM

هو فعلا مش منطقي اني ادفع مبلغ زي ده لاصلاح شاشه و في الاخر هايبقى الموبايل اسمه مفتوح و معموله صيانه ولو جيت ابيعه مش هايجيب تمن الشاشه اصلا !! استهبال بجد

بالنسبه لموضوع الكود انا جربت اوصل الموبايل باللاب توب فالبرنامج طلب مني افك كود الحمايه من على الموبايل , وهنا المشكله اللي مش لاقيلها حل

ملهاش حل غير انك تروح لحد بتاع صيانه يحطلك شاشه تفتح بيها بس

وتنقل الداتا وشكرا

انا عملت كده ومن بعدها مبقتش بعمل رمز حمايه للشاشه ابدا تحسبا لموقف زى ده

الموضوع: سؤال عن اصلاح شاشة موبايل سامسونج ميجا

LinkBack

أدوات الموضوع

عرض

-

-

-

-

-

المواضيع المتشابهه

حد سمع عن سامسونج جلاكسى ميجا الجديد؟

موبايل سامسونج خطين كاميرا 5 ميجا بكسل للبيع

كارت شاشة 512 ميجا للبيع

حمل من هنا دليل اصلاح لانسر 2008 الجديدة (8.4 ميجا بايت )

الكلمات الدلالية لهذا الموضوع

المفضلات

المفضلات

ضوابط المشاركة