صيانة 60 ألف كم خارج التوكيل

السلام عليكم و رحمة الله و بركاته

أزيكوا يا وحوش المنتدى ، يا رب تكونوا كلكوا بصحة و خير

دلوقتي أنا عربيتي لوجان موديل 2011 و ضمانها خلص في شهر يناير 2014 ، و المفروض أعمل صيانة 60 ألف كم سعرها في التوكيل 2500 جم :banzai:

بفكر أعمل الصيانة ديه بره التوكيل عشان السعر المبالغ فيه لكن في نفس الوقت قلقان علشان الصيانة ديه فيها تغيير مجموعة السيور (طقم كاتينه - سير دينامو)

عاوز أسمع رأيكوا يا شباب في الموضوع ده ، و هل في حد عمل الصيانة ديه بره التوكيل و لا لا؟ و هل في ميكانيكية محترفين و محترمين الواحد يقدر يتعامل معاهم و لا كلها إشتغالات و الموتور ممكن يطير بسبب جهل و فزلكة ميكانيكة؟

و لكم جزيل الشكر مقدماً

برازيلى ميكانيكى رينو و كان شغال فى التوكيل
كلمه و ممكن يجيلك ديه تليفوناته
01147663310
01001164880
و ديه صفحته على الفيس
https://www.facebook.com/groups/renalt/

اشكرك يا باشا على المعلومه، انا دخلت فعلا على الصفحه و لفيت فيها شويه لقيت تكلفة صيانة ال 60 الف عند برازيلي 1300 جم، بس بصراحة قلقان من موضوع تركيب السيور ديه ناس كتير مخوفاني ان الموضوع مش سهل في الرينو و ممكن تبقى فيها مشاكل كتير لو اتركبت غلط خاصة الكاتينه ، سالت انا على تكلفة تركيب السيور فقط في التوكيل لقيتها ب 1600 جم، بصراحه محتار و عاوز مشورتكوا

تصدق بالله ...؟ برازيلي عاملي صيانه الستين الف دي وهو مغمض ... هههههههه
بجد والله مش بهزر ... برازيلي دا الوحيد اللي بأمن ع العربيه معاه بعد التوكيل
طبعا لما سألت ع سعر الصيانه في التوكيل قالولي 2700
قلت مفيش غير النجم برازيلي والحمد لله العربيه زي الفل

هى العربيه للوجان صيانتها غاليه ممكن اعرف سعر صيانات اللوجان لحد 100 الف كيلو

لو مكانك مش هاخاطر بصيانة فيها سير كاتينة ممكن تجيب موتور بسببها لو اتعملت غلط علشان اوفر 500 جنيه

عايز تجرب اي ميكانيكي او مركز خدمه جربه فى اي صيانة تانية ميكونش فيها سير كاتينة

انت شاري رينو وعايز تصلحها عند ميكانيكي فى الشارع!!!

توكل علي الله وروح لبرازيلي كل الناس بتشكر فيه
انا متعاملتش معاه عشان انا لسه ف الضمان بس ناوي ان شاء الله بعد ما اخلص الضمان اتعامل معاه هوه
وعلي فكره صيانه الستين دي مش حاجه صعبه قوي زي ما الناس متخيله طالما الميكانيكي فاهم شغله

اقتباس:

---

المشاركة الأصلية كتبت بواسطة a_nbm

تصدق بالله ...؟ برازيلي عاملي صيانه الستين الف دي وهو مغمض ... هههههههه
بجد والله مش بهزر ... برازيلي دا الوحيد اللي بأمن ع العربيه معاه بعد التوكيل
طبعا لما سألت ع سعر الصيانه في التوكيل قالولي 2700
قلت مفيش غير النجم برازيلي والحمد لله العربيه زي الفل

---

ربنا يباركلك فيها، و فعلا في ناس كتير بتشكر فيه و بيقول انه كان شغال في توكيل رينو فرع العامريه، مش عارف اذا كان صح و لا لا، بس لما كلمته في التليفون حسيته فاهم، ربنا يقدم اللي فيه الخير، و شكراً لرد حضرتك

اقتباس:

---

المشاركة الأصلية كتبت بواسطة walidzakzok

لو مكانك مش هاخاطر بصيانة فيها سير كاتينة ممكن تجيب موتور بسببها لو اتعملت غلط علشان اوفر 500 جنيه

عايز تجرب اي ميكانيكي او مركز خدمه جربه فى اي صيانة تانية ميكونش فيها سير كاتينة

انت شاري رينو وعايز تصلحها عند ميكانيكي فى الشارع!!!

