الموضوع: فتيس ميجان 2005

المشاركة الأصلية كتبت بواسطة kouriem

السلام عليكم لسه شاري من اسبوع ميجان 2005 عامله 127 الف كيلو، و انا ماشي عادي من غير حرق ولا اي حاجه كده حصلتلى المشكله دى:
فجأه وانا على سرعة 70و بدون سبب هبده فى الجيربوكس + لمبة سيرفيس + check gearbox و تجيب تالت و مفيش اى نقل بعد كده، و لازم اركن و ابطل و ادور تانى و كله يبقى تمام. كلمت واحد و قالي الاول غير زيت الفتيس و شوف ... و فعلا غيرته اول امبارح ب 500 جنيه الاحمر و الزيت القديم كان نازل ولا مؤاخذه زباله يعني ميه سودا و غيرت زيت متور و فلتر كمان ... بعد كده مشيت مشوار بيها و كانت تمام و بعدها على طول عملت نفس الحركه تاني ... طول ما الاربي ام على 2 تمام اول ما احاول اعدي ال70 تعمل نفس الحركه. برجاء يا شباب الافاده و شكرا ليكم مقدما.

ممكن يكون العيب في فيش الكهرباء و ممكن يكون حاجات تانيه ابداء بالكهرباء و بعد كده فلتر زيت فتيس ممكن يكون مخنوق و خصوصا انت بتقول الزيت نازل زي الزفت

متشكر يا باشا على ردك ... بس معلش اعمل ايه بالظبط يعني

المشاركة الأصلية كتبت بواسطة kouriem

متشكر يا باشا على ردك ... بس معلش اعمل ايه بالظبط يعني

كهربائي رينو ينظف فيش الكونترول و المديول بالاسبراي و جرب ما جبش نتيجه اعتقد انه هيكون فلتر زيت فتيس خلي بالك لو فلتر الزيت مكتوم لو حطيت العربيه علي الجهاز هيدي حساس ضغط الزيت او سليونيد فالف لان ضغط الزيت ضعيف يعني هيدي قراءه مش مظبوطه

تسلم يا باشا هاشوف كده و اقولك بس هو فلتر زيت الفتيس موجود جوه الفتيس يعني هايبقى لازم تفك الفتيس ولا ده فتي.

انا امامى ميجان 2005 عاوز اشتريها بس خايف من موضوع الفتيس دة لانه عيب مشهور على ما اسمع...و هل الحل تغيير سولونويد فالف بس ولا الفتيس كله بيضرب كل شوية زى ما بنسمع
هل العربية دة فيها عيوب اخرى مشهورة زى عيب الفتيس كدة ؟... افيدونا يا اهل الخبرة فى الميجان 2005
شكرا.... تحياتى