برجاء من الزملاء اللى يقول مشكله عن عربيه تكون عن تجربه ويفضل يكون مالك ليها
عرض للطباعة
برجاء من الزملاء اللى يقول مشكله عن عربيه تكون عن تجربه ويفضل يكون مالك ليها
من فتره كده كنت بفكر اشتري الكروز وبدأت أسأل عن العربيه وسألت 3 من ملاكها وبعدها صرفت نظر عنها تماماً لان التلاته محدش شكر في العربيه و2 منهم اشتكوا من الجير بوكس
سألت واحد معانا في الشغل معاه العربيه موديل 2013 أول ما قلتلوا رايك في العربيه ايه قال لي أوعى أبعد عنها خالص دي عربية (.......) أنا من ساعة ما جبتها وعندي مشاكل في الجير بوكس وعملت 100 مشكله مع التوكيل لحد ما غيروه في الضمان والجديد طلع زي الزفت ومش فارق عن اللي قبله والعربيه لسه معدتش 30.000 كم.
ومراتي معاها واحده صاحبتها في الشغل معاها كروز 2013 بردوا سألتها عليها قالت لها لا بلاش العربيه مشاكلها كتير وخساره فيها الفلوس (بس للاسف مراتي مسألتش عن نوعية المشاكل)
التالت بقى كان واحد معاه العربيه كان واقف جنبي في الزحمه في الشارع سألتوا عليها واحنا واقفين مستنين الطريق يفتح قالي بصراحه العربيه مش قد كده وعندي مشاكل في الفتيس وساعات بيعلق ومبيرضاش ينقل وان الموضوع ده بيحصل له كل فتره والوكيل معملوش حاجه في الموضوع ده بس بصراحه أنا نسيت اساله هي موديل كام
بعد التلاته دول بطلت اسال لاني كنت قفلت وقلقت من العربيه لان التلاته أشتكوا و 2 من التلاته اللي ميعرفوش بعض اصلا كان عندهم مشكله جيربوكس
الله اعلم بقى يمكن تكون صدفه اني أقع في تلاته عنده مشاكل ومش مبسوطين بس ده اللي حصل فعلا بلا مبالغه وعشان كده أنا بسأل على جيربوكس الاسترا عشان انا عارف ان الكروز الجديده نفس الماتور بتاع الاسترا بس مش عارف بالنسبه للجيربوكس ايه النظام هو هو ولا مختلف
هو فعﻻ الجير بوكس نقﻻته مش سلسه
أنا لا أعلم هل الفتيس في الأوبل والكروز واحد أم لا ، لكني لم أسمع بأي شكوى لملاك الأسترا من فتيس سياراتهم!
والله أعلم.
لا فتيس اوتوماتيك 6 نقلات عادى الDsg تكنولوجيا مختلفه تمامآ زي اليزلا ترونيك للفيكترا كده بس متقدم عنو وطبعآ فشل فمصر بسبب السخونه
بص ياباشا انا معايا الاسترا وعامل موضوع بتاع مميزات وعيوب الاسترا الكوزمو 2014 وكاتب فيه موضوع الفتيس ده..
باختصار شديد جدا اللى عرفته مؤخرا ان الكروز بتنزل بنفس موتور وفتيس الاسترا وانا شوفت فتيس الاسترا لقيته هو هو فتيس الكروز من حيث الشكل ومكان الطبه وكل ده بس تقريبا الاسترا نازله بعزم اقوي عن الكروز الخلاص انا فعلا عندي نقله مش سلسله اللى هيا بين التاني والتالت ودي فى معظم العربيات للاسف الشديد التوكيل بيقول ده عادي جدا .... انا كواحد من الملاك بقول ان ده مش عادي هتلاقي بقي 95 % من الملاك بيقولولك ده عادي جدا ... وفي كذا عربيه جابت فتيس بس عددهم قليل اوي اللى شوفتهم الصراحه وجابو فتيس على 70 الف وفى ناس ماشيه بالعربيه اكتر من 70 الف بكتير والعربيه مجابتش منهم حاجه عموما انا بحاول بردو اجمع ناس على قد مقدر علشان نضمن حقنا فى الفتيس والموتور حتي بعد ما الضمان مايخلص علشان نقتل الشك ده
الخلاصه العربيه جميله جدا جدا وفخمه جدا جدا وسواقتها ممتعه ماشاء الله بس بردو عايز اقتل القلق اللى جاي بسبب الفتيس ده وان شاء الله الموضوع هيتحل بس محتاج عدد ومحتاج وقت