---

بص يا باشا اللي حضرتك بتقوله ده كلام سليم 100 % و كان بيدور في بالي بالملي، لكن عرفت مؤخرا ان مشكلة تركيب سير الكاتينه بتكون بسبب ان لما بتشيل سير الكاتينه القديم التروس بتتحرك و بتخلف تقسيمه الموتور لما بتركب السير الجديد لا قدر الله و ديه بتؤدي لكسر الصبابات، لحد اما عرفت المعلومه ديه قولت هعملها في التوكيل لكن عرفت برضه ان موضوع التروس اللي بتتحرك ديه في الاوتوماتيك مش المانيوال و برازيلي لما كلمته فهمت من كلامه انه فاهم المواضيع ديه خصوصا انه بيقول انه كان شغال في توكيل رينو فرع العامريه يعني فاهم هو بيعمل ايه مش اي واحد و خلاص و اللي بيطمني ان ناس كتير اتعاملت معاه و بتشكر فيه، شكرا لرد حضرتك

اقتباس:

---

المشاركة الأصلية كتبت بواسطة islamaaa

توكل علي الله وروح لبرازيلي كل الناس بتشكر فيه
انا متعاملتش معاه عشان انا لسه ف الضمان بس ناوي ان شاء الله بعد ما اخلص الضمان اتعامل معاه هوه
وعلي فكره صيانه الستين دي مش حاجه صعبه قوي زي ما الناس متخيله طالما الميكانيكي فاهم شغله

---

بالظبط المعيار هنا زي ما حضرتك بتقول ان الميكانيكي يكون فاهم شغله، شكرا لرد حضرتك و النصيحه

احب اوضح اني لما كلمت برازيلي قالي ان تكلفة صيانة ال 60 الف 1300 جم، و طقم الكاتينه بنجيبه من التوكيل و ده شئ طمني اكتر في البرازيلي، لانه لو كان قالي نجيب السير من عند عم ابو علي( اي محل يعني ) كنت هعملها في التوكيل عشان كنت هبقى شاكك، عموما اناقرت اني اتعامل مع البرازيلي في الصيانه و ربنا يقدم اللي فيه الخير، و هبقى اقولكوا ايه اللي حصل لما اخلص ان شاء الله

السلام عليكم
انت خلتنى اسجل فى المنتدى مخصوص عشان ارد عليك
عموما انا معايا لوجان من 5 شهور وفوجئت باسعار الصيانة العالية وروحت للراجل ده من شهر وعملت عنده الصيانة
والعربية زى الفل روحله ما تقلقش هو فاهم وفعلا كان شغال فى التوكيل
والله المستعان

اقتباس:

---

المشاركة الأصلية كتبت بواسطة hmagdy

السلام عليكم
انت خلتنى اسجل فى المنتدى مخصوص عشان ارد عليك
عموما انا معايا لوجان من 5 شهور وفوجئت باسعار الصيانة العالية وروحت للراجل ده من شهر وعملت عنده الصيانة
والعربية زى الفل روحله ما تقلقش هو فاهم وفعلا كان شغال فى التوكيل
والله المستعان

---

اولا مبروك على حضرتك العربيه و ربنا يديك خيرها و يبعدك عن شرورها، ثانيا مبروك علينا اشتراكك في المنتدى و خاصة اسره اللوجان و انا سعيد اني اكون سبب في وجودك معانا تنورنا :b4_388:

