بادور على مقاس معين (14-65-175) لعربية 113، والمتاح منه هو الساندرا التايلاندى والجوديير (مش عارف جنسيته)
أيهما أفضل؟
عرض للطباعة
بادور على مقاس معين (14-65-175) لعربية 113، والمتاح منه هو الساندرا التايلاندى والجوديير (مش عارف جنسيته)
أيهما أفضل؟
الجوديير طبعا
MMamdouh
شكرا على النصيحة
هو الجوديير جنسيته ايه؟
ماركة ساندرا دي مجهولة الهوية و مش موجودة في مواقع الإطارات ، لا في المواقع الكبيرة المشهورة و لا في أي مواقع تانية (حسب بحثي).
و بعد كده بيطلب التاجر فيها سعر هو نفس سعر ماركات محترمة و كبيرة في عالم الإطارت. :what:
لذلك سيبك منها تماما :mahf(5): .
و الـ جوديير طبعا أفضل بمراحل :tumb: .
حضرتك متأكد إن في المقاس 14 - 65 - 175 مفيش متاح غير الماركتين اللي حضرتك ذكرتهم ؟؟؟
أصل من خلال جولة البحث الأخيرة عن المقاس 14 - 60 - 185 لقيت حولي 35 إطار متاح في السوق . (ليس عدد الماركات ، إنما عدد الموديلات أي النقشات) و كانت الماركة مجهولة الهوية الوحيدة هي ماركة ساندرا .
دور كويس و اتعب شوية وانت تلاقي خيارات كتيرة تانية ، جايز تلاقي أحسن من الـ جوديير و بسعر مناسب أكتر .
ادخل هنا http://www.nilemotors.net/Nile/23174-a-70.html ، وشوف بنفسك العديد من الإطارات المتاحة في السوق ، و للعلم جولة البحث عملتها أيام 5 و 6 و 8 و 10 و 11 مارس 2014 ، يعني من أسبوع واحد فقط بدأتها .
الـ جوديير في الأصل شركة أمريكية عملاقة لصناعة المطاط ، و ماركة جوديير في الإطارات هي واحدة من الستة العمالقة و هم :
- جوديير ( الولايات المتحدة الأمريكية )
- دانلوب ( بريطانيا )
- ميشلان ( فرنسا )
- كونتينينتال ( ألمانيا )
- بيريللي ( إيطاليا )
- بريدجستون ( اليابان )
شركة جوديير ليها مصانع كتيرة حول العالم ، و أشهر مصنع بينزلنا من إنتاجه هنا في مصر هو مصنع جوديير في بولندا ، و في المقاس 14-60-185 من 3 سنوات كان فيه الموديل المحترم جدا DuraGrip و كان مصنوع في بولندا ، و دلوقتي موجود الموديل EfficientGrip Compact و برضه مصنوع في بولندا .
أما السيارة برتون ساجا الماليزية فهي بتنزل بإطارات GoodYear (مقاس 14-60-185 برضه) موديل DuraGrip بس مصنوع عندهم في ماليزيا .
إسأل التاجر اللي لقيت عنده الإطار ماركة جوديير عن بلد المنشأ و عن تاريخ الإنتاج (اهم حاجة) و عن اسم الموديل (النقشة).
ومبروك مقدما على الإطار و تستمتع بيه إن شاء الله و تعمل بيه رحلات آمنة و مريحة و موفرة في البنزين. :w6266d
موسوعة يا أستاذ يحيى ..
ربنا يبارك فيك
اية المشكلة لما تبقى ماركة جديدة وكمان تايلاندى اى منتج فى الاول بيكون كوبس وعاوز يثبت وجوده وللعلم الساندرا متجربة وطرية على الارض ....دة فى سائقين بيدورو على ماركات صينى متجربة بالنسبالهم ومن الاخر الإطارات حسب الطرق اللى بتمشي عليها واهتمامك بعفشة سيارتك