انا سئلت واحد صاحبى قالى مرور التجمع الخامس موجود فى الشروق.. الكلام ده صحيح؟؟ انا بنقل رخصتى من مرور السلام لمرور التجمع الخامس مش عارف اروح فين هل اروح الشروق فعلا؟؟؟
عرض للطباعة
انا سئلت واحد صاحبى قالى مرور التجمع الخامس موجود فى الشروق.. الكلام ده صحيح؟؟ انا بنقل رخصتى من مرور السلام لمرور التجمع الخامس مش عارف اروح فين هل اروح الشروق فعلا؟؟؟
اللى اعرفه ان رخصة العربيه فى الشروق
بالنسبه لرخصة القياده مش متاكد بس اللى اعرفه برضه ان مدينة نصر رخص القياده فى التجمع
الاخ الفاضل لو انا فاهم صح انت بتتكلم علي رخصة القيادة
يبقي كلام صاحبك غلط
رخص القيادة لمصر الجديدة والنزهة ومدينة نصر كلها في التجمع والمكان بالتقريب تنزل نفق القطامية وتفضل ماشي مع سور القطامية هايتس لغاية لما تلاقي بقي في شارع يمين تدخل فية وهاتلاقي يفط كتير ارشادية
والشئ المرتبط بمرور الشروق في التجمع هي النيابة لان مرور الشروق نيابتة في التجمع
علما بان مرور الشروق في ترخيص سيارات ورخص قيادة
اما مصر الجديدة ومدينة نصر والنزهة ترخيص سيارات فقط
يارب اكون وصلتك للي انت عاوزة وماكونش توهتك
تسمحلى اقولك انت برنس وجبت من الاخر وهيا اه فعلا رخصة قياده انا بعمل تغيير بيانات للرخصه من مرور السلام لمرور التجمع الخامس واللى عرفته برضوا ان انا محتاج اجيب شهادة مخالفات للرخصه من مرور السلام ومش هحتاج لشهادتين الباطنه والنظر علشان انا لسه الرخصه ساريه. اتمنى لو فى حاجه فى كلامى غلط تصلحهالى واشكرك شكرا جزيلا