و احب اشكر حضرتك جدا لايجابيتك و اهتمامك و نصيحتك، و انا توكلت على الله فعلا و اتفقت معاه انه هيعمل الصيانه، و لسه راجع من التوكيل كنت بشتري طقم الكاتينه

مره تانيه بشكر حضرتك لردك و منورنا يا باشا و حضرتك لو لفيت شويه في قسم اللوجان هتلاقي الوحوش مبدعين و هتستفاد من المعلومات الموجوده

اشتريت النهاردة طقم الكاتينه من التوكيل فرع القطاميه و هو عباره عن سير الكاتينه و بليه و سعرهم 769 جم و الصور فيها محتويات العلبه و في انتظار برازيلي ان شاء الله الاسبوع ده

https://imageshack.us/a/img541/7334/6eg2.jpg

https://imageshack.us/a/img42/9742/t8tp.jpg

https://imageshack.us/a/img138/7788/6nel.jpg

https://imageshack.us/a/img571/2615/rm08.jpg

https://imageshack.us/a/img24/2372/bw3a.jpg

تم بحمد الله عمل صيانة الستين الف عند البرازيلي، و معاها حبه حاجات تانيه، بصراحه الراجل فاهم شغله كويس

احب أشكر كل واحد شارك في الموضوع و قالي رايه، أتمنى الموضوع يكون مرجع كويس لاي حد يحتاجه، و ربنا يباركلكوا يا وحوش و دايما واقفين جمب بعض

مبروك الصيانه يا هاني .... اتكلفت كام كلها علي كده (قطع غيار ومصنعيه) وربنا يباركلك في العربيه

تامر باشا ازيك يا ريس و ازي صحتك ليك وحشه يا راجل و الله بص يا باشا التفاصيل كما يلي

طقم سير كاتينه بيتكون من سير الكاتينه و بلثه و انا رفعت صورهم و دول اصلي من التوكيل و سعرهم 770 جم
علبه منظف بوابه ب 20 جم
برازيلي اخد مصنعيه 250 على تركيب طقم الكاتينه
و اخد 110 جم شاملين سعر فلتر هواء جديد من عنده + تنظيف البوابه + خرط الينابير + تعديل وصلة خرطوم الصخن + علاج عضه المارشيدير
يبقى اجمالي اللي اخده برازيلي 360 شامل فلتر الهواء و حبه الحاجات اللي قولت عليها

و انا كنت غيرت زيت توتال كوارتز 9000 و فلتر مع نفسي في بنزينه توتال و ديه اتكلفت 290 زيت و 40 جم فلتر زيت و 6 جم مصنعيه

يعني اتكلفت تقريبا 1440 بدون حاجتي الخاصه الاضافيه

250 مصنعية ميكانيكي في تركيب سير الكاتينة دة كدة يبقى التوكيل رخيص

ص

اقتباس:

---

المشاركة الأصلية كتبت بواسطة walidzakzok

250 مصنعية ميكانيكي في تركيب سير الكاتينة دة كدة يبقى التوكيل رخيص

---

امصنعيه تركيب طقم الكاتينه و سير الدينامو في التوكيل 600 جنيه:pffft:

اقتباس:

---

المشاركة الأصلية كتبت بواسطة hragheb007

تامر باشا ازيك يا ريس و ازي صحتك ليك وحشه يا راجل و الله بص يا باشا التفاصيل كما يلي

طقم سير كاتينه بيتكون من سير الكاتينه و بلثه و انا رفعت صورهم و دول اصلي من التوكيل و سعرهم 770 جم
علبه منظف بوابه ب 20 جم
برازيلي اخد مصنعيه 250 على تركيب طقم الكاتينه
و اخد 110 جم شاملين سعر فلتر هواء جديد من عنده + تنظيف البوابه + خرط الينابير + تعديل وصلة خرطوم الصخن + علاج عضه المارشيدير
يبقى اجمالي اللي اخده برازيلي 360 شامل فلتر الهواء و حبه الحاجات اللي قولت عليها

و انا كنت غيرت زيت توتال كوارتز 9000 و فلتر مع نفسي في بنزينه توتال و ديه اتكلفت 290 زيت و 40 جم فلتر زيت و 6 جم مصنعيه

