الموضوع: انا النهارده اتقفلت قافلة صح (( مسوجر )) بسبب الايمجراند

يلا...... اتصدمنا قبلك

استني معايا نشوف البي زاي دي اف 3 الجديدة

و حضرتك صدقت كلام الأخ ريمون اللى بيكلم بلسان غبور ..........

نسيت اقول لك بعد ما تشترى العربية و تقابل مشالكها التانية مع الصدا الموجود فيها ابقى بلغنا هل هتشوف الأستاذ ريمون تانى هل هيرد على مكالماتك هل هيساعدك فى علاج عيوب العربية ولكن كلمة واحدة هتسمعها اتصل بمركز الصيانة فى أبو رواش و روح خد دورك هناك و ياريت نقدر نأخذ لك صورة هناك و انت بتتخانق و تسب لهم .................. . دول عصابة يابابا

هو حضرتك شايف إنك لما تزود فوق ال 30000 جنيه علشان تجيب صنى يبقى كدة حضرتك زودت "شوية"؟؟ كل واحد و إمكانياته برضه... و بعدين لما حضرتك تقارن ال byd بالإيمجراند ياريت تسأل سواقين التاكسى فى القاهرة عنها و كمان ياريت تشوف صور التابلوه و الدريكسيون و الصالون بتاعها الأول. بالنسبة للاسبيرانزا بصراحة أنا سمعت كتير عنها و عن أبو الفتوح و إستثماراته فى مصر. أنا أخاف أشترى عربية النهاردة مالقيش ليها توكيل بكرة..

المشاركة الأصلية كتبت بواسطة bassemali

والله انا مش مع حضرتك ف الكلام ده .. اولا في عربيات ف مستوى كماليات وفخامه الاميجراند زي البي واي دي (مصري ومستورد) والاسبرانزا الانفي ودي برضه مستورده .. وممكن يزود شويه ويجيب نيسان،صني واللي هيا فيها بعض العيوب البسيطه مش الكارثيه زي الصدأ .. اما بخصوص صاحبك اللي قالك مشكلة الصدأ اتخلت لارقام الشاسيهات فوق 10الاف.. فالكلام ده مش صحيح

ياريت حضرتك تدينى أى رقم شاسيه فوق ال 10000 و فيه صدأ و أنا هتلاقينى من بكرة عامل أحلى فضايح للناس دى كلها لكن لو حضرتك بتتكلم لمجرد الهجوم و بدون وجود صور مع حضرتك يبقى آسف مش مستعد أصدق حضرتك. صاحبى اللى كلمنى اللى فى غبور ده كان ممكن ينفى موضوع الصدأ أساساً لكن هو ما إعترضش على كلامى خالص بالعكس هو أقر الكلام ده لكن عادى جداً إن تكون فى مشكلة فى عربية و تتعالج بعد كدة و ياريت حضرتك تراجع تاريخ الهيونداى و اللانوس فى مصر.

المشاركة الأصلية كتبت بواسطة mr.elegant

ياريت حضرتك تدينى أى رقم شاسيه فوق ال 10000 و فيه صدأ و أنا هتلاقينى من بكرة عامل أحلى فضايح للناس دى كلها لكن لو حضرتك بتتكلم لمجرد الهجوم و بدون وجود صور مع حضرتك يبقى آسف مش مستعد أصدق حضرتك. صاحبى اللى كلمنى اللى فى غبور ده كان ممكن ينفى موضوع الصدأ أساساً لكن هو ما إعترضش على كلامى خالص بالعكس هو أقر الكلام ده لكن عادى جداً إن تكون فى مشكلة فى عربية و تتعالج بعد كدة و ياريت حضرتك تراجع تاريخ الهيونداى و اللانوس فى مصر.

حضرتك مش عاوز تصدق موضوع الصدا ده روح اشترى العربية و اتحمل مسؤليتك و لا تروج لأكاذيب غبور و عملائة نحن ملاك جيلى و بنقول لحضرتك 95 فى المائة مننا عندهم الصدا و فيه موضوعات بالصور لأكثر من مالك مع وجود أرقام الشاسيهات و تقارير عن زيارتهم لقسم الهياكل فى قليوب و كل اللى عملوه صنفرة الأبواب مع تجريح البودى من الخارج نحن ياما كتبنا أشعار فى العربية فى البداية للأننا من أوائل ملاك العربية لحد ما اكتشفنا خداع غبور و مشاكل العربية اللى لا تنتهى و عدم تجاوب التوكيل و لا رغبتهم حتى فى استبدال القطع المصدية اللى هى الأبواب الأربع و الشنطة و السقف و تحت الدواسات و لسه ما يستجد ..........