هيونداى النترا 2012 (تقييم سعر)
السلام عليكم
برجاء التكرم بالمساعد في تسعير سياره النترا MD 2012 high line GL عندى احتماليه بيع السياره وعايز اقدر الثمن في السوق
عدادها 67 الف كم (وتزيد) عدادها كبير بس للتنقلات الكثيره على الطرق السريعه وليس داخل المدينه
فابريكه بالكامل يوجد بعض الخدوش البسيطه جدا
السياره حالتها ممتازه لون السياره ازرق او كحلى (ناس بتحب تقول كدا وناس بتحب تقول كدا) صيانات كلها بالتوكيل كل 10,000 كم
فرد كاوتش جديده بريدجستون GR90 super silent
تيل الفرامل الاصلى لم يستهلك حتى الان
صالون السياره نظيف بحالته ولم يتم غسله ولا مره بالكيماوى من نضافته
فرش بالسياره فوق الفرش الاصلى
رخصه 3 سنين تنتهى في مايو 2015
معرفش لو فيه معلومات تانيه ممكن اضيفها ولا لأ بس لو عايزين اى معلومه اتفضلوا اسألوا
يالا يا شباب عايز اشوف الخبره خصوصا رجاله هيونداى طبعا :)