يعني اتكلفت تقريبا 1440 بدون حاجتي الخاصه الاضافيه

---

أزيك إنت يا هاني واحشني والله ..... تمام يا باشا والله ينور .... بس س,ال تاني معلش .. هيا إيه تعديل وصلة خرطوم السخن دي

اقتباس:

---

المشاركة الأصلية كتبت بواسطة hragheb007

ص

امصنعيه تركيب طقم الكاتينه و سير الدينامو في التوكيل 600 جنيه:pffft:

---

هقولك ليه بقى التوكيل رخيص ...لو لاقدر الله السير اتقطع او فلت هاتروح التوكيل تاخد حقك لو كان الغلط من عندهم وممكن توصل انهم يركبولك موتور لكن المكيانيكي لو حصل ايه مش هتاخد منه حاجة وممكن يضربك كمان .... دة غير ان التوكيل عنده مكان كويس تقعد فيه... التوكيل تعمل فيه سير الكاتينة امااااان ليك لكن الشغل الهايف خليك برة حتى لو الميكانيكي طلع حمار مش هاتضر العربية

بس برده 250 كتير جدا على تغيير كاتينة عند ميكانيكي اخره 150 جنيه دة لما يبقى ميكانيكي بروفيسير

اقتباس:

---

المشاركة الأصلية كتبت بواسطة hragheb007

تامر باشا ازيك يا ريس و ازي صحتك ليك وحشه يا راجل و الله بص يا باشا التفاصيل كما يلي

طقم سير كاتينه بيتكون من سير الكاتينه و بلثه و انا رفعت صورهم و دول اصلي من التوكيل و سعرهم 770 جم
علبه منظف بوابه ب 20 جم
برازيلي اخد مصنعيه 250 على تركيب طقم الكاتينه
و اخد 110 جم شاملين سعر فلتر هواء جديد من عنده + تنظيف البوابه + خرط الينابير + تعديل وصلة خرطوم الصخن + علاج عضه المارشيدير
يبقى اجمالي اللي اخده برازيلي 360 شامل فلتر الهواء و حبه الحاجات اللي قولت عليها

و انا كنت غيرت زيت توتال كوارتز 9000 و فلتر مع نفسي في بنزينه توتال و ديه اتكلفت 290 زيت و 40 جم فلتر زيت و 6 جم مصنعيه

يعني اتكلفت تقريبا 1440 بدون حاجتي الخاصه الاضافيه

---

ممكن اعرف عالج عضة المرشدير ازاى ؟؟!!

اقتباس:

---

المشاركة الأصلية كتبت بواسطة tamer61

أزيك إنت يا هاني واحشني والله ..... تمام يا باشا والله ينور .... بس س,ال تاني معلش .. هيا إيه تعديل وصلة خرطوم السخن دي

---

كان التوكيل لاغالي التكييف السخن بناءً على طلبي و كان في وصله عاملها كانت مسببة مشاكل في الحرارة ، و كان السبب إن الخرطوم طويل جداً بدون سبب و الوصله كانت مش مظبوطه ، برازيلي شال الخرطوم كله و عمل الوصله قصيرة و فعلا الحمد لله حلت مشكلة الحرارة

اقتباس:

---

المشاركة الأصلية كتبت بواسطة walidzakzok

بس برده 250 كتير جدا على تغيير كاتينة عند ميكانيكي اخره 150 جنيه دة لما يبقى ميكانيكي بروفيسير

---

بص يا باشا انا عارف انه كتير حوالي 100 جم بس ما تنساش أنه فاهم شغله و كمان ديليفري يعني الصيانة إتعملت تحت البيت عندي و ده ليه ثمن و لا إيه ؟

اقتباس:

---

المشاركة الأصلية كتبت بواسطة zeekas15

ممكن اعرف عالج عضة المرشدير ازاى ؟؟!!

