المشاركة الأصلية كتبت بواسطة mr.elegant
أنا عملت كدة فعلاً بس بعد ماشتريت العربية. طبعاً النتيجة حاجة من إتنين:
-1- يجيلى إكتئاب و ماركبسش العربية اللى كنت لسة ماكملتش بيها 400 كيلو
-2- أحاول أبقى متفائل و أحاول أواجه العيوب اللى هتظهرلى لأن مقتنع 100% إن مفيش عربية كاملة من كل حاجة لأن الكمال لله وحده.
*** بصراحة أنا فضلت الرأى التانى و مش من طبعى إنى أكون إنهزامى لأن رسولنا أمرنا بكدة و كمان ممكن يكون ده طبع فيا و كمان فى مثل بيقولك بص دايماً لنص الكباية المليان...
*** أنا مع كل واحد هنا قابلته أى مشكلة من أى نوع لكن مش مع اللى بيود الدنيا خالص كدة لأنى كمان أعرف ناس معاها العربية من سنتين (يعنى من أول إنتاج) و ما شائ الله بتشكر فيها جداً. و كمان واحد من ال sales اللى فى أباظة إشتراها لنفسه لما كنت أنا لسة بدور على عربية بعد ما بعت اللانوس بتاعتى.. و أكيد ال sales اللى عنده كل تفاصيل العربيات و يعرف عيوبها قبل مميازاتها مش هياخد قرار زى ده عادى كدة خصوصاً إنه لسة معاه لانسر و ماتريكس لغاية دلوقتى و دى كانت عربيته التالتة...
*** و الله العظيم أنا بكلم حضرتك دلوقتى و مش عارف عربيتى يكون فيها صدأ و لا لأ لكن حتى لو ظهر فيها حاجة مش مستعد إنى أتنازل عن فلوسى اللى دفعتها و أبقى إنهزامى أو أدى للناس صورة غلط عن العربية. يعنى لو حد سألنى بقوله عيوبها إيه و مميزاتها إيه و كل واحد ليه حرية القرار لأن اللى بيشترى عربية أكيد على الأقل ناضج شوية و بيعرف يخطط لحياته و يقارن بين الاختيارات.
*** أخيراً: "و أما بنعمة ربك فحدث"... يعنى ياريت برضه نبص للحاجات الحلوة اللى عندنا و مش عند حد تانى