---

عالج عضة المارشيدير عن طريق إنه شال الجراب الجلد اللي حول قاعدة عصاية الفتيس و دلقت حبة زيت في المكان ده ، و الحمد لله إتحلت

تمام كدة مبروك الصيانة

اقتباس:

---

المشاركة الأصلية كتبت بواسطة walidzakzok

تمام كدة مبروك الصيانة

---

الله يبارك فيك يا باشا نورت الموضوع

اقتباس:

---

المشاركة الأصلية كتبت بواسطة hragheb007

كان التوكيل لاغالي التكييف السخن بناءً على طلبي و كان في وصله عاملها كانت مسببة مشاكل في الحرارة ، و كان السبب إن الخرطوم طويل جداً بدون سبب و الوصله كانت مش مظبوطه ، برازيلي شال الخرطوم كله و عمل الوصله قصيرة و فعلا الحمد لله حلت مشكلة الحرارة



بص يا باشا انا عارف انه كتير حوالي 100 جم بس ما تنساش أنه فاهم شغله و كمان ديليفري يعني الصيانة إتعملت تحت البيت عندي و ده ليه ثمن و لا إيه ؟



عالج عضة المارشيدير عن طريق إنه شال الجراب الجلد اللي حول قاعدة عصاية الفتيس و دلقت حبة زيت في المكان ده ، و الحمد لله إتحلت

---

الله ينور يا هاني وبرازيلي فاهم كويس وربنا يباركلك

اقتباس:

---

المشاركة الأصلية كتبت بواسطة tamer61

الله ينور يا هاني وبرازيلي فاهم كويس وربنا يباركلك

---

ربنا يخليك يا تامر، ربنا يكفينا شرها و يدينا خيرها و يستر طريقنا كلنا :S_thum1[1]:

الله يطمنكم يا جماعة بس انا عندى استفسار انا هعمل صيانة ال 50000 بس عندى مشكلة تانية غير تغيير الزيت و تغيير فلتر الزيت الفتيس الى تقل جدا لما بدور الصبح و بستنى لما مؤشر الحرارة يعلى درجتين و بعدين بتحرك و للاسف الفتيس برضه بيكون تقيل جدا على الاول و التانى
تانى مشكلة ان العربية بيكون فيها نتشه غريبة و خصوصا لما بكون على التانى سلانسية و ابدا ادوس بنزين عشان الطريق فتح كمان النتشه دى بتبان لما بتكون سرعة العربية مش مناسبة للغيار الى انا واخده يعنى ماشى 40 و واخد الغيار الرابع تقعد تنتش لغاية اما اوصل لسرعة الغيار المناسبة
و كنت عاوز انظف لبوابة كمان لتفادى مشكلة سينسور الايدل و عشان العربية تفوق
يعنى نصيحتكم اكلم برازيلى و هو هيخلص كل ده

اقتباس:

---

المشاركة الأصلية كتبت بواسطة hragheb007

تامر باشا ازيك يا ريس و ازي صحتك ليك وحشه يا راجل و الله بص يا باشا التفاصيل كما يلي

طقم سير كاتينه بيتكون من سير الكاتينه و بلثه و انا رفعت صورهم و دول اصلي من التوكيل و سعرهم 770 جم
علبه منظف بوابه ب 20 جم
برازيلي اخد مصنعيه 250 على تركيب طقم الكاتينه
و اخد 110 جم شاملين سعر فلتر هواء جديد من عنده + تنظيف البوابه + خرط الينابير + تعديل وصلة خرطوم الصخن + علاج عضه المارشيدير
يبقى اجمالي اللي اخده برازيلي 360 شامل فلتر الهواء و حبه الحاجات اللي قولت عليها

و انا كنت غيرت زيت توتال كوارتز 9000 و فلتر مع نفسي في بنزينه توتال و ديه اتكلفت 290 زيت و 40 جم فلتر زيت و 6 جم مصنعيه

يعني اتكلفت تقريبا 1440 بدون حاجتي الخاصه الاضافيه

---

شكرا على المشاركة , أنا بالنسبه لي ده مرجع لأي حد عاوز يعمل صيانه الـ60
ومبروك الصيانه وعقبال صيانه الــ 10